| e-texts navigator |
| Wylie |
53a1 སྔགས། ། སྦྱོར་བ་དག་གིས་གོམས་པར་བྱ།། ཁྲོ་བོ་རྣམ་པར་རྒྱལ་བ་ཡི།། རྟོག་པ་དང་པོར་གང་བསྒྲགས་པ།། དེ་ཡི་རྟོག་པ་གསང་བཤད་པ།། ཆོ་ག་འདི་ནི་གསང་བའི་མཆོག། ཁྲོ་བོའི་འཁོར་ལོ་བསྒྲགས་པ
53a2 འདི། ། ཆོ་ག་དེ་བས་ཤིན་དུ་གསང་།། ཁྲོ་བོའི་འཁོར་ལོ་གསང་བཤད་པ།། རབ་ཏུ་སྣང་བྱེད་དེ་བས་ཀྱང་།། ཧེ་ལའི་འཁོར་ལོ་བསྒྲགས་པ་འདི།། རབ་ཏུ་གསང་བའི་མཆོག་ཡིན་ཏེ།། རྟོག་པ་འདི་དག་ཐམས་ཅད་ཀྱི།། རབ་ཏུ་གསང
53a3 བ་བཤད་པ་ཡིན། ། རྟོག་པ་རབ་ཏུ་གསང་བ་ནི།། འདི་དག་རྣམ་པ་ཀུན་ལ་ཡང་།། ཧེ་ལའི་འཁོར་ལོ་འདྲ་བ་ཡི།། འཁོར་ལོ་མ་བྱུང་ཕྱིས་མི་འབྱུང་།། གང་ཞིག་འདི་ཡི་དོན་ཐོས་ནས།། ཁྲོ་བོའི་གྲུབ་པ་སྒོམ་བྱེད་པ།། དེ་ཡིས་འབད་པ་མ་བྱས
53a4 ཀྱང་། ། འཇིག་རྟེན་ན་ནི་བསྒྲུབ་དཀའ་མེད།། ཧ་ལའི་འཁོར་ལོའི་གནས་ལ་ནི།། ཇི་ལྟར་འདོད་པར་གནས་ནས་སུ།། ཁྲོ་བོ་བསྒོམ་དང་རབ་ལྡན་པས།། ཁྲོ་བོའི་གཟུགས་སུ་གནས་ནས་ནི།། རྩེ་གཅིག་ཏུ་ཡང་ཚིག་གི་མཆོག། བསྒྲུབ་པ
53a5 མཆོག་ནི་སྦྱིན་པར་བྱེད། ། ཐོགས་པ་མེད་པར་འཇམ་དཔལ་མཐོང་།། ཇི་ལྟར་རིག་པའི་དོན་བཞིན་དུའོ།། ཁྲོ་བོ་རྣམ་པར་རྒྱལ་བ་འཇམ་དཔལ་གྱི་རྩ་བའི་རྟོགས་པ་ལས་གས་པའི་རྟོག་པར་གཏོགས་པསྟེ་བཞི་པའོ།། །། ཁྲོ་བོ་ཆེན་པོའི་ཚིག་གི་མཐར
53a6 སྦྲུལ་ཅིག་ཅེས་པའི་ཚིག་གཉིས་གཞག། སྐུལ་ཅིག་ཅེས་པའི་ཚིག་གཉིས་མཐར།། ཁྲོ་བོ་བདུད་རྩི་འཁྱིལ་པའོ།། ཁྲོ་བོ་ཆེན་པོ་ཕྲེང་བ་དང་།། བདུད་རྩི་འཁྱིལ་པ་འདི་ཡི་མཐར།། ཀུན་དུ་དང་པོ་གཡོ་བ་དང་།། སྔགས་ཤེས་ཚམ་ངམ
53a7 མཛེས་པ་ཡིས། ། ཧེ་ལའི་འཁོར་ལོལ་གནས་ཏེ།། དང་པོ་གནས་སུ་འདྲག་ནས་སུ།། བེ་ཅོན་ཕྱག་རྒྱ་ལན་ཅིག་བཅིང་།། དེ་ནས་ཁོ་བོའི་སྔགས་བཟླས་པ།། སྔགས་པ་འགྲེང་སྟེ་འདྲག་པ་ནི།། རྐང་པ་གཉིས་ནི་བསྣུར་བ་དང་།། ཁྲོ་བོ་སྒོམ
53a8 པ་འདི་ལ་ནི། ། སེམས་ནི་རབ་ཏུ་ཞེན་བྱས་ནས།། ས་འདི་རབ་ཏུ་གཡོས་པ་འམ།། རི་དག་གཡོས་པའི་བར་དུའོ།། དེ་ནས་འཁོར་ལོ་བསྒྲུབ་པ་ཡིས།། གཉིས་པའི་གནས་ལ་སོང་ནས་སུ།། ཁྲོ་བོ་ཆེན་པོའི་ཚིག་མཐར་གནས།། སྒོམས
iiif viewer powered by OpenSeadragon
