| e-texts navigator |
| Wylie |
34b1 དཔའ་བོ་མངོན་སུམ་མཐོང་། ། དེ་ལས་དེ་ལ་འདོད་མཆོག་དང་།། ནོར་དག་ཀྱང་ནི་རྙེད་པར་འགྱུར།། བློ་དང་ལྡན་པ་ཟས་ཀྱི་མཆོག། མང་ཀྱང་སྦྱང་རྩིར་བྱར་བ་དག། ཞིག་བདུན་དུ་ནི་གཟར་བུ་ཡིས།། དེ་ཡིས་དེ་ལ་འདོད་མཆོག་དང་།། ནོ
34b2 དག་ཀྱང་ནི་རྙེད་པར་འགྱུར། ། བར་བའི་མེལ་བསྒྲེགས་ནས་ས།། སྦྲུལ་གྲུ་བདུན་རྣམས་རབ་ཏུ་འཐོབ།། འདི་ལ་རྣམ་པར་དཔྱད་མི་དགོས།། ཡང་ན་འབྲུརྣམས་ཐམས་ཅད་ཀྱི།། སྦྱིན་པ་སྲེགདོན་རྣམས་ཐམས་ཅད་བསྒྲུབ།། སྦྱིན
34b3 བསྲེག་གཅིག་འདྲམ་བྱས་པ་ཡིས། ། དེ་དག་ཉིད་ནི་མིཟད་འགྱུར།། བིལ་བ་མར་གྱིས་བསྡུས་པ་འབུམ།། མེ་ནི་བ་ཏུའབར་བ་ལ།། སྲེགས་ནས་ས་ཡི་བདག་པོ་ལ།། ནོར་བཅས་དག་ནི་ཐོབ་པར་འགྱུར།། དྲར་བའི་འཛག་མ་མཐུན
34b4 པ། ། ན་མ་སྭཱ་ཧཱ་མཐར་ལྡན་པས།། འོ་མ་ལས་སྤྱུགས་བསྲེགས་ན་ནི།། མི་ཡི་ཚེ་ནི་རིང་བར་འགྱུར།། དེ་བཞིན་མར་དང་སྦྲང་རྩི་དག། འབར་བའི་མེ་ལ་རྟག་ཏུ་བསྲེག། གདོན་མི་ཟ་བར་མྱུར་བ་རུ།། ཡིད་གཞུངས་པ་ཡང་ཐོབ་པར
34b5 འགྱུར། ། རྒྱ་སྐྱེགས་ཤིང་གི་མེ་དག་ལ།། དེ་བཞིན་ཉིན་རེ་མར་གྱི་ཧོམ།། བྱས་ན་ཚ་དང་ཡིད་གཞུངས་གྲངས།། རྒྱས་དང་སྟོབས་དང་གཟི་བརྗིད་དང་།། དྲན་དང་དགའ་དང་མདངས་བཟངས་དང་།། དཔལ་དང་སེམས་དཔའི་དངོས་གྲུབ་དག།
34b6 འཐོབ་པར་འགྱུར་བར་གདོན་མི་ཟ།། དེ་བཞིན་ཟས་རྣམས་ཀུན་བསྲེགས་པས།། གཟི་དང་རྒྱས་དང་སྟོབས་དང་ཟགས།། འདོད་པ་ཐམས་ཅད་ཕུན་སུམ་ཚོགས།། ཐོབ་པར་འགྱུར་བར་གདོན་མི་ཟ།། ཅི་ལྟར་ཆོ་ག་ཕྱི་མ
34b7 ལས། ། ཕལ་ཆེར་འཇམ་དབྱངས་ཁྲོ་བོ་ཡི།། པད་མའི་ཞལ་ནས་ངེས་འཐུང་བ།། དེ་དག་མདོར་བསྡུས་བཤད་པ་ཡིན།། འཇམ་དཔལ་གྱི་ཆོ་ག་ཞིབ་མོ་ཁྲོ་བོ་གཤིན་རྗེ་གཤེད་རྣམ་པར་རྒྱལ་བའི་ཆོ་ག་ཞིབ་མོ་ཀུན་གྱི་ཕྱི་མ་ལས་འཕགས
34b8 པ་འཇམ་དཔལ་གྱི་ཁྲོ་བོའི་ཆོག་ཞིབ་མོ་བྱེམ་རིམ་པར་བྱེ་བ་སྟེ་དགྲ་པ་རྫོགས་སོ། ། ། དེ་ནས་ཆོ་ག་ཐམས་ཅད་ཀྱི།། ཕྱི་མའི་ཕྱི་མ་ཞེས་བྱ་བ།། སྦྱོར་བར་བཅས་ཤིང་རྒྱས་པ་ཡི།། ཆོ་ག་དེ་ནི་བཤད་པར་བྱ།།
iiif viewer powered by OpenSeadragon
