| e-texts navigator |
| Wylie |
30b1 པ་གཡོན་པས་བླང་། ། ནམ་ལངས་བཱ་དུ་བཟླས་པར་བྱ།། དེ་ནས་སོར་གདུབ་བཟང་པོ་དེ།། ལག་པ་གཡོན་པའི་འཛུབ་མོ་ལ།། མཁས་པ་དག་གིས་གཞག་པར་བྱ།། དེ་ཡི་ལག་པ་གཡོན་པ་ཡིས།། གང་དང་གང་དག་རེག་འགྱུར་བ།།
30b2 དེ་ཀུན་དེ་ཡི་ལས་བྱེད་འགྱུར།། ཕྱི་བཞིན་དུ་ཡང་འབྲང་བར་འགྱུར།། འདི་ལ་དཔྱོད་པར་ཡོད་མི་བྱ།། དེ་ནས་གཞན་ཡང་ཡུངས་དཀར་དག། ཤིན་དུ་ངོ་མཚར་དང་ལྡན་པ།། ཁྲོ་བོ་ཉིད་ཀྱིས་ཅི་ལྟ་བར།། བསྒྲུབ་པའི་སྦྱོར་བ་གསུངས
30b3 པ་བཤད། ། སི་ཏའི་ཤིང་ལས་གབ་ཚེ་ཡང་།། བཟང་པོ་སོར་ནི་བརྒྱད་པར་བྱ།། དེ་ཡི་ནང་དུ་ཡུངས་དཀར་དགང་།། དངོས་གྲུབ་མཆོག་ནི་དེར་ཐུགས་ལ།། ཟླ་བ་གཟས་ནི་ཟིན་པར་དུ།། ཉི་མ་རེ་རེ་བཟླས་བརྗོད་བྱ།། དཀྱིལ་འཁོར་ཆོ་ག
30b4 བཞིན་བྲིས་ནས། ། གཏོར་མ་རྒྱ་ཆེན་དག་ཀྱང་བྱ།། གབ་ཙེ་ནང་གི་ཡུངས་དཀར་ཀུན།། སྒྲ་འབྱུང་བ་འམ་གས་ཀྱི་བར།། དེ་སྲིད་ཡུངས་དཀར་བཟླས་པར་བྱ།། དེ་ནས་ཡུངས་དཀར་གྲུབ་འགྱུར་བ།། བླངས་ནས་གང་ཡང་རུང་བར་ནི།། ཆོ་ག
30b5 བཞིན་དུ་སྦྱར་བྱས་ནས། ། དེ་ཡིས་མི་ནུས་ཅི་ཡང་མེད།། དེས་ནི་ས་ཡང་འགས་པར་བྱེད།། ཆུ་ཀླུང་དག་ཀྱང་སྐམས་པར་བྱེད།། རི་མཐོ་རྣམ་པ་མང་པོ་དག། བྱེ་མ་དག་ཏུ་རློག་པར་བྱེད།། དེ་བཞིན་རི་ཡི་རྩེ་མོ་ཡང་།། སྦྱར་ན་རབ་ཏུ་སྙིལ
30b6 བར་བྱེད། ། ཁྲག་དང་སོལ་བའི་ཆར་དག་ཀྱང་།། འབེབས་པར་བྱེད་དེ་ཐེ་ཚོམ་མེད།། གནམ་ལྕགས་དང་ནི་སེར་བ་དག། གྲོ་བུར་དག་ཏུ་འབབ་པར་བྱེད།། ས་གཡོ་བདག་སྤྲིན་འདུ་བ།། རིག་པ་འཛིན་པས་སྦྱར་བྱས་ན།། གློ་བུར་དུ་ཡང
30b7 ཐོགས་མེད་འགྱུར། ། མཚོ་དང་རྒྱ་མཚོ་གཡོ་བ་དང་།། ཤིང་རྣམས་རབ་ཏུ་ལྷག་པ་དང་།། ས་ཡི་འོག་ཀྱང་གཡོ་བྱེད་ཀྱང་།། དེ་བཞིན་ཀླུ་རྣམས་བསྡིགས་པ་དང་།། མཚོ་ཆེན་དག་ནི་ལྟེང་ཀ་དང་།། ཀླུ་རྣམས་ཚར་གཅད་བྱ་བ་དང་།། གཞན་ཡང
30b8 གང་འདོད་བྱ་བ་ཡེ། ། ལས་ནི་རྣམ་པ་སྣ་ཚོགས་པ།། གསུངས་པ་དང་ནི་མ་གསུངས་པ།། མཁས་པས་འང་བཞིན་ཐོས་བཏགས་ལ།། ཡུངས་དཀར་གྲུབ་པས་གཏོར་ཙམ་གྱིས།། ཐོགས་པ་མེད་པར་བྱེད་པར་འགྱུར།། ཡུངས་དཀར
iiif viewer powered by OpenSeadragon
