| e-texts navigator |
| Wylie |
234b1 ཡོད་དེ། དེ་ཡང་འདི་ཉིད་ཀྱི་ནང་དུ་བསྡུ་བར་བྱའོ།། ཀླུའི་རྒྱལ་པོས་འཛིན་ཅེས་བྱ་བ་ཡང་འདི་ཉིད་ཀྱི་ནང་དུ་བསྡུ་བར་བྱའོ།། ཀླུ་ཐམས་ཅད་དང་། གྲུལ་བུམ་ཐམས་ཅད་དང་། ཡི་དགས་དང་། ཤ་ཟ་ཐམས་ཅད་ཀྱང་འདི་ཉིད་ཀྱི་ནང་དུ་བསྡུས།
234b2 ནམ་མཁའ་ལྡིང་ཡང་འདི་ཉིད་ཀྱི་ནང་དུ་བསྡུས། ནོར་འཛིན་ཡང་འདི་ཉིད་ཀྱི་ནང་དུ་བསྡུས། རླུང་ལྷ་ཡང་འདི་ཉིད་ཀྱི་ནང་དུ་བསྡུས། སྒྱུ་མ་ལེན་གྱི་བུ་བ་རོ་བ་ཏི། ཤེ་རུང་དྲོ་ཡང་འདི་ཉིད་ཀྱི་ནང་དུ་སྡུས། ཕུང་པོ་འཛིན་མདུང་ཐུང་འཛིན
234b3 ཀྱང་དེ་བཞིན་དུ་བསྡུས། དེ་བཞིན་དུ་བློན་པོ་དང་བཅས་པ་དང་། འཁོར་དང་བཅས་པ་ཡང་འདི་ཉིད་ཀྱི་ནང་དུ་བསྡུས་སོ།། ཀུན་ནས་དཔག་ཚད་བརྒྱ་དག་ཏུ། ང་ཡིས་ཆད་པ་དག་བྱས་པས།། རལ་འབྱུང་པོ་བྱར་ཅི་ཡོད། ང་ཡིས་སྡང་བ
234b4 ཐམས་ཅད་བཅོམ། ། གསོད་པར་གྱུར་པ་སྟོབས་པོ་ཆེ།། རོ་ལངས་དག་གིས་བྱར་ཅི་ཡོད།། དེ་དག་ཀྱང་ནི་ངའི་ཞགས་པས།། ཀུན་ནས་ཡོངས་སུ་བསྐོར་བ་ཡིན།། ཞགས་པ་ཀུན་གྱིས་དེ་དག་ཀྱང་།། རྨུགས་ཤིང་ཤིན་ཏུ་རྨོངས་པར
234b5 བྱས། ། འདི་ཡིས་བདག་གིས་ཀུན་འགྲུབ་ཅིང་། གསང་སྔགས་ཚིག་རྣམས་གྲུབ་གྱུར་ཅིག། ན་མ་སིད་དྷ་ནཱན། སིད་དྷན་ཏུ་མན་ཏྲ་པཱ་ད་སྭ་སྟིར་མི་སརྦ་སཏྭ་ནན་ཙ་སྭཱ་ཧཱ།། སངས་རྒྱས་ཀུན་གྱི་སྟོབས་གང་དང་།། དགྲ་བཅོམ
234b6 རྣམས་ཀྱི་སྟོབས་གང་དང་། ། དམ་པའི་ཆོས་ཀྱི་གཟི་བརྗིད་ཀྱིས།། བདེ་ལེགས་སུ་ནི་རབ་གྱུར་ཅིག། འཕགས་པ་སངས་རྒྱས་ཀྱི་གཟི་ཡིས་རྟག་ཏུ་འཇིགས་པ་ཐམས་ཅད་ལ་སྭཱ་ཧཱ། ཆོ་ག་ནི་ལན་དྲུག་བཅུ་རྩ་གཅིག་བཟླས
234b7 བརྗོད་བྱས་ཏེ། ། ཀཻ་མེ་རུ་དང་། བལ་གཙང་མ་ལ་སོགས་པའི་སྐུད་པ་དམར་པོ་ལ་མདུད་པ་དོར་རོ།། དེ་བཞིན་དུ་བྱ་བ་ཡང་བྱའོ།། འབྱུང་པོ་ཐམས་ཅད་དང་། བརྗེད་བྱེད་དང་། སེམས་རྣམ་པར་གཡེང་བྱེད་ལ་སོགས་པ་དང་། དུག་བྱིན་པ
234b8 དང་། དུག་བྱས་པ་དང་། རྐང་གཉིས་པ་དང་། རྐང་བཞི་རྣམས་ལ་ཀུན་ཏུ་འགྲོ་བ་གྲུབ་པའི་མཆོག་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཀུན་དགའ་བོ་དང་། ལྷ་དང་། མི་དང་། ལྷ་མ་ཡིན་དང་།
iiif viewer powered by OpenSeadragon
