| e-texts navigator |
| Wylie |
41b1 ལྷ་ཁྱོད་བདག་གིས་མནོས་སོ་ཞེས།། དེ་སྐད་སློབ་མ་ས་ལན་གསུམ་སྨྲས།། དེ་ནས་སྔགས་རིག་ཆོ་ག་བཞིན།། བླ་མ་དག་ལ་ཕྱག་བྱས་ནས།། ཆོ་ག་བཞིན་དུ་དབང་བསྐུར་བས།། ཁྲོ་བོ་གཤིན་རྗེ་གཤེད་པོ་བཟླས།། འཇམ་དཔལ་གྱི
41b2 རྩ་བའི་ཚེ་གཞིབ་མོ་ཁྲོ་བོ་རྣམ་པར་རྒྱལ་བ་ཕྱེ་མའི་ཡང་ཕྱི་མ་ཞེས་བྱ་བ་ལས་ཁྲོ་བོའི་རྒྱལ་པོ་གཤིན་རྗེ་གཤེད་རིམ་པར་བྱེ་བ་སྟེ་བཅུ་དྲུག་པའོ། ། །། དེ་ནས་གཞན་ཡང་གཤིན་རྗེ་ཡི།། གཤེད་པོའི་སྔགས་འདི་མནོས་ནས་སུ།། མིར
41b3 ངག་གི་གོས་བླངས་ནས། ། དེ་ལ་དེ་ཡི་གཟུགས་ཀྱང་བྲི།། དེ་ནས་ཚོན་རྩི་སྦྱིན་མེད་པ།། བཟང་པོས་སྔ་མ་བཞིན་དུ་བྱ།། བཟང་པོ་ཁྲུ་གང་ཚད་དུ་བྱ།། ཡང་ན་ཁྲུ་བཞིའི་ཚད་དུ་བྱ།། གང་ཚེ་སྔགས་པ་བདག་ཉིད་ཀྱིས།། བྲི་བར་མི་ནུས་དེའི་ཚེ།། བཟོ་བོ་བསྩུ
41b4 བ་བྱས་པ་ནི། ། ཁྲིམས་མནོས་པ་དག་འདྲི་རུ་གཞུག། ཤི་བའི་རེའི་སྟེང་དུ་བཞུགས།། ཕྱག་ནི་བཅཝ་བརྒྱད་རྣམས་ཀྱིས་བརྒྱན།། ཞལ་དྲུག་ཞབས་ཀྱང་དྲུག་ཏུ་བསྟན།། འཇིགས་པ་གནོད་པ་འཇིགས་འཇིགས་བལྟ།། ཁ་གཅིག་གཞད་ཅིང་ཁ་ཅིག་ནི།། ལྗགས
41b5 འདྲིལ་ཁ་ཅིག་མཆེ་བ་གཙིགས། ། ཁ་ཅིག་ཞལ་གདངས་ཁ་ཅིག་ཁྲོས།། ཁ་ཅིག་འཇིགས་པ་ཕ་རོལ་གནོན།། ཁྲོ་བོ་དེ་འདྲའི་ཞལ་འདྲ་བ།། སྨིན་མཚམས་སེར་ལ་སྤྱན་ཡང་སེར།། ཅི་སྐད་གསུངས་པའི་མཚོན་ཆ་རྣམས།། ཕྱག་ན་བསྣམས་པ་བྲི་བར
41b6 བྱ། ། དབེན་ཞིང་འདུ་འཛི་མེད་པ་རུ།། སྔགས་པས་དེ་ལྟར་འདྲིར་གཞུག་གོ།། དེ་ལྟར་བྲིས་ནས་སྔགས་མཁན་དེ།། རི་མོ་ལ་ནི་བལྟས་ནས་འདུག། ཆོག་ཤེས་པས་འབུམ་བཟླས་ཏེ།། རི་མོ་བྲིས་པས་དེ་ཉིད་ཀྱིས།། དེ་ནས་བསྒྲུབ་ལ་འཇུག་པར་བྱ།
41b7 གཤིན་རྗེག་ཤེད་པོ་དེ་ཡི་སྔགས།། དྲག་པོ་གང་ཡིན་དེ་བཤད་དོ།། ཨོཾ་ནི་དེ་ཡི་དང་པོ་ཡིན།། ཨ་ཞེས་བྱ་བ་གཉིས་པ་ཡིན།། ཐེཞེས་བྱ་བ་གསུམ་པ་སྟེ།། དྷེ་ཞེས་བྱ་བ་བཞི་པ་ཡིན།། ཀ་ཞེས་བྱ་བ་ལྔ་པ་ཡིན།། ཡ་ཞེས་བྱ་བ་གསང་འདྲག
41b8 མཱན་ཞེས་བྱ་བ་བདུན་པ་སྟེ། ། ཏ་ནི་བརྒྱད་པར་ཤེས་པར་བྱ།། ཀ་ནི་དགུ་སྟེ་ཧཱུ~ཾ་དང་བཅུ།། དེ་བཞིན་པཊ་བྱ་ལྷག་པ་སྟེ།། མི་མཉམ་སྔགས་ནི་བཅུ་གཅིག་པའོ།། འཇམ་དཔལ་གྱི་ནི་ཁྲོ་བོ་མཆོག། གཤིན་རྗེ་གཤེད་ཅེས་བྱ་བ་དེ།། ཆོ་ག་ཕྱེ་མའི་ཕྱི
iiif viewer powered by OpenSeadragon
