| e-texts navigator |
| Wylie |
35a1 ཡི་གེ་བཅུ་བདུན་སྔགས་ཀྱིས་ནི།། དཔའ་བོ་བརྟུལ་ཞུགས་བཟང་པོ་དང་།། དེ་བཞིན་སྔོན་དུ་བསྙེན་ལ་སོགས།། ཆོ་ག་དག་ནི་འདིར་བཤད་ཟིན།། ད་ནི་ཡི་གེ་འབྲུ་གཅིག་པ།། སྔགས་མཆོག་དག་ནི་གང་གསུངས
35a2 པ། ། དེ་ཡི་ལས་ཀྱི་ཆོ་ག་བཤད།། དཔའ་བོ་བརྟུལ་ཞུགས་མེད་པར་ཡང་།། འཇམ་པའི་དབྱངས་ཀྱི་ཁྲོ་བོ་གང་།། མིང་ནི་གཤིན་རྗེ་གཤེད་ཅེས་བྱ།། དེ་ཡི་སྙིང་པོ་མཆོག་དེ་ནི།། ཧཱུཾ་ཞེས་བྱ་བའི་ཡི་གེ་གཅིག། ཐོག་མར་ཨོཾ་བཞག་ཆོག
35a3 བཞིན། ། རི་མོའི་སྤྱན་སྔར་འདུག་ནས་སུ།། འདི་ནི་འབུམ་ཕྲག་བཅུར་བཟླས་ན།། དེ་ཡི་འོག་ཏུ་སྒྲུབ་ལ་འཇུག། དེ་ནས་དེ་ཡི་རི་མོ་མཆོག། དོན་རྣམས་ཐམས་ཅད་སྒྲུབ་པ་གཞན།། གང་གིས་དངོས་གྲུབ་རབ་ཐོབ་པ།། ཚུལ་བཞིན་དུ་ནི
35a4 རབ་ཏུ་བཤད། ། རས་ནི་སར་པ་ཁྲུ་གར་ཙམ།། ལེགས་པར་དཀྱུས་ཤིང་དྲིས་བསུས་ལྔ།། ཚོན་རྩི་བཟང་པོ་སྦྱིན་མེད་པས།། ཁྲོ་བོ་གཤིན་རྗེ་གཤེད་བྲི་བྱ།། ཞལ་ནི་བགྲད་ཅིང་འརིགས་པའི་གཟུགས།། སྨིན་མ་སེར་ཅིང་སྒྲ་ཡང་སེར།
35a5 ཆར་སྤྲིན་ནག་པོའི་ཁ་དོག་འདྲ།། ཐོད་པ་དག་གིས་རྒྱན་དུ་བྱས།། སྤྱན་གསུམ་དབུ་ཡང་གྱེན་དུ་བརྫེས།། ཞལ་གཅིག་པ་ལ་མད་ངས་ཀྱང་གསལ།། ཕྱག་གཉིས་པ་ལ་བེ་ཅོན་བསྣམས།། ཕྱག་གཡོན་པས་ནི་བསྡིགས་པར་མཛད།། ཞབས
35a6 ཀྱང་རབ་ཏུ་བཟང་པོ་གཉིས། ། མ་ཧེ་ལ་ནི་བཅིབས་པར་བྱ།། སྟག་ལྤགས་ན་བཟའ་བསྟབས་པར་དགྱེས།། འཁྲུག་ཅིང་འཇིགས་པའི་གསུང་ཡང་འབྱིན།། ཡན་ལག་ཐམས་ཅད་ཡོངས་རྫོགས་པ།། འོད་ཟེར་འབར་བ་བཅས་པའི་སྐུ།། དེ་རྦ
35a7 དེ་ལ་མཁས་པ་ཡིས། ། མཆོད་པ་ཡན་ལག་མཆོག་གིས་མཆོད།། སྔགས་པ་བརྟུལ་ཞུགས་བརྟན་པ་ནི།། དེ་ཡི་འོག་ཏུ་བྲག་ཟུགས་ཞུགས།། རི་མོ་སྤྱན་སྔར་འདུག་ནས་སུ།། ཁ་ཟས་ཟབ་དག་སྤངས་ནས།། རི་དབང་དེ་ནི་ཅི་ཙམ་དུ།། གཡོ་བ།
35a8 འགྱུར་གྱི་བར་དུ་བཟླས།། ཡང་ན་ཁྲོ་བོ་གཤིན་རྗེ་གཤེད།། བཞད་དམ་གཡོག་གི་བར་དུ་བཟླས།། ཡང་ན་རབ་ཀྱི་འབར་གྱི་བར།། བཟླས་ན་དེ་ཚེ་དངོས་གྲུབ་འཐོབ།། དེ་ལྟར་ལྷ་ནི་བཟླས་པ་ཡིས།། དངོས་གྲུབ་ཡ་མཚན་དེ་ཡིན་ནོ།། དེ
iiif viewer powered by OpenSeadragon
