| e-texts navigator |
| Wylie |
30a1 མི་འགུལ་འགྱུར། ། དུར་ཁྲོད་དག་གིས་སྦྱོར་བ་ཡིས།། དཔུང་མནན་དེ་ལྟར་བཤད་ཟིན་ཏོ།། འགྲོ་བ་དབང་བྱེད་སྦྱོར་བ་ནི།། རྣམ་པ་གཞན་དག་བཤད་པར་བྱ།། དུར་ཁྲོད་དག་ཏུ་དཀྱིལ་འཁོར་བྲི།། མཆོད་པ
30a2 སྔ་མ་བཞིན་དུ་བྱ། ། གཏོར་མ་རྒྱ་ཆེན་བྱས་ནས་ནི།། མི་ཡི་ཆལ་གྱི་བསྐུམ་དག་ལས།། མར་མེ་འབར་བ་བྱས་ནས་སུ།། དེ་ནས་ཐོད་པ་བཟང་པོ་ལ།། མཁས་པ་དག་གིས་སྣག་ཆ་སྦྱར།། དུ་བའི་སྣག་ཚ་སྦྱར་ནས་ཀྱང་།། ནམ་ལངས།
30a3 བར་དུ་བསླབ་པར་བྱ།། དེ་ནས་ནང་བར་ནམ་ལངས་ཏེ།། ངུ་བའི་སྣག་ཅེས་མིག་བསྐུས་ན།། གང་མཐོང་དེ་ཡི་དབང་དུ་འགྱུར།། དེ་ལྟར་འགྲོ་བ་དབང་བྱེད་པའི།། སྦྱོར་བ་དེ་ནི་བསྒྲགས་པ་ཡིན།། བཙག་གི་སྦྱོར་བའི་དངོས
30a4 གྲུབ་ཀྱང་། ། དགེ་བ་དག་ནི་དེ་བཤད་དོ།། ཡུག་སྣམ་བཙག་ནི་དགེ་བ་དག། མི་རོ་ཁར་ནི་བཅུག་ནས་སུ།། དེ་ནས་དེ་ཕྱེད་ཚིག་ནས་ནི།། གྲོགས་མེད་པར་ནི་མཚན་མོ་བླང་།། བླངས་ནས་ལྷ་ཡི་ཁང་སྟོང་དུ།། མཁས་པས་བདག་གི
30a5 བཟླས་པ་བྱ། ། བགེགས་ཀྱང་རྣམ་པ་སྣ་ཚོགས་འབྱུང་།། ཅི་སྲིད་ནམ་ལངས་བར་དུ་ནི།། དེ་ན་བདུག་ཅིང་དེ་ལ་བཟླས།། དེ་ནས་ནམ་ལངས་གྱུར་པ་དང་།། རས་ནི་དམར་པོས་དཀྲིས་ནས་ནི།། མཆོད་ཅིང་སྲུངས་ནས
30a6 གཞག་པར་བྱ། ། དེ་ནས་གང་ཡང་རུང་བའི་མིང་།། བཙག་གི་ཡུག་སྔ་མ་དེ་ཡིས་སུ།། ཅི་འདོད་པར་ནི་བྲི་བར་བྱ།། སྒྲུབ་པ་པོ་ཡི་མིང་ནས་ཀྱང་།། བསྐུལ་ནས་དོགས་པ་མེད་པར་ཡང་།། བསྒྲུབ་པར་བྱ་བ་མྱུར་དུ་འོང་།། བཙག
30a7 བསྒྲུབས་ཁ་རུ་གསུངས་པ་དག། མདོར་བསྡུས་བཤད་པ་དེ་ཡིན་ནོ།། ད་ནི་ཅི་ལྟར་རིག་པ་རུ།། སོར་གདུབ་བསྒྲུབ་པ་སྦྱོར་བར་བཅས།། ཆོ་ག་བཞིན་དུ་གསུངས་པ་དག། མདོར་ནི་རབ་ཏུ་བཤད་པར་བྱ།། མེ་ཡ་རོ་བྱ
30a8 འགྲོ་བ་ན། ། དེར་སོང་ནས་ནི་དེ་ཡི་ཁར།། གསེར་གྱི་སོར་གདུབ་གཞག་པར་བྱ།། མཁས་པས་ཁྲོ་བོ་གཅིག་པུའི་སྔགས།། ཐོས་པས་བྱེད་དེ་འདུག་པ་ན།། མེ་ཡིས་ཚིག་པར་གྱུར་པ་ནི།། རོ་ཡི་ཁ་ན་འདུག་པ་ཡི།། སོར་གདུབ་ལག
iiif viewer powered by OpenSeadragon
