| e-texts navigator |
| Wylie |
59b1 པར་བསྒོམ་པར་བྱའོ། ། འཇམ་དཔལ་དེ་ཕྱིར་སྔགས་འདི་བརྗོད་པར་བྱའོ།། མ་སྭ་བྷཱ་པ་འི་ཤུད་དསརྦ་དྷ་པ་ཀྲ་བྷཱ་བ་འི་བུད་། ཞེས་བརྗོད་པར་བྱའོ།། ཡང་བཅོམ་ལྡན་འདས་ཀྱིས་གསུངས་པ། མངལ་ལས་སྐྱེས
59b2 པ་དང་། སྒོ་ང་ལས་སྐྱེས་པ་དང་། དྲོད་གཤེར་ལས་སྐྱེས་པ་དང་བརྫུས་ཏེ་སྐྱེ་བ་དག་ལ་བལྟས་ཏེ་བྱམས་པ་བསྒོམ་པར་བྱའོ།། སྐྱེ་བ་དང་རྒ་བ་དང་ན་བ་དང་འཆི་བ་ལ། སྙིང་རྗེ་ཆེན་པོ་བསྐྱེད་པར་བྱའོ།། སྟོང་པ་ཉིད
59b3 དང་མཚན་མ་མེད་པ་དང་སྨོན་པ་མེད་པ་དང་རང་བཞིན་གྱིས་འདུས་མ་བྱས་པ་ལ་དགའ་བ་དང་བཏང་སྙོམས་བསྒོས་པར་བྱའོ། ། འཇམ་དཔལ་དེ་ལྟ་བས་ན། རྒ་ནི་ཚད་མེད་པ་བཞིའོ།། དེས་བསྐྱེད་པ་ནི་བྱང་ཆུབ
59b4 ཀྱི་སེམས་སོ། ། དེའི་ཕྱིར་དེ་ལ་ནན་ཏན་དུ་ཡིད་ལ་བྱའོ།། འཇམ་དཔལ་དེའི་ཕྱིར་སྔགས་འདི་བརྗོད་པར་བྱའོ།། ཨོཾ་བོ་དྷི་ཙི་ཏ་ཏ་ཨུངྒ་ཏཱ་ཡ་ཨ་ཧཾ་ཞེས་བརྗོད་པར་བྱའོ།། ཡང་བཅོམ་ལྡན་འདས་ཀྱིས་གསུངས་པ།
59b5 མཆོད་པ་འདི་རྣམས་ཀྱིས་མཆོད་པར་བྱའོ།། གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། སངས་རྒྱས་རྣམས་ཀྱི་བྱིན་གྱིས་བརླབས་པ་ཡི།། བྱེ་མ་ཕུར་མ་བདུག་པའི་བྱེ་བྲག་རྣམས།། རྒྱལ་བ
59b6 བསྐྱེད་པའི་ཡུམ་ལ་མཆོད་པར་བྱའོ། ། གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། བདེ་བར་གཤེགས་པའི་ཡུམ་མཆོག་སངས་རྒྱས་སྤྱན།། མེ་ཏོག་སིལ་མ་ཕྲེང་བའི་བྱེ་བྲག་རྣམས།། རྒྱལ་བ
59b7 བསྐྱེད་པའི་ཡུམ་ལ་མཆོད་པར་བགྱི། ། གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། བདེ་བར་གཤེགས་པའི་ཡུམ་མཆོག་རིན་པོ་ཆེ།། རིན་ཆེན་མར་མེའི་བྱེ་བྲག་ཕྲེང་བ་རྣམས།། རྒྱལ
59b8 བསྐྱེད་པའི་ཡུམ་ལ་མཆོད་པར་བགྱི། ། གང་ཡང་ཕྱོགས་བཅུའི་འཇིག་རྟེན་ཁམས་བཞུགས་པའི།། དེ་བཞིན་གཤེགས་པའི་ཡུམ་མཆོག་ན་བཟའ་དཀར།། དྲི་ཞིམ་ཆུ་གཙང་སྤོས་ངད་ལྡང་བའི་རྭ།།
iiif viewer powered by OpenSeadragon
