| e-texts navigator |
| Wylie |
21b1 གོས་གྱོན་པ། ། དེ་བཞིན་ལག་ན་ཏྲི་ཤཱུལ་ཐོགས།། གཟི་ཆེན་རབ་ཏུ་བསྡིགས་པར་བྱེད།། ལུས་ནི་མེ་ལྕེ་འབར་བ་ལ།། གདོད་དང་མིག་ནི་ཁྲོས་པའི་ཚུལ།། བདེ་གཤེགས་སྲས་ཀྱི་བཀའ་ནོད་པ།། གསད་པའི་ཕྱག་རྒྱ་རི་མོ་འདི།། དབེན་པའི་གནས་སུ
21b2 གཞག་པར་བྱ། ། ཆོག་ཤེས་པས་བེ་ཅོན་རྒྱ།། སུ་གཟུགས་འདི་ལ་བཟླས་པར་བྱ།། ཡང་ན་རོ་ལངས་ཕྱག་རྒྱ་ནི།། བཟླས་ནས་ཕྱག་རྒྱའི་དངོས་གྲུབ་འཐོབ།། དབེན་ཞིང་འདུ་འཛི་མེད་པར་ནི།། བཞག་ནས་ཉིན་རེ་མཆོད་པར་བྱ།། ཡང་ན་ཕྱག་རྒྱའི
21b3 དཀྱིལ་འཁོར་དུ། ། རྟག་ཏུ་རི་མོ་འདི་བཀྲམ་སྟེ།། མཉམ་གཞག་དངོས་གྲུབ་འདོད་པ་ཡིས།། མཆོད་པ་དང་ནི་བཟླས་པ་བྱ།། བདག་གིས་ཕྱག་རྒྱ་སྒྲུབ་པ་ལ།། རི་མོ་ཚུལ་བཞིན་བཤད་པའོ།། དེ་ནས་གཤིན་རྗེ་གཤེད་པོ་ཡི།། རི་མོ་གཞན་ཡང་བཤད
21b4 པར་བྱ། ། སྔར་བསྙེན་བྱས་པའི་འོག་ཏུ་ནི།། མི་རོའི་གོས་བཟངས་བསླུས་པ་ནི།། ཁྲུ་གང་ཚད་དུ་བྱས་པ་ལ།། ཚེན་རྩི་སྦྱིན་མེད་བཟང་པོ་ཡིས།། སྤྲིན་ནི་ནག་པོ་འདྲ་བ་ཡི།། ཁྲོ་བོ་དཔའ་བོ་གཅིག་པུ་ནི།། སྔ་མ་བཞིན་དུ་བྲི་བར་བྱ།། སྔར་བསྙེན
21b5 བྱས་པའི་འོག་ཏུ་ནི། ། ཇི་ལྟར་རིགས་པར་བྲིས་ནས་ཀྱང་།། རབ་ཏུ་དབེན་པར་གཞག་ནས་སུ།། དེ་ནས་མཆོད་པའི་ཆོ་ག་བཞིན།། ཉིན་རེ་རྟག་ཏུ་མཆོད་ནས་ནི།། རབ་ཏུ་དབེན་པར་གཞག་ན་ཀྱང་། དེ་ཡི་འོག་ཏུ་བཟླས་པ་བརྩམ།། དེ་ནས་གཞན
21b6 ཡང་བཟླས་པ་ཡི། ། ཆོ་ག་ཇི་སྐད་གསུངས་པ་བཤད།། རི་མོར་བགྲམ་ནས་མཆོད་བྱས་ཏེ།། དེ་བཞིན་གཤེགས་པ་ཀུན་མཆོད་ནས།། ཀུ་ཤའི་སྟན་ལ་འདུག་ནས་ནི།། མཉམ་པར་གཞག་ཏེ་མི་སྨྲ་བར།། རི་མོ་གཅིག་པོ་ལ་བལྟས་ཤིང་།།
21b7 མངོན་མ་བྱ་བཞིན་པག་ས།། རཱ་དགཔ། མེ་ཕྲེད་པ་ཡིས།། ཅི་སྲིད་མིད་ནི་མི་སློབ་པ།། རྩེ་གཅིག་སེམས་ཀྱིས་བཟླས་བྱས།། སྐྱོན་བཟླས་པ་གཏང་བདབྱ།། ད་ལྟར་འབུམ་ཐག་གསུམ་བཟླས་ནས།། བསྟན་པ་བྱས་པའི་འོག་ཏད།། ན
21b8 རི་ཁར་གནས་བཅས་ཏེ། ། རླུང་ཟ་ཞིང་ནི་བཟླས་བརྗོད་བྱ།། དངོས་གྲུབ་མཆོག་དག་འདོད་པ་ཡིས།། དེ་ནས་དེ་ཡི་བརྟུལ་ཞུགས་སྤྱད།། ཆོ་ག་ལས་གསུམ་མི་འདོད་ན།། སྔར་གསུངས་པ་ཡི་བཟླས་པ་ཡིས།། འབྲིང་དང་ཐ་མའི་དངོས་གྲུབ་དང་།།
iiif viewer powered by OpenSeadragon
