| e-texts navigator |
| Wylie |
51a1 ཁྲོས་ཤིང་དགྲ་ཡི་མིང་སྨོས་བཟླས།། དེ་ནས་དགྲ་བོ་མོ་གདོན་གྱིས།། ཟིན་ནས་སྤྱོད་པ་སྣ་ཚོགས་པས།། འཆི་བར་གྱུར་པ་དག་ནི་བྱེད།། དེ་ནས་བསྒྲུབ་བོས་ཞི་བ་ཡིས།། ཚོགས་དེ་ལས་ཞི་བར་བྱེད།། མཚ
51a2 རྣམས་ཀྱི་མདུན་འདུག་ནས། ། ཞི་བའི་ཚི་ག་མཁས་པ་ཡིས།། དབང་པོ་བསྡམས་ཤིང་ཡིད་བདེ་བས།། ཉིན་ཞག་གསུམ་དུ་བཟླས་བྱས་ནས།། དེ་ནས་དེ་ལ་ལས་དེ་ཡྀ།། ཞི་བར་འགྱུར་བ་གདོན་མི་ཟ།། ཉི་མ་ལ་ནི་མངོན་ཕྱོགས་མ།
51a3 ལག་པས་དགྲ་བོའི་མགོ་བྱུག་ཅིང་།། དགྲ་ཡི་མིང་སྨོས་མནན་ནས་སུ།། ཉི་མ་ནུབ་ཏུ་བཟླས་བྱས་ནས། དེ་ཡི་ཀླང་པ་ན་འགྱུར་བ།། ཚབས་ཆེན་ཤི་ལ་ཐུག་པར་འགྱུར།། དེ་ནས་ཐལ་མོ་སྦྱར་ནས་སུ།། ཉིན་པར་ཟློས་ཤིང་ཞི་བར་བྱ།།
51a4 ས་སྟེངས་རྐང་པ་གཅིག་གིས་འདུག། ཉིན་པར་ལག་པ་གྱེན་དུ་བརྐྱང་།། མི་དགའ་ཁྲོས་ཤིང་བཟླས་བྱས་པ།། དགྲ་ཡི་མིང་སྨོས་ཅི་འདོད་པར།། ཉི་མ་ནུབ་ཀར་དེ་ནས་དགྲ།། མི་དགའ་བ་དང་མྱོས་འགྱུར་ཏེ།། གཉེན་དང་མཛའ་བོ
51a5 རྣམས་བོར་ཏེ། ། དེ་ནས་གཞན་གྱི་གནས་སུ་འགྲོ།། དེ་ལ་འདིར་ནི་ཞི་བ་འམ།། འོན་ཏེ་རྒྱས་པར་བྱ་འདོད་ན།། གཙང་སྦྲ་བྱས་ཏེ་གོས་དཀར་བགོས།། བདེ་ཞིང་བརྟན་པར་མ་གཡོས་པར།། མཆོད་པ་བཟང་པོ་བྱས་ནས་སུ།། དེ་བཞིན
51a6 གཤེགས་ལ་ཕྱག་འཚལ་ནས། ། འོ་མ་བཏུང་ཞིང་བཟླས་བྱས་པ།། ཞི་བར་འགྱུར་གྱི་བར་དུའོ།། དེ་ལྟར་འདི་ནི་སྣ་ཚོགས་པ།། སྦྱོར་བཅས་རྒྱས་པར་བཤད་པ་ཡིན།། རྟོག་པའི་ཆོ་ག་བཞིན་དུ་ནི།། མ་གསུངས་པ་ཡང་ལེགས་པར་བསྒྲུབ།། ཁྲོ་བོ་རྣམ
51a7 པར་རྒྱལ་བ་འཇམ་དཔལ་གྱི་རྩ་བའི་རྟོག་པ་གསང་བའི་རྟོག་པར་གཏོགས་པ་སྟེ་གསུམ་པའོ། ། །། དེ་ནས་གཞན་ཡང་བཟང་པོ་འདི།། ཧེ་ལའི་དཀྱིལ་འཁོར་རྒྱས་པ་ནི།། དེ་ལས་བཟང་པོ་གཞན་མེད་པ།། ཇི་ལྟར་རིགས་པ་བཤད་པར་བྱ།
51a8 དང་པོར་ཧེ་ཞེས་གང་གསུངས་པ།། བསྐུལ་བའི་ས་བོན་ཐམས་ཅད་པའོ།། དེ་ནི་ལེན་དང་འཛིན་པ་སྟེ།། ལས་ལ་མྱུར་དུ་བསྐུལ་བའོ།། དེ་བས་ཐོག་མར་བསྐུལ་བ་དང་།། དོན་བཞིན་དུ་ནི་བཟུང་བ་ལ།། ཁྲོ་བ་ཡི་ནི་རྒྱལ་པོ་ཡི།། ཧེ་ལའི་འཁོར་ལོ
iiif viewer powered by OpenSeadragon
