| e-texts navigator |
| Wylie |
219a1 གནས་ཤིང་ཙན་དན་གྱི་ནགས་ཚལ་རབ་ཏུ་དགའ་བའི་མིང་ཞེས་བྱ་བ་མི་མ་ཡིན་ཕོ་མོ་མང་པོ་འདུས་པའི་ཕོ་བྲང་དུ། དཔལ་ནག་པོ་ཆེན་པོ་ཞེས་བྱ་བ་བི་ནཱ་ཡ་ཀ་ལ་སོགས་ཏེ། དེ་ཚལ་བར་གདུགས་པ་ཅན
219a2 རྣམས་ཀྱི་དབུས་ན་སྐྱེས་འགྲོ་སེམས་ཅན་རྣམས་ཀྱི་སྲོག་དབུགས་ལ་དབང་བྱེད་པའི་ནག་པོ་ཆེན་པོ་ཞེས་བྱ་བ་ཅིག་ཡོད་དེ། དེའི་ཚེ་དེའི་དུས་ན་ནུབ་ཕྱོགས་ཀྱི་འཇིག་རྟེན་གྱི་ཁམས་ན་མཐར་བྱེད་པའི་རྟའི་རྒྱལ་པོ
219a3 ཞེས་བྱ་བ་རྒྱལ་པོ་ཆེན་པོ་བཞི་ལ་སོགས་པའི་འཁོར་གྱིས་བསྐོར་ཏེ། དྲེགས་པ་ཅན་འདུལ་བའི་ཏིང་ངེ་འཛིན་ལ་སྙོམས་པར་ཞུགས་ནས་ལྗགས་ཀྱུའི་ཕྱག་རྒྱ་བཅས་ནས། ཨོཾ་བཛྲ་ཀྲོ་དྷ་ཧ་ཡ་ཧཱུ~ཾ་བཧཱུཾ་ཧྲལ་ཧུ་པྲ་དྷཱུ
219a4 ཞེས་བརྗོད་པས། དུར་ཁྲོད་ཧ་ཧ་དྲག་དུ་རྒོད་པའི་གནས་ནག་པོ་ཆེན་པོ་རང་དབང་མེད་པར་མཐར་བྱེད་རྟའི་རྒྱལ་པོའི་མངོན་དུ་བྱུང་སྟེ་ལས་ཅི་བྱ་ཟེར་ཞིང་རང་རྟགས་སྲོག་གི་སྙིང་པོ་འདི་མདོངས་གསོལ་དུ་ཕུལ་བ། ཨོཾ་བཛྲ
219a5 མ་ཧཱ་ཀཱ་ལ་ཀྵི་ཀྵེ་ཏྲ་པིགྷ་ནན་བི་ནཱ་ཡ་ཀ་ཧཱུཾ་ཧཱུཾ་ཕཊ་ཞེས་ཕུལ་ལོ། ། དཔལ་ནག་པོ་ཆེན་པོའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །། དེ་ནས་རྒྱལ་པོ་མིག་མི་བཟང་གིས་མཐར་བྱེད་རྟའི་རྒྱལ་པོ་ལ་འདི་སྐད་ཅེས་གསོལ་ཏོ།།
219a6 སྩལ་ཏོ།། ཨེ་མ་པད་མ་ཁྲོས་པའི་བདག། ནག་པོ་ཆེན་པོ་དྲག་ཤུལ་ཅན།། གསང་པའི་སྒྲུབ་པ་བཤད་དུ་གསོལ།། མགོན་པོ་བསྒྲུབ་པར་བྱ་བ་གང་།། གསད་ཅིང་ལུས་སྲོག་དབྱེ་བ་དང་།། མ་གྲུབ་ཤིས་བསྟན་པ་དང་།། མགོན
219a7 པོའི་རྟགས་དང་སེར་བ་རྣམས། ། རྟ་མཆོག་ཆེན་པོས་བདག་ལ་གསོལ།། ཞེས་ཞུས་པས་དེ་ནས་པད་མ་ཁྲོས་པ་ཡིས།། ནག་པོའི་སྒྲིབ་ཐབས་ཆེད་དུ་བརྗོད།། དམ་ཚིག་ལྡན་པའི་སྔགས་པ་ཡིས།། སངས་རྒྱས་བསྟན་པ
219a8 སྲུང་སྐད་དུ། གཟའ་གང་ཆེས་གྲངས་ཤིས་པ་ལ།། དུར་ཁྲོད་ལ་སོགས་ཤིང་གཅིག་ཏུ།། བསོད་ནམས་ཚོགས་ནི་བསགས་བྱས་པ།། ནག་པོ་ཆེན་པོ་བསྒྲུབ་པར་བྱ།། ཕུང་པའམས་ནག་དག་ལ་ནི།། སྟེགས་བུ་རྫ
iiif viewer powered by OpenSeadragon
