| e-texts navigator |
| Wylie |
221a1 ཉིད་པད་མ་ཁྲོས་པར་བསྒོམ། ། གསང་སྔགས་འདི་ཡིས་གནད་ལ་བོར།། ཨོཾ་བཛྲ་མ་ཧཱ་ཀཱ་ལ་ཀྵཾ་ཀྵེ་ཏྲ་བིགྷྣ་ནན་བི་ནཱ་ཡ་ཀ་ཧཱུཾ་ཧཱུཾ་ཕཊ། ནཱག་སྙིང་གཟེར། པུ་དུར་ཐུམས་ཛ་པྲོ་ཤར་ཧྲི་ལ་བྷྱོ།། དེ
221a2 སྐད་ཅེས་ནི་རབ་བརྗོད་ལ། ། ཉུངས་དཀར་ཉུངས་ནག་སྐེ་ཚེ་དང་།། ཁྲག་དང་དུག་གིས་ཐོད་པར་བྲབ།། ལོ་འབྲས་རླུང་ཁྱེར་རྟགས་བྱུང་ན།། དགྲ་ཡི་ཡུལ་དུ་དབབ་པར་བྱ།། གལ་ཏེ་འཇིག་རྟེན་ཟུང་པའོ།། དཔལ
221a3 མགོན་པོ་ནག་པོའི་རྒྱུད་ལས་སེར་བ་དབབ་པའི་ལེའུ་སྟེ་བདུན་པའོ། ། །། དེ་ནས་ཡང་དག་དེས་གསུངས་པ།། ཨེ་མ་འཁོར་འདུས་ངོ་མཚར་ཅན།། མ་འོངས་དམ་ཅན་སྒྲུབ་བྱེད་ན།། དམ་ཚིག་ལ་གནས
221a4 སྡོམ་པ་གཟུང་། ། གཏོར་མ་དག་ལ་བརྩོན་པར་བྱ།། དམ་རྫས་བླ་རྡོ་ལུས་ལ་བསྲེལ།། ཞེས་གསུངས་པས་རྒྱལ་པོ་མིག་མི་བཟང་ལ་སོགས་པའི་འཁོར་རྣམས་ཡིད་རང་ནས་ནག་པོ་ཆེན་པོས་བསྟན་པ
221a5 བསྲུང་བར་ཁས་བླངས་ནས་མི་སྣང་བར་གྱུར་ཏོ། ། དཔལ་ནག་པོ་ཆེན་པོའི་རྒྱུད་ལས་ལེའུ་བརྒྱད་པ་རྫོགས་སྷོ།། །། རྒྱ་གར་གྱི་མཁན་པོ་ཨ་མོ་གྷ་བཛྲ་དང་། བོད་ཀྱི་ལོ་ཙྪ་བ་ཕུར་བུ་འོད་ཀྱིས་བསྒྱུར་བའོ།།
221a6 རྒྱ་གར་སྐད་དུ། ཤྲཱི་མ་ཧཱ་ཀཱ་ལ་ནཱ་མཱ་དྷཱ་ར་ཎཱི། བོད་སྐད་དུ། དཔལ་མགོན་པོ་ནག་པོ་ཞེས་བྱ་བའི་གཟུངས། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པ
221a7 དྲས་གཅིག་ན། བཅོམ་ལྡན་འདས་རྡོ་རྗེ་གདན་ལ་བདུད་བཏུལ་ཏེ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པ་ཞིག་ན་བྱང་ཆུབ་ཀྱི་ཤིང་དྲུང་ལ་བཞུགས་སོ།། བཅོམ་ལྡན་འདས་ག་ལ་བ་དེ་ལོགས
221a8 སུལྷའི་སྡེ་དཔོན་ཆེན་པོ་ཚོགས་ཀྱི་བདག་པོ་མ་ཧཱ་ཀཱ་ལ་འདོད་པའི་ཁམས་ཀྱི་དབང་ཕྱུག་ལ་དབང་སྒྱུར་བ་དང་། མགོན་པོ་ནག་པོ་ཆེན་པོས། བཅོམ་ལྡན་འདས་ཀྱིས་ཞབས་ལ་མགོ་བོས་ཕྱག་འཚལ་ཏེ་ཕྱོགས
iiif viewer powered by OpenSeadragon
