| e-texts navigator |
| Wylie |
257a1 ཀ་ཡིས་འཛམ་བུའི་གླིང་དུ་ཡམས་ནད་ལ་སོགས་པས་རྣམ་པར་འཚེ་བ་དེ་ཐུགས་ཀྱིས་དགོངས་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གདོང་བཅུ་གཅིག་པ
257a2 དྲང་སྲོང་རིགས་སྔགས་འཆང་བྱེ་བ་ཕྲག་བརྒྱ་སྟོང་དང་ལྷན་ཅིག་བཅོམ་ལྡན་འདས་ཀྱི་སྤྱན་སྔར་ལྷགས་ནས་ཞབས་ལ་སྤྱི་བོས་ཕྱག་འཚལ་ཏེ། ། གཡས་ཕྱོགས་སུ་བསྐོར་བ་བྱས་ནས་ཕྱོགས་གཅིག་ཏུ་འཁོད་དོ།། དེ་ནས
257a3 ས་ཨངས་རྒྱས་ཀྱི་མཐུས་ལྷའི་ཚོགས་རྣམས་ཀྱི་ནང་ནས་ལྷའི་བུ་རིན་པོ་ཆེ་པད་མའི་དྲ་བས་བརྒྱན་པ་ཞེས་བྱ་བ་བཞེངས་ཏེ་ཐལ་མོ་སྦྱར་ཏེ་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང
257a4 ཕྱུག་ལ་འདི་སྐད་ཅེས་སྨྲས་སོ། ། ཀྱེ་མ་མགོན་པོ་ཐུགས་རྗེ་ཅན།། རིག་སྔགས་འཆང་བའི་ཚོགས་དང་བཅས། ཆེ་བའི་བྱིན་བརླབས་ལྡན་པ་རྣམས།། སྒྲ་སྒྲོགས་སྙེམས་པ་གཞོལ་བ་དང་།། ཉོན་མོངས་རྩད་ནས་གདོན་པ་དང་།
257a5 སེམས་ཅན་རྣམས་ལ་ཕན་པ་དང་།། བདག་ལ་ཤིན་དུ་སྨན་པའི་ཕྱིར།། སྐུ་དང་རྗེས་སུ་འཐུན་པ་ཡི།། རིག་སྔགས་སྦྱོར་བ་ཁྱད་པར་ཅན།། སྙིང་པོ་དམ་པ་བཤད་དུ་གསོལ།། དེ་ཚེ་འཁོར་ཚོགས་ཐམས་ཅད་ཀྱིས།། མཁའ
257a6 ཕྱོགས་མེ་ཏོག་ཆར་གྱིས་བཀང་། ། བཅོམ་ལྡན་ཐུབ་པའི་དབུ་ལ་ནི།། རིན་ཆེན་མེ་ཏོག་གདུགས་སུ་གྱུར།། ལྷ་རྣམས་གཙང་མར་སྦྱར་བ་ཡི།། ཡོན་ཆབ་བདུག་སྤོས་དྲི་དང་བཤོས།། ཅི་འབྱོར་དང་བའི་སྟོབས་ཀྱིས་ཕུལ།།
257a7 ཐུབ་པས་ནམ་མཁའི་མཛོད་དུ་བརླབས།། ལྷའི་བུ་མོ་དུ་མ་ཡིས།། རོལ་མོ་སིལ་སྙན་འཕན་གདུགས་དང་།། བླ་རེ་རྒྱལ་མཚན་ལྟ་བ་ལྦུ་བ་དང་།། ལྔ་ལྗིན་བཟའ་དུམས་མཆོད།། དེ་ནས་མགོན་པོ་སྤྱན་རས་གཟིགས།
257a8 པད་མ་གཞོན་ནུའི་ཞལ་མངའ་བས།། བཞེངས་འཛུམ་ཐལ་མོ་སྦྱར་ནས་ནི།། སྟོན་པ་ལ་ནི་འདི་ས་དག་སོལ།། སྒྲ་སྒྲོགས་བཞིན་གྱིས་བསྙེམས་པ་དང་།། མདའ་དང་རྩལ་གྱིས་དྲེགས་པ་སྟེ།། འདི་ནི་ལེགས་བརྩམས་ལས་བྱུང
iiif viewer powered by OpenSeadragon
