| e-texts navigator |
| Wylie |
49b1 ཕྱིས་ཀྱང་གྲུབ་འགྱུར་བ། ། དཔའ་བོ་གཅིག་པུ་འབའ་ཞིག་གིས།། ཐམས་ཅད་ཉིད་དེ་གང་གསུངས་པ།། ཐམས་ཅད་དེ་ནི་བཤད་པར་བྱའོ།། སྔགས་དེས་ལས་རྣམས་ཀུན་བྱས་པས།། རྒྱུད་ལ་དངོས་གྲུབ་གང་གསུངས་པ།། དཔའ་བོ
49b2 གཅིག་པུའི་མཐུས་ཀྱང་འགྲུབ། ། ཨོཾ་ནི་དེ་ཡི་ཐོག་མ་སྟེ།། བདེ་བར་གཤེགས་པའི་དམ་ཚིག་ཡིན།། ཐོག་མ་དང་ནི་གཉིས་པ་ཡང་།། དྲག་པོའི་ཙག་གིས་ཕུལ་བའི་ལུགས།། ཀླད་ཀྱི་འཁོར་གྱིས་མནན་པའི་རིགས།། སྔགས་ཀྱི་ཡི་གེ་ཕྲེང
49b3 བཀོད་ལ། ། སྔགས་རྣམས་ཐམས་ཅད་གསལ་བྱེད་པ།། ཁྲོ་བོའི་རྒྱལ་པོའི་སྙིང་པོ་ནི།། གསུམ་པོ་དེ་ནས་སྦྱར་བར་བྱ།། དེ་ནས་ཁྲོ་བོའི་རྒྱལ་པོ་ཡིས།། སྐུ་ནི་དེ་ཡི་འོག་ཏུ་བསྟན།། སྔགས་པས་སྔགས་རྣམས་ཀུན་གྱི་མཚན།། དེ་དག་རྟག
49b4 ཏུ་རིག་པར་བྱ། ། ཐོགས་པ་མེད་པའི་སྔགས་རྣམས་ནི།། བདག་ཉིད་ཆེན་པོའི་ཐམས་ཅད་ཀྱིས།། བསྲུང་ལ་སོགས་པའི་ལས་རྣམས་ཀུན།། གོ་རིམ་བཤད་པ་བཞིན་དུ་བྱ།། ཐམས་ཅད་བདག་ཉིད་ཆེན་པོ་འདིས།། བསྲུང་བ་དག་ནི་བྱས་ནས
49b5 སུ། ། སྔོན་གྱི་ཚུལ་བཞིན་རབ་དབེན་པ།། སྐུ་གཟུགས་དོན་མཆོག་གཞན་ནས་ནི།། ཆོ་ག་ཇི་སྐད་སྔར་གསུངས་པ།། ཆོ་ག་བཞིན་དུ་མཆོད་པ་བྱ།། ཉིན་རེ་མེ་ཏོག་ཕྲེང་བ་ལ།། ལན་བདུན་བཟླས་པ་རྣམས་ཀྱིས་མཆོད།། མཆོད་ནས་ཀ་ར་བི་ར
49b6 ཡི། ། མེ་ཏོག་དམར་པོ་ཁ་འབུས་པའི།། བརྒྱ་ནི་རྩ་བརྒྱད་གྲངས་རྣམས་ཀྱིས།། བུ་དོན་ལ་ནི་ཕོག་པར་དབུལ།། ཆོ་ག་འདི་ནི་དུས་གསུམ་དུ།། ཟླ་བ་གཅིག་ཏུ་བྱས་ན་ནི།། ཁྲོ་བོ་མངོན་སུམ་ཉེ་གྱུར་ནས།། རྨི་ལམ་དུ་ནི་དངོས་གྲུབ་སྟེར།།
49b7 ཆོ་ག་འདི་ལྟར་སྔར་བྱས་ན།། གང་འདོད་པ་ཡི་དགོས་པ་དག། དེ་ཚེ་གདོན་མི་ཟ་བར་འགྱུར།། དེ་ཡི་ཆོ་ག་མཆོག་བཤད་པ།། དེ་ལྟར་ཟླ་གཅིག་བསྙེན་བྱས་ན།། མི་ཡི་ལས་རྣམས་གང་བྱ་བ།། དེ་ཡི་ཆོ་ག་མདོར་བསྡུས་ནས།། ད་ནི་ལེགས
49b8 པར་བཤད་པར་བྱ། ། དེ་ནས་དུད་འགྲོ་དང་སྦྱར་བའི།། དུག་ནི་རྣམ་པ་གསུམ་དག་དང་།། གདོན་དང་འབྱུང་པོའི་གདོན་རྣམས་དང་།། ལྟོ་འཕྱེ་སྲིན་པོར་བཅས་པ་འཇིག། བདག་གིས་བྱས་པའི་ཕྱག་རྒྱའི་སྔགས།། སྦྱོར་བ་ལན་གཅིག
iiif viewer powered by OpenSeadragon
