| e-texts navigator |
| Wylie |
20a1 ཙམ་སྡོད་ཀྱི་བར། ། ལྷ་མིན་བུ་མོ་རྣམས་དང་རྩེ།། དེ་རྣམས་ཀྱིས་བསྟན་ལམ་ནས་ནི།། ཅི་བདེ་བར་ནི་ངེས་པར་འདོད།། ལྷ་མིན་གྲོང་དུ་བདེ་བར་འགྲོ།། ཇི་ལྟར་བདེ་བར་སླར་ཡང་འོད།། གང་དག་དེར་ནི་སྔོན་སོང་བ། རྡོ་རྗེས
20a2 འོག་གིས་གཟིར་བས། ། གལ་ཏེ་འོང་བར་མ་གྱུར་ན།། དེར་ནི་རྨོངས་ནས་འཆི་བར་འགྱུར།། དེས་ན་སྔོན་རྒྱུ་ཞུགས་རྣམས་ལ།། བློ་གྲོས་ལྡན་པས་གཟིར་མི་བྱ།། འཕགས་པ་རྡོ་རྗེས་འོག་གི་རྒྱུད་ལས་དཔལ་གྱི་སྒོར་འཇུག་པའི་ལའུཿ།
20a3 བཅཝ་ལྔ་པའོ།། ། དེ་ནས་དཔལ་གྱི་སྒོའི་རྟོགས་པར་བརྗོད་པའི་རིམ་པར་ཕྱེ་བར་གྱུར་པ་ནི། དེཔལ་གྱི་སྒོ་ཡི་ཕྱིར་གནས་པའི།། མཚན་ཉིད་མཐོང་ནས་ཤེས་པ་ཡིས།། སྒྲ་སྤངས་སློང་བཟ་བ་དང་།། འཁྲུག་པ་མེད་པའི་སེམས་ཅ།
20a4 ས།། བློ་གྲོས་ཅན་གྱིས་འབུམ་ཕྲག་གསུམ།། དཔལ་གྱི་སྒོལ་བརྟེན་ཏེ་བཟླས།། འབུམ་ཕྲག་དང་པོ་བཟླས་པ་ཡིས།། འཁྲུལ་འཁོར་རྣམས་ནི་སྲུང་བར་འགྱུར།། གཉིས་པ་ཡིས་ནིས་གཡོ་ཞིང་།། དུ་བ་ཆེན་པོ་འཁྲུག་པར་འགྱུར།། གས
20a5 པ་ཡི་ནི་དྲི་ལྡན་པའི། ། རྒྱན་དང་སྐ་རགས་གྲོལ་བ་ཡིས།། ལྷ་མིན་བུ་མོ་ངེས་པར་འོང་།། ཁྲོ་བི་མེ་ཡིས་བསྲོས་པ་ན།། སྐལ་པའི་མེ་སྙམ་སེམས་པ་ཡིས།། ཅ་ཅོ་འདོན་ཞིང་རྣམ་པར་འབྲོས།། དེར་ནི་ཞི་བར་བྱ་དོན་དུ།། ཙན་དན་ལྡན་མར་སྦྱིན
20a6 བསྲེག་གིས། ། དེ་ཡི་ལུས་ནི་རྣལ་མར་གནས།། བསམ་པ་ཐག་པས་འདུད་པར་འགྱུར།། དཔལ་གྱི་སྒོ་དེར་ནོར་རྣམས་དང་།། རལ་གྲི་ལྡོང་རོས་མིག་ལ་སོགས།། དངུལ་ཆུ་བཅུད་ལེན་བཟང་པོ་དང་།། བུད་མེད་སྟོང་ཕྲག་བརྒྱ་རྣམས་གནས།།
20a7 བདག་གི་བདག་པོ་ཁྱོད་ཀྱིས་མཛོད།། མཐོ་རས་ས་འོག་བཟང་པོ་སྟེ།། གལ་ཏེ་དེར་ནི་མི་འཇུག་ནའང་།། ཇི་ལྟར་བཞེད་པ་དེ་བཞིན་མཛོད།། རལ་གྲི་གྲུབ་པའི་མིག་སྨན་སོགས།། དེའི་མདུན་དུ་བཞག་ནས་ཀྱང་།། རྡོ་རྗེ་ཁྲོ་བོས་གཟིར་བས་ན།
20a8 ཡིད་ལ་བཅགས་བཞིན་སྟེར་བར་འགྱུར།། ཇི་ལྟར་འདོད་པ་དེ་བཟུང་སྟེ།། དེ་ནི་བཏང་བ་ཉིད་དུ་བྱ།། དེར་ནི་དཀྱིལ་འཁོར་བསྡུ་བྱས་ཏེ།། ལྷ་དག་མཉེས་པར་བྱས་ནས་སུ།། ཁྲོ་བོ་དེ་ཡང་གཤེགས་སུ་གསོལ།། བརྒྱ་རྩ་བརྒྱད་བཟླས་ཅི་བདེར
iiif viewer powered by OpenSeadragon
