| e-texts navigator |
| Wylie |
222b1 པོ་ཆེན་པོའི་གཟུངས་རིམས་ནད་ཐམས་ཅད་ལས་རྣམ་པར་ཐར་བར་བྱེད་པ། རྫོགས་སྷོ།། ། རྒྱ་གར་གྱི་མཁན་པོ་པྲཛྙཱ་བར་མ་དང་། ཞུ་ཆེན་གྱི་ལོ་ཙྪ་བ་བན་དེ་ཡེ་ཤེས་སྡེས་བསྒྱུར་ཅིང་ཞུས
222b2 གཏན་ལ་ཕབ་པ། ། ། @།། རྒྱ་གར་སྐད་དུ། ཤྲཱི་དེ་བི་ཀ་པྲ་མ་རཱ་ཛ་ཏན་ཏྲ་ཀཱ་ལི། བོད་སྐད་དུ། དཔལ་ལྷ་མོ་ནག་མོའི་བསྟོད་པཾ་རྒྱལ་པོའི་རྒྱུད། རིག་སྔགས་དང་གསང་སྔགས་ཀྱི་མངའ་བདག་དཔལ
222b3 ཕྱག་ན་རྡོ་རྗེ་ལ་ཕྱག་འཚལ་ལོ། ། འདི་སྐད་བདག་གིས་ཐོས་པ་དུས་གཅིག་ན། རི་རབ་ཀྱི་རྩེ་མོ་རྩུབ་འགྱུར་གྱི་ཚལ་ཆེན་པོ་ན་བཅོམ་ལྡན་འདས་དཔལ་དྲུག་པོ་ཆེན་པོ་ཕྱག་ན་རྡོ་རྗེ་ལུས་བསྐལ་པའི་མེ་ལྟར
222b4 འབར་བ། སྲིད་པ་གསུམ་ལས་རྣམ་པར་རྒྱལ་བ། ཉི་མ་སྟོང་གི་གཟི་བརྗིད་དང་ལྡན་ནས་བཞུགས་སོ།། འཁོར་ནི་བརྒྱ་བྱིན་དང་། ཤ་ཟ་དང་། སྲིན་པོ་དང་། མ་མོའི་ཚོགས་བྱེ་བ་དུང་ཕྱུར་གྱིས་བསྐོར་ཏེ་བཞུགས་སོ།།
222b5 དེའི་ཚེ་ན་དཔལ་ཕྱག་ན་རྡོ་རྗེ་པད་མའི་གདན་ལ་བཞུགས་ཏེ་བཀའ་སྩལ་པ། ངའི་འཁོར་དུ་གཏོགས་པའི་ལྷ་མ་སྲིན་སྡེ་བརྒྱད་ཉོན་ཅིག། འདོད་པའི་ཁམས་འདི་ན་བདུད་ཀྱི་མ་གཤིན་རྗེའི་སྲིང་མོ་ཞེས་བྱ
222b6 རྒྱལ་ཚབ་ཆེན་པོ་སངས་རྒྱས་ཐམས་ཅད་ཀྱི་བསྟན་པ་འཛིན་པག་ཤ་ཡོད་ཀྱིས། ཁྱེད་ཀྱིས་དེ་ལ་མཆོད་པ་གྱིས་ཤིག། བསྟོད་པ་གྱིས་ཤིག། ངས་ཀྱང་ཁྱོད་ལ་བྱིན་གྱིས་བརླབ་བོ་ཞེས་བཀའ་སྩལ་པ
222b7 དང་། འཁོར་གྱི་ནང་ནས་ལྷའི་དབྱེ་བོ་བརྒྱ་བྱིན་སྟན་ལས་ལངས་ཏེ་དཔལ་ལྷ་མོ་ནག་མོ་ལ་དགེ་བ་བཅུའི་སྒོ་ནས་བསྟོད་པ། སྔོན་འདས་བསྐལ་པ་དང་པོའི་ཕ་རོལ་ན།། དགེ་བཅུའི་ལས་ལ་སེམས་རབ་ཆེར
222b8 སྦྱངས་ནས། ། ལམ་གྱི་ཁྱད་པར་གོང་མ་རབ་རྫོགས་ཀྱང་།། མཐོ་རིས་སྐྱེས་པ་རྣམས་ལ་དགེ་བ་བཅུའོ།། ཚུལ་གྱིས་དོན་མཛད་ཕྱི་རོལ་སྒྱུར་བ་ཡི།། དཔལ་ལྡན་ལྷ་མོ་ཁྱོད་ལ་ཕྱག་འཚལ་བསྟོད།། འདས་པའི
iiif viewer powered by OpenSeadragon
