| e-texts navigator |
| Wylie |
6a1 བྱཱ། ། ཁད་མ་དང་ནི་ཕྱོགས་བཞི་སྒོ།། ཐེ་ཙོམ་མེད་པར་མཉམ་པར་བྱ།། མཛེས་བྱེད་སྒོ་ཡི་ཕྱེད་དུ་བྱ།། འགྲམ་པ་འདབ་མའི་ཚད་དང་མཉམ།། ཉེ་བ་ཡི་ནི་མཛེས་བྱེད་ཀྱང་།། མཛེས་བྱེད་དང་ནི་འདྲ་བར་བྱ།
6a2 ཆོ་ག་བཞིན་དུ་དཀྱིལ་འཁོར་ཏེ།། ཀུན་དུ་ཐིག་ནི་བཏབ་ནས་ཀྱང་།། བྱི་ནས་ཚུལ་བཞིན་རིག་འཛིན་གྱིས།། དུར་ཁྲོད་ཐལ་བས་བྲི་བ་ནི།། རྟག་ཏུ་ཤེར་བྱང་ལ་སོགས་པའི།། གྲཝ་ཡི་ནང་ནི་དེ་དག་ཏུ།། མཁས་པས་བེ་ཅོན་ཕྱག་རྒྱ་བྲི།།
6a3 ཕྱོགས་ཀྱི་སྒོར་ནི་ཡི་དགས་བཞག། གཞན་ཡང་ཡི་དགས་ལྔ་པ་ནི།། པད་མའི་སྟེང་དུ་བསམ་པར་བྱ།། དེ་བཞིན་ཕྱི་སྒོའི་ནང་དག་དང་།། བླུགས་རྣམས་དེ་དག་ཐམས་ཅད་དུ།། མི་རོ་མགོ་མེད་ཡི་དགས་རྣམས།། དྲང་ཁྲོད་ཐལ
6a4 བས་དངར་ཏེ་བྲི། ། དེ་ཕྱིར་ཡི་དགས་ཕལ་ཆེན་ཡིན།། ཁྲུ་གང་ལ་སོགས་རིམ་པ་ནས།། ཁྲུ་བརྒྱད་པ་ཡི་བར་དུ་སྟེ།། དེ་ལས་ལྷག་པར་ཡོད་མི་བྲི།། རྟག་ཏུ་བདག་ཉིད་མཆོད་པ་ནི།། ཁྲུ་གང་པ་ནི་བྲི་བར་བྱ།། ཞི་བ་དང་ནི་རྒྱས་པ་དང་།།
6a5 མི་རྒྱལ་སྒྲུབ་པ་ཁྲུ་དོར་བསྟན།། སེམས་ཅན་ཀུན་ནི་བསྐྲད་པ་དང་།། དེ་བཞིན་གནིག་ལ་ཁྲུ་གསུམ་པ།། ཁྲུ་བཞི་དབང་དང་འགུག་པ་ཡི།། ལས་རྣམས་ཀྱི་ནི་མཆོག་ཏུ་གསུངས།། ཁྲུ་ལྡནད་དང་མི་ནད་དང་།། དགྲ་རྣམས་མེད་པར་བ#
6a6 བའི་མཆོག། ཁྲུ་དྲུག་བགེགས་རྣམས་ཐམས་ཅད་དང་།། གདོན་རྣམས་ངེས་པར་ཟློག་པར་བྱེད།། ཁྲུ་བདུན་པ་ནི་ལྷ་ཡི་རྣམས།། དབང་དང་འགུག་པའི་ལས་རྣམས་བྱེད།། ཁྲུ་བརྒྱད་པ་ནི་དངོས་གྲུབ་ཀུན།། སྦྱིན་བྱེད་མཆོག་ཏུ་ཤེས།
6a7 པར་བྱ། དེ་ལྟར་ཅི་རིགས་བྲིས་ནས་ནི།། དེ་ནས་བཙང་མས་ཉེ་རེག་བྱ།། ཆུ་ཡི་ཕྱིར་ནི་ཆུ་ཡི་སྣོད།། ཆུས་ནི་རབ་ཏུ་དགང་བར་བྱ།། དེ་བཞིན་མེ་ཏོག་དོན་དུ་ཡང་།། མེ་ཏོག་སྡུག་གུ་དྲི་ཞིམ་དང་།། མེ་ཏོག་ཕྲེང་བས་སྣོད་མཆོག་གཞན།། ལེགས
6a8 པར་དགང་ཞིང་མཛེས་པར་བྱ། ། དྲི་ཡི་དོན་དུ་བྱ་བ་ནི། ཙན་དན་དཀར་པོ་དམར་པོ་བླང་། ཨ་ག་རུ་དང་སྦྱར་བ་ཡི།། གུ་གུལ་བདུག་པ་དེ་བཞིན་ནོ།། མར་མ་མར་གྱི་མར་མེ་དང་།། མཁས་པས་སྙིང་པོ་འཇམ་པའོ།། དྲག་པོ་ཡི་ནི་ལས་དག་ལས།
iiif viewer powered by OpenSeadragon
