| e-texts navigator |
| Wylie |
20b1 འགྲོ། ། གོ་ཆ་ཆེན་པོ་གྱོན་པ་ཡིས།། བློ་དང་ལྡན་པས་དབང་བླངས་ཏེ།། སེར་སྣ་ཁྲོ་དང་འགྱོད་པ་དང་།། ཕྲག་དོག་ལ་སོགས་དོར་ནས་སུ།། རྟག་ཏུ་སྤྲོ་བར་འགྱུར་བ་ཡིས།། བྱ་བ་བྱས་ན་ལེགས་པར་འགྲུབ།། འདི་ནི་བཅོམ་ལྡན་རྡོར
20b2 འཛིན་གསུང་། ། འཕགས་པ་རྡོ་རྗེས་འོག་གི་རྒྱུད་ལས་དཔལ་གྱི་སྒོར་དྲག་ཤུལ་སྤྱོད་པའི་ལེའུ་སྟེ་བཅུ་དྲུག་པའོ།། །། དེ་ནས་མཚན་ཉིད་གཞན་གྱིས་རིམ་པར་ཕྱེ་བར་གྱུར་པ་ནི།། སྔོན་དུ་འབུམ་ཕྲག་གསུམ་བཟླས་ལ།།
20b3 དེ་ནས་བུ་གའི་སྒོར་ལུས་དྲི་ཞིམ་པོས་འོ་མ་དང་ནས་ཟན་ཟ་ཞིང་འབུམ་ཕྲག་གསུམ་བཟླའོ།། དེ་ནས་བུ་གའི་འཁྲུལ་འཁོར་ཐམས་ཅད་འཇོམས་པར་འགྱུར་རོ།། དེ་ན་ཐེ་ཚོམ་མེད་པར་གྱུར་པའི་ཡིད་ཀྱིས་སྒོ་དྲུང་དུ་བསྲེག་ཟུམ
20b4 བརྒྱ་རྩ་བརྒྱད་བྱས་ལ་འཇུག་པར་བྱ་སྟེ་རང་གི་ཁྱིམ་བཞིན་ནོ། ། ལྷ་མ་ཡིན་གྱི་དབང་པོ་གཞན་ལེན་གྱིས་བསྒྲགས་པའི་གསང་བ་ཆེན་པོ་བཅོམ་ལྡན་འདས་རྡོ་རྗེ་འཛིན་པས་སེམས་ཅན་ཐམས་ཅད་ཀྱི་ཕྱིར་ས་འོག་གི་གསང་བ
20b5 ཆེན་པོའི་དཔལ་གྱི་སྒོ་བཀའ་སྩལ་པ། རྡོ་རྗེ་འཁོར་ལོ་དེ་བཞིན་དུ།། རྩེ་གསུམ་ཀུ་མུད་པད་མ་དང་།། བཀྲ་ཤིས་དང་ནི་དུད་ཉིད་དང་།། ཆུ་སྲིན་དུ་ནི་མཚོན་པར་བྱ།། རྡོ་རྗེས་གནོད་སྦྱིན་རྣམས་སུ་འགྲོ།། འཁོར་ལོས་སྲིན་པོ་རྣམས་འགྲོ
20b6 སྟེ། ། ཀླུ་ཡི་ཁང་པར་རྩེ་གསུམ་གྱིས།། རྐང་འོག་ཏུ་ནི་ཀུ་མུ་དས།། ལམ་པོ་ཆེར་ནི་པད་མས་འགྲོ།། བཀྲ་ཤིས་ཁྱིམ་གྱིས་མཛོད་ཁྱིམ་དོང་།། ཆུ་སྲིན་གྱིས་ནི་བུད་མེད་ཁྱིམ།། འཕགས་པ་རྡོ་རྗེས་འོག་གི་རྒྱུད་ལས་མཚན་ཉིད་ཀྱི་ལེའུ
20b7 སྟེ་བཅུ་བདུན་པའོ། ། །། དེ་ནས་རིག་པ་འཛིན་པའི་རྣལ་འབྱོར་གྱི་རིམ་པར་ཕྱེ་བར་གྱུར་པ་ནི། མུན་པ་ལས་ནི་འདས་པ་ན།། གང་ཚེ་སྒྲོན་མའི་འོད་གསལ་གདེ་ནི་འཁྲུལ་འཁོར་གནས་ཤེས་བྱ།། གནས་དེར་ཐོ་ལྡན་འགྲོ
20b8 མི་བྱ། ། འཁྲུལ་འཁོར་གཞོམ་པར་བྱ་བའི་ཕྱིར།། རྡོ་རྗེ་འཕྱར་བ་སྦྱར་བར་བྱ།། རྐང་པ་གཡས་པ་བཏེག་ནས་སུ།། གཡོན་པའི་སྟེང་དུ་སྦྱར་བར་བྱ།། ལྟེ་བའི་གནས་སུ་ཁུ་ཚུར་གྱིས།། གར་གྱི་སྦྱོར་བས་བསྐོར་བར་བྱ།། ལག་པ
iiif viewer powered by OpenSeadragon
