| e-texts navigator |
| Wylie |
39a1 བརྟུལ་ཞུགས་མེད་པས་མི་འགྲུབ་སྟེ།། དེ་བས་གཤིན་རྗེ་འཇོམས་པ་ཡི།། བརྟུལ་ཞུགས་སྤྱད་པ་བྱས་ནས་སུ།། དངོས་གྲུབ་མཆོག་རྣམས་ལེག་པར་བསྒྲུབ།། མཁས་པས་གཞན་ལམ་ཡིན་ནོ།། ཅི་སྐད་བསྟན་པའི
39a2 མཚོན་ཆ་རྣམས། ། རྩ་བའི་རྟོག་པའི་ཆོ་ག་བཞིན།། སྔགས་རིག་སྦྱོར་བ་སྔ་མ་བཞིན།། དེ་དག་རྟག་ཏུ་ལེགས་པར་བསྒྲུབ།། དེ་ལ་འདིར་ནི་རྟག་པ་རུ།། དུར་ཁྲོད་གནས་པའི་དཀྱིལ་འཁོར་ནི།། དངོས་གྲུབ་ཐམས་ཅད་རབ་སྦྱིན་པ།། བྱེ་བྲག
39a3 ཏུ་ནི་ལོགས་ཤིག་གསུངས། ། རལ་གྲིས་འོག་རོ་ལངས་དང་།། མིག་འཕྲུལ་ཨན་ཛ་གེའུ་ཝང་དང་།། ཡུངས་དཀར་བ་ཐ་བཙག་རྣམས་དང་།། གཞན་ཡང་ལས་ངག་ཅི་འདོད་དང་།། མི་སྣང་བ་དང་རྐང་འགྱོགས་དང་།། གསེར་འགྱུར་ཅི་དང་བཅུད་ཀྱིས
39a4 ལེན། ། གནོད་སྦྱིན་མོ་རྣམས་བསྒྲུབ་པ་དང་།། ཀླུ་ཡི་བུ་མོ་ལ་སོགས་བསྒྲུབ།། དགུག་པའི་ཆོ་ག་དམ་པ་ཡིས།། བུད་མེད་དམ་པ་སྤྱད་བསྒྲུབ་པ།། རྩ་བའི་རྟོག་པའི་ཆོ་ག་ཡིས།། ཚུལ་བཞིན་གནས་ནས་བསྒྲུབ་པ་བྱ།། དེ་ལས་འདི་ནི་ཁྲོ་བོ་འདི།། ཡི
39a5 གེ་འབྲུ་གཅིག་ཁྱད་པར་བཤད། ། དེ་ནས་ཅི་སྐད་གསུངས་བསྟན་ཀུན།། མ་སྨོས་པ་ཡང་བསྒྲུབ་པར་བྱ།། འཇམ་དཔལ་ཁྲོ་བའི་སྙིང་པོ་འདི།། ཧཱུཾ་ཞེས་བྱ་བ་རྒྱས་པ་སྟེ།། འདི་ནི་རྩ་བའི་ཆོ་ག་ཡིན།། བསྡུ་བ་ཡོངས་སུ་བསྒྲགས་པའོ།།
39a6 འཇམ་དཔལ་གྱི་རྩ་བའི་ཆོ་གཞིབ་མོ་ཁྲོ་བོ་རྣམ་པར་རྒྱལ་བའི་ཕྱི་མའི་ཡང་ཕྱི་མ་ལས་ཐེ་བོ་གཤིན་རྗེ་གཤེད་ཀྱི་རྩ་བའི་ཆོ་གཞིབ་མོ་བསྡུས་པ་རིམ་པར་བྱེ་བ་སྟེ་བཅུ་བཞི་པའོ།། །། རྟོག་པ་མདོ་རུ་བསྡུས་པ་དང་།། རྒྱས་པ་དག་ཏུ
39a7 བཤང་པ་དང་། ། བརྟུལ་ཞུགས་དང་ནི་ངེས་པ་ཡིས།། དེ་ནས་ཁྲོ་བོ་བའི་ཅན་གྱི།། ཞལ་དྲུག་ཏཱ་ཞེས་བྱ་བའི་སྔགས།། བཟླས་བཅས་གྱིས་གྲུབ་པ་ནི།། གསང་བ་མདོ་རུ་བཤད་པར་བྱ།། རྒྱས་ཞུགས་སུད་དང་བཏུལ་ཐུགས་དཀའ།། དེ་དག་འདི
39a8 ལཡོང་མད་དེ། བནིག་ཅག་པཟླས་པ་ཙམ་མས་ཀྱང།། ཁས་རྣམས་ཐམས་པ་དབྱེད་པར་འགྱུད།། མནམ་སས་ཐཱག་ཏེ་བྷྱ་ཧྨ་དྷཱ་ཛཱ་ཛྫ་ཛྫ། པམ་ཐམ་པ་དང། མས་ནུས་བྷ་ལ་གྷ། ཐཱ་ག་ཛྙཱན་པས་ཏེ་སྭཱ་ཧཱ། ཡ~ཾ་ག
iiif viewer powered by OpenSeadragon
