| e-texts navigator |
| Wylie |
59a1 དང་རིགས་ཀྱི་བུ་མོ་གད་ལ་ལ་ཞིག་གཟུངས་ཆེན་པོའི་གསང་སྔགས་གཞི་འདི་དག་འཛིན་ཏམ། ཀློག་གམ། སྟོན་ཏམ། ཀུན་ཆུབ་པར་བྱེད་ན། དེའི་ཚེ་འདི་ཉིད་ལ་མིག་རྣམ་པར་དག་པར་འགྱུར་རོ།། ཐོས་མ་ཐག་ཏུ
59a2 སྡིག་པ་ལས་རབ་ཏུ་གྲོལ་བར་འགྱུར། བྱང་ཆུབ་སེམས་དཔའ་ཐམས་ཅད་ཀྱིས་བྱིན་གྱིས་བརླབས་པར་འགྱུར།། དེ་བཞིན་གཤེགས་པའི་སྐུ་གཟུགས་ཀྱང་མཐོང་བར་འགྱུར། ཟླ་བ་ཕྱེད་ཀྱི་བར་དུ་བཟླས་པ་བྱས་ན་འཕགས་པ
59a3 སྤྱན་རས་གཟིགས་དབང་ཕྱུག་དང་། ཟླ་འོད་གཞོན་ནུར་གྱུར་པ་མཐོང་བར་འགྱུར། མཚམས་མེད་པ་ལྔའི་སྡིག་བྱས་པ་ཡང་འབྱུང་བར་འགྱུར། སྐྱེ་བ་དྲན་པར་འགྱུར། ཚེ་བརྗེས་ནས་ཀྱང་ལྷ་རྣམས་ཀྱི་ནང་དུ་སྐྱེ་བར་འགྱུར། ཁྱིམ
59a4 བདག་ཆེན་པོ་སྐྱིད་པ་དག་གི་ནང་དུ་སྐྱེ་བར་འགྱུར། སྐྱེ་བོ་ཐམས་ཅད་དགའ་བར་འགྱུར་རོ།། འདི་ལྟར་ས་ཆེན་པོ་མ་ལུས་པ་འདི་ནི་གྲམ་པ་འགྱུར་ཡང་སི་ཏེ་རྒྱ་མཚོ་ནི་སྐམས་ཀྱང་སྲིད། དེ་བཞིན་དུ་རིའི་རྒྱལ་པོ་རི་རབ་ནི་འཇིག་པར
59a5 འགྱུར་ཡང་སྲིད། རླུང་ནི་ཞགས་པས་བཅིང་དུ་རུང་ཡང་སྲིད། ཟླ་བ་དང་ཉི་མ་ནི་སའི་སྟེང་དུ་ལྷུང་ཡང་སྲིད། ནམ་མཁའ་ནི་ལག་པ་གཉིས་ཀྱིས་མནན་དུ་རུང་ཡང་སྲིད། མེ་ནི་ཆུར་འགྱུར་ཡང་སྲིད། འབྱུང་བ་ཆེན་པོ་བཞིན
59a6 གཞན་དུ་འགྱུར་ཡང་སྲིད། སེམས་ཅན་ཐམས་ཅད་ཀྱི་སེམས་གཅིག་ཏུ་འགྱུར་ཡང་སྲིད་ཀྱི། དེ་བཞིན་གཤེགས་པས་གསུངས་ཤིང་བྱིན་གྱིས་བརླབས་པ་ནི་གཞན་དུ་འགྱུར་མི་སྲིད་དོ།། སུས་ཀྱང་བསྐྱོད་པའམ་བསྐུལ
59a7 པར་མི་ནུས་སོ། ། འདི་ལ་ནི་བདུད་སྡིག་ཅན་གྱིས་གླགས་རྙེད་པར་མི་འགྱུར་རོ།། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བཅོམ་ལྡན་འདས་ལ་ཕྱག་འཚལ་ནས་འདྲ
59a8 སྐད་ཅེས་གསོལ་ཏོ། ། བཅོམ་ལྡན་འདས་བདག་གིས་ཀྱང་གཟུངས་འདིའི་ཆོ་ག་བཤད་པར་བགྱིའོ།། ཆོས་ཀྱི་རྒྱལ་པོའི་མཆོད་རྟེན་རིང་བསྲེལ་དང་བཅས་པ་འམ། སངས་རྒྱས་ཀྱི་སྐུ་གཟུགས་ཀྱི་སྤྱན་སྔར་ཙན་དན་དཀར་པོའི
iiif viewer powered by OpenSeadragon
