| e-texts navigator |
| Wylie |
33a1 གཞན་དུ་གར་ཡང་ཡོད་མི་སྦྱར།། དེ་ནས་གཞན་ཡང་བསྐྲད་པའི་ལས།། འདི་དག་གར་ཡང་རུང་བར་ནི།། དེ་བཞིན་བྱེད་པར་འདོད་པ་ལ།། དེ་བཞིན་པར་ནི་བཤད་པར་བྱ།། དེ་བཞིན་དུར་ཁྲོད་ཐལ་བ་ཡིས།།
33a2 མཁས་པས་དགྲ་ཡི་གཟུགས་བརྙན་བྲི།། དེ་སྟེ་རྐང་གཉིས་འདུག་ནས་སུ།། འཇམ་དཔལ་ཁྲོ་བའི་སྤྱན་སྔར་ནི།། ཆེ་གེ་མོ་ཞིག་སྐྲོད་ཅིག་ཅེས།། དེ་ཡི་མིང་ནི་མཐར་སྦྱར་ནས།། དེ་བཞིན་ཧཱུཾ་དང་ཕཊ་དག་དང་།། ཧཱུཾ་ཡང་བརྗོད་དེ
33a3 ཁྲི་བཟླས་ན། ། གདོན་མི་ཟ་བར་བསྐྲད་པར་འགྱུར།། ཡང་ན་ཐལ་བ་དེ་ཉིད་ཀྱིས།། དགྲ་ཡི་གཟུགས་བརྙན་བྲིས་ནས་ནི།། དེ་ཡི་སྙིང་གར་རྐང་གཡོན་གྱིས།། གདོན་མི་ཟ་བར་བརྫིས་ནས་སུ།། ཉི་མ་ལ་ནི་ཁ་བལྟས་ནས།། གཤིན་རྗེ
33a4 གཤེད་པོ་བཟླས་ན་ནི། ། སྐད་ཅིག་གིས་ནི་དགྲ་བོ་དེ།། རབ་ཏུ་ཚ་བའི་ནད་ཀྱིས་འདེབས།། དེ་ནས་ཞི་བའི་ཆོ་ག་ཡིས།། བདག་ཉིད་ཀྱིས་ནི་ཞི་བར་བྱ།། དེ་ལྟར་མ་བྱས་ཞག་བདུན་གྱིས།། གདོན་མི་ཟ་བར་འཆི་བར་འགྱུར།། དེ
33a5 ལ་སོགས་པའི་ལས་རྣམས་ནི། ། བདེ་གཤེགས་སེམས་པས་ཡོད་མི་བྱ།། སེམས་ཅན་རྣམས་ནི་ཐམས་ཅད་ལ།། ཞི་བ་དང་ནི་རྒྱས་པ་བྱ།། བྱང་ཆུབ་སེམས་ཀྱི་བདག་ཉིད་ཅན།། རིང་པོར་མི་ཐོགས་འགྲུབ་ལྔ་འགྱུར།། དེ་ནས་སེམས
33a6 ཅན་ཐམས་ཅད་ནི། ། བདེ་ཕྱིར་ཞི་བའི་ལས་རྣམས་དང་།། དེ་བཞིན་དུ་ནི་རྒྱས་པའི་ལས།། ཇི་སྐད་གསུངས་པ་བཤད་པར་བྱ།། མཆོད་རྟེན་དག་གམ་དཀྱིལ་འཁོར་དུ།། དེ་བཞིན་གཤེགས་པའི་མཆོད་པ་བྱ།། དཀོན་མཆོག
33a7 གསུམ་པོ་དག་ལ་ནི། ། ཡང་དང་ཡང་དུ་ཕྱག་ཀྱང་བྱ།། ཉིན་པར་དང་ནི་མཚན་མོ་ཡང་།། དགེ་བ་གང་དག་ཅི་བསགས་པ།། དཀོན་མཆོག་གསུམ་ལ་དེ་བརྟེན་ནས།། བདེ་བར་གཤེགས་པའི་བསམ་པས་བྱ།། འདི་ཡིས་སེམས
33a8 ཅན་ཐམས་ཅད་ནི། ། ཤིན་ཏུ་སྡུག་བསྔལ་བ་དེར་གྱུར་ཅིག། དེ་ཡིས་དངོས་གྲུབ་ཅུང་ཟད་གང་།། ཕྲ་མོ་དག་ཀྱང་འཐོབ་འགྱུར་བ།། རྟག་ཏུ་སེམས་ཅན་རྣམས་ལ་ནི།། མཁས་པ་དག་གིས་ཕན་པར་བྱ།། མཁས་པས་མཆོད
iiif viewer powered by OpenSeadragon
