| e-texts navigator |
| Wylie |
9a1 བཤད་པར་བྱ། ། སྔ་མ་བཞིན་དུ་གྲུ་བཞི་པ།། ཡི་དགས་ཕལ་ཆེར་འདིར་ཡང་བྲི།། དེ་ཡི་དབུས་སུ་བེ་ཅོན་བཞག། ཕྱོགས་བརྒྱད་རྣམས་སུའང་དེ་བཞིན་ནོ།། ཕྱག་རྒྱ་དགུ་དང་ལྡན་པ་ཡི།། ཕྱག་རྒྱའི་དཀྱིལ
9a2 འཁོར་ཞེས་ཀྱང་བྱ། ། དེ་བཞིན་དུ་ནི་ལྷོ་ཡི་སྒོ།། བྱེ་སྟེ་དེ་ནས་མཆོད་པ་བྱ།། ཕྱག་རྒྱ་སྔགས་ནི་མ་ལུས་པ།། ཁྲོ་རྒྱལ་རང་གིས་སྡེལ་མ་བྱ།། དེ་ཡིས་འདིར་ནི་མཆོད་གྱུར་ལ།། རིམ་གྱིས་གསང་བའི་མཆོད་བྱས་འགྱུར།། ཨོཾན་མོ
9a3 བུད་དྷ་དྷརྨ་སཾ་གྷེ་བྷཿོཾ་ཨཱ་སརྦ་ཏ་ཐཱ་ག་ཏ་ཀྲོ་དྷ་བི་ཛ་ཡ། ཨག་ནི་ར་ཛྭ་ལི་དཱ་པྲ་ཏ་ཤི་ར་ཧཱུཾ་བ་ཊ་ཧཱཾ། འདི་ནི་ཁྲོ་བོའི་རྣམ་པར་རྒྱལ་བའི་གོང་དུ་བཅུག་པའི་བེ་ཅོན་གྱི་ཕྱག་རྒྱའི་སྔགས་སོ།། འདི་ལས་ཐམས་ཅད་བསྒྲུབ་པར་བྱའོ།།
9a4 དེ་ནས་དངོས་གྲུབ་ཀུན་གྱི་མཆོག། ཁྲོ་བོའི་གཙོ་བོ་དེ་ཁོ་ན།། གསང་བའི་མཆོད་དང་ལྡན་པ་ཡི།། བེ་ཅོན་བསྒྲུབ་པ་བཤད་པར་བྱ།། སྙིང་པོ་ཟེ་བ་མཛེས་པ་ཡི།། པད་མ་འདབ་མ་བརྒྱད་བྱས་ལ།། འདབ་མ་རྩེ་མོའི་ཕྱོགས
9a5 བརྒྱད་དུ། ། བེ་ཅོན་ཁྲོ་བོའི་བར་བཅུག་བྲི།། དབུས་སུ་དགུ་པ་བཞག་ནས་ནི།། གཞན་རྣམས་ཤར་ཕྱོགས་ནས་བརྩམས་ཏེ།། བསྐོར་བའི་ཚལ་དུ་གོ་རིམས་བཞིན།། མེ་ཏོག་དག་གིས་བཞག་པར་བྱ།། བེ་ཅོན་ཀུན་གྱི་ས་བོན་ཧཱུཾ།
9a6 ཡི་དགས་སྤྱི་བོར་བཞག་པར་བྱ།། ཐོག་མར་ཨོཾ་དང་ལྡན་བྱས་ཏེ།། ཨོཾ་དང་ནམ་མཆོད་པར་འགྱུར།། ཨཱཿའདི་ཁྲོ་བོ་རྣམ་རྒྱལ་གྱི།། ས་བོན་དམ་ཚིག་ཡིན་པར་བཤད།། ཨོཾ་ན་མོ་བུད་དྷ་དྷརྨཱ་སཾ་གྷེ་བྷྱཿ།། སངས་རྒྱས་ཀུན་གྱིས
9a7 མངོན་པར་བསྟོད། ། བེ་ཅོན་རྣམས་ནི་ཐམས་ཅད་ཀྱང་།། རང་གི་དམ་ཚིག་བསྐུལ་བར་ལྡན།། ཐམས་ཅད་རང་གི་དམ་ཚིག་ལྡན།། དེ་བཞིན་གཤེགས་པའི་རིགས་ལས་བྱུང་།། བསྐུལ་བ་ཚིག་ནི་རབ་ལྡན་ཞིང་།། ཁྲོ་བོའི་ལྟ་བས་བརྟགས་པ
9a8 དང་། ། རང་རང་རྟགས་ཀྱིས་བསྐུལ་ན་ནི།། དེ་མ་ཐག་ཏུ་ལས་བྱེད་འགྱུར།། ཨཱཿའདི་ཁྲོ་བོ་རྣམ་རྒྱལ་གྱི།། ཁྲོ་བའི་ལྟ་བས་བལྟས་པའོ།། རང་གི་དམ་ཚིག་དང་ལྡན་པ།། ཧཱུཾ་དང་ལྡན་པ་བསྐུལ་བ་གཞན།། ཞི་བ་རྒྱས་པ་དབང་དང་དགུག
iiif viewer powered by OpenSeadragon
