| e-texts navigator |
| Wylie |
44b1 མཆོད་ལ་སོགས།། ཁྲོ་བོ་ཆེན་པོའི་བརྟུལ་ཞུགས་དང་།། དེ་བཞིན་དཀའ་ཐུབ་དྲག་པོ་དང་།། ཇི་སྐད་གསུངས་པའི་སྨྱུང་བ་ཡིས།། ཁྲོ་བོ་ཀི་ལི་ཀི་ལི་ལ།། སོགས་པའང་དུས་ལ་བབ་ན་ནི།། སྔགས
44b2 ཟློས་པ་ལ་དངོས་གྲུབ་སྟེར། ། བཅོམ་ལྡན་འདས་ཀྱིས་རྟོག་པ་དང་།། ཁྱད་པར་གྱུར་པ་ཅི་ཞིག་མཆིས།། དབས་བཟླས་དང་སྦྱིན་བསྲེ་ག་དང་།། སྦྲང་དང་བཏུལ་ཞུགས་དཀའ་ཐུབ་དང་།། མེད་པར་རང་དབང་ཉིད་དུ་ནི།།
44b3 དངོས་གྲུབ་དམ་པ་ཁྱོད་ཀྱིས་གསུངས།། ལྷ་མཆོག་དེ་དག་ཐམས་ཅད་ཀྱིས།། ཕྱག་འཚལ་དེ་སྐད་སྨྲས་པ་དང་།། ཐོ་བ་དྲག་ཏུ་བཞད་པ་ཡིས།། རབ་ཏུ་དྲག་པའི་ཚིག་ཏུ་གསུངས།། དྲུག་ཏུ་བཞད་པ་ཞལ་འཇམ་པས
44b4 ལྷ་ཡི་ཚོགས་རྣམས་འཇིགས་རྨོངས་ལ། ། མ་འཇིགས་མ་འཇིགས་ཞེས་གསུངས་པའི།། ཕན་པའི་ཚིག་གིས་དབུགས་ཕྱུང་ནས།། ཁྱེད་རྣམས་ཀྱིས་ནི་གང་སྨྲས་པ།། སྒྲུབ་པ་དག་ནི་མེད་པར་ཡང་།། སྦྱོར་བ་ཤེས
44b5 བས་གྲུབ་འགྱུར་བ། ། ལྷ་རྣམས་ཀུན་གྱིས་མཉན་པར་གྱིས།། བདེ་གཤེགས་དངོས་གྲུབ་གཅིག་པུ་ལས།། དགྱེས་པ་རྣམ་པ་ཐ་དད་འགྱུར།། དེ་ནས་ཏིང་འཛིན་ཚུལ་ལས་ནི།། མཚན་མ་དང་ནི་དངོས་གྲུབ་དེ།།
44b6 ཐོག་མར་བྱང་ཆུབ་རྩལ་བརྟེན།། ཤེས་རབ་དེ་ལྟ་བུར་ཡང་བསྒོམ།། སེམས་ཀྱང་རྣམ་པར་མི་རྟོག་པས།། བདེ་གཤེགས་དངོས་གྲུབ་དེ་དག་ཐོབ།། དེ་ངའི་གཟུགས་སུ་གྱུར་པར་བྱོས།། ས་བོན་མཚོན་ཆ་མང
44b7 བོར་ལྡན། ། ཁྲོ་བོ་དེ་ཡི་ཞལ་དྲུག་བསྒྱུར།། དྲིལ་བུ་བསིལ་བའི་སྒྲ་ཡང་འབྱིན།། ཁྲོ་བོའི་ཞལ་ནི་བཅས་པར་ལྡན།། དེ་ཡི་གཟི་དང་མཐུ་ལྡན་བྱས།། ཀུན་དུ་དགའ་བའི་སྙིང་པོར་ལྡན།། གང་གི་ཡིད་ལ་གང་བསྒོམས་པ།། དེ་ལ་ང་ཡི་ཐུམ
44b8 གཡོས་པས། ། ཇི་ལྟ་བ་འམ་གར་ཡང་རུང་།། མདུན་ནམ་ཡང་ན་རྒྱབ་ནས་ཀྱང་།། ལས་ཀུན་བྱེད་ནུས་གྲུབ་པར་འགྱུར།། གང་དག་ང་ནི་ཕྱག་ལྔ་བཅུ།། བེ་ཅོན་གདེངས་པས་བསྡིགས་པར་མཛད།། ཏྲི་ཤཱུ་ལ་རལ་གྲི་དགྲ་སྟ་ཀྱུ།། ཐོད་པ
iiif viewer powered by OpenSeadragon
