| e-texts navigator |
| Wylie |
43a1 གཏེར་ཆེན་ཡོད་པར་ནི།། སོང་སྟེ་བསྒྲུབ་པར་བྱས་ནས་སུ།། བགེགས་རྣམས་ཀྱིས་ན་མི་འཇིགས་པར།། ནོར་དེ་བཟླས་པ་སྟོང་བྱས་པས།། བདག་གི་ཁྱིམ་ནས་ལེན་པ་བཞིན།། ཕྲ་མོ་རྣམས་ནི་བརྒྱ་ཡིས་འཐོག། བཟླང
43a2 དང་སྦྱིན་བསྲེག་མ་བྱས་ཀྱང་། ། གཤིན་རྗེ་གཤེད་ཀྱི་མིང་ཙམ་གྱིས།། ལྷ་རྣམས་སྐྲག་པར་འགྱུར་བ་ནི།། རིང་པོར་མི་ཐོགས་གདོན་མི་ཟ།། མརུངས་པར་ནི་བྱ་བ་དང་།། བྱད་དང་སྙེམས་དག་བྱ་བ་དང་།། རྨོངས་དང་མནན་པའི་དངོས་གྲུབ་རྣམས།།
43a3 བལྟས་པས་རྣམ་པ་དུ་མ་ཡི།། ཆོ་ག་གཞན་གྱི་ཆོག་ཡང་།། རིང་པོར་མི་ཐོགས་འགྲུབ་པར་ནུས།། ཡུལ་དང་ཡུལ་ཕྱོགས་དག་དུ་ཡང་།། གནོད་པ་དང་ནི་ནད་ཀྱང་འབྱིན།། རྨུགས་པ་དང་ནི་གནོད་པ་དང་།། རྨོངས་དང་མ་མཐོང་བྱེད་པ་དང་།
43a4 འཁྲུག་པ་དང་ནི་སྐྲག་པ་དང་།། སྐྱོ་ཞིང་སླར་ཡང་གཡོ་བ་དང་།། ནོར་འགུགས་པ་དང་གནོན་པ་དང་།། སྐྱེ་བོ་དག་ཀྱང་འགུགས་པ་དང་།། ཡུན་དུ་འཚེ་ཞིང་འཇིགས་པ་དང་།། འཁྲུག་པ་འཐབ་མོ་སེར་པ་དང་། ཁྲུ་བ་གཉིད་ཀྱིས་མྱོས་པ
43a5 དང་། ། གང་ཡང་གཞན་དག་དེ་འདོད་པ།། སྔགས་པས་གཤིན་རྗེ་གཤེད་དྲན་པས།། དེ་དག་ཐམས་ཅད་བྱེད་པར་འགྱུར།། དེ་ནས་ཆོ་ག་ཕྱི་མ་འདི།། ཅི་ལྟར་ཡིན་པ་དེ་བཤད་དོ།། ལྷ་མ་ཡིན་གྱི་ཕུག་སྒོར་སོང་།། མཁས་པས་རི་མོ་བཀྲམ
43a6 ནས་སུ། ། ཁ་ཟས་མི་ཟ་སྟན་གཅིག་འདུག། ཁྲི་ཡི་གྲངས་ཚད་བཟླས་བྱས་ནས།། དེ་ནས་བུད་མེད་གཟུགས་མཆོག་ལྡན།། བཟང་པོ་རྣམས་ནི་སྒོར་ཕྱུང་ནས།། བསྒྲུབ་པ་དེ་ཡི་མདུན་དུ་ནི།། ནང་དུ་གཤེགས་ཤེས་དགའ་བར་བྱེད།།
43a7 དེ་ནས་གྲོགས་པོ་ཡིད་བཅུགས་དང་།། སྒྲུབ་པ་པོ་ནི་ལྷན་ཅིག་ཏུ།། ངེས་པར་དམ་ཚིག་དག་གིས་ནི།། དེ་ཡི་གནས་སུ་འཇུག་པར་བྱ།། དེ་བཞིན་ཅི་ལྟར་འདོད་པ་རུ།། གནོད་སྦྱིན་མ་ཡི་མིང་རྣམས་དང་།། ཤ་ཟ་མོའམ་དྲི་ཟ་མོ།། ཡང
43a8 ན་གང་འདོད་པ་ཡི་ལྷའི། ། མིང་བྲིས་དེ་ཡི་མདུན་བཞག་ནས།། རི་མོ་ལ་ནི་ཉིན་རེ་ཞིང་།། དེ་ཡི་ཚིག་ནི་མཐར་སྦྱར་ནས།། མི་སྐྱོ་བར་ནི་འབུམ་བཟླས་ན།། སྒྲུབ་པ་པོ་དེས་འཇིགས་གྱུར་ནས།། དེ་དག་ཐམས་ཅད་འོང་བར་འགྱུར།། བསྒྲུབ
iiif viewer powered by OpenSeadragon
