| e-texts navigator |
| Wylie |
232a1 ལ་ཚོར་བ་དང་ལྡན་པ་ནི་དཔེར་ན་སོག་ལེས་མགོ་བོ་གཤེགས་པ་ལྟར་ཀུན་དགའ་བོ་ལ་རེག་པ་ཡང་དེ་དང་འདྲའོ། ། ཀུན་དགའ་བོ་མ་འཇིགས་ཤིག། བདག་ཅག་གིས་ཁྱོད་ཁྲིའི་སྟེང་དུ་བཞག་སྟེ། དེ་བཞིན་གཤེགས་པའི་དྲུང
232a2 དུ་བཀུར་རོ། ། བཅོམ་ལྡན་འདས་དེ་ཁྱོད་ལ་ཡོངས་སུ་སྐྱོབ་པར་མཛད་པར་འགྱུར་རོ།། དེ་ནས་ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོས་ཚེ་དང་ལྡན་པ་ཀུན་དག་བོ་ཉལ་ཁྲིའི་སྟེང་དུ་བཞག་ནས།། བཅོམ་ལྡན
232a3 འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་དྲུང་དུ་བཞག་གོ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ།། ཀུན་དགའ་བོ་ཁྱོད་ཅི་སྡུག་བསྔལ་མི་བཟད་པ།། དྲག་པ། ཚ་བའི་ཚོར་བས
232a4 ཐེབས་སམ། བཙུན་པ་བཅོམ་ལྡན་འདས་དེ་ལྟ་ལགས་སོ།། ཀུན་དགའ་བོ་ཁྱོད་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་བཤད་དོ།། ཀུན་དགའ་བོ་ཁྱོད་ལ་རེག་པའི་རོ་ལངས་ཆེན་པོ་སྟོབས་ཆེ་བ།། གདུལ
232a5 དཀའ་བ། མཐོང་ན་གནོད་པ་བདུན་ཡོད་དེ། བདུན་གང་ཞེ་ན། འདི་ལྟ་སྟེ། ཕྲེང་བ་འཛིན་ཅེས་བྱ་བ་དང་། ནོར་བུ་འཛིན་དང་། གཏུམ་པོ་དང་། གདོལ་པ་དང་། རྨ་བྱའི་སྙིང་དང་། ཚེ་ཟད་དང་། ལ་བ་ཅན་ཏེ། རོ་ལངས་ཆེན་པོ་བདུན་པོ་དེ་དག་ནི
232a6 སྟོབས་ཆེ་བ། གདུལ་དཀའ་བ། བསྟེན་པར་དགའ་བ། རྫུ་འཕྲུལ་ཆེ་བ། མཐུ་ཆེ་བའོ།། ཀུན་དགའ་བོ་རོ་ལངས་རེ་རེས་ཀྱང་འདོད་ན་རྐང་པ་གཡོན་པའི་མཐེ་བོས་རིའི་རྒྱལ་པོ་རེ་རབ་ཀྱང་བཕེན་ཏེ།། རིའི་རྒྱལ་པོ་རི་རབ་ཡུངས
232a7 འབྲུ་ཙམ་དུ་རྣམ་པར་འཇིག་གོ། སྟེང་དུ་བལྟས་ནས་འགས་པར་བྱེད་དོ།། ཕྱོགས་སུ་བལྟས་ན་འཆི་བར་འགྱུར་རོ།། ཕྱོགས་མཚམས་སུ་བལྟས་ན་མེས་སྲེག་པར་བྱེད་དོ།། དེ་དག་གིས་ཁྱོད་ལ་རེག་གོ།། དེ་ལྟ་མོད་ཀྱི་དེ་བཞིན
232a8 གཤེགས་པའི་མཐུ་དང་། ། ཆོས་ཐོས་པའི་གུས་པ་དང་། དེ་བཞིན་གཤེགས་པའི་བྱིན་གྱིས་རླབས་ཀྱིས་ད་དུང་དུ་ཁྱོད་ཀྱི་ལུས་འཚེ་བ་ཡིན་ནོ། ཀུན་དགའ་བོས་གསོལ་ག། བཅོམ་ལྡན་འདས་ལེགས་པར་བས་འདུགསོལ།། ཕྱིར་བཟློག་དུ་གསོལ།
iiif viewer powered by OpenSeadragon
