| e-texts navigator |
| Wylie |
218b1 སྦྱིན་པ་འམ། དགེ་འདུན་ལ་སྦྱིན་པར་བྱའོ།། ཡུལ་འཆག་པའི་ཆོ་གའོ།། ད་ནི་འབྲུ་བད་མཛོད་དུ་འཛག་པའི་ཆོ་ག་བཤད་པར་བྱ་སྟེ། དང་པོ་རེ་ཤིག་མཛོད་ཀྱི་སྒོ་གཡས་གཡོན་དུ་འབྱུང་པོ་གཉིས་གཅེར་བུ་གསུས་པ་འཕྱངག
218b2 དབང་པོ་འཕྱང་བ། གཡོན་པའི་ལག་ན་འབྲུའི་སྣོད་བཟུང་ཞིང་འབྲུ་སྡུག་བཞིན་པ། གསེར་གྱི་མདོག། རྒྱན་ཐམས་ཅད་ཀྱིས་བརྒྱན་པ་གཉིས་བྲི་བར་བྱའོ།། མཛོད་ཀྱི་ཁང་པར་ཡང་དྲི་དང་། བྱུག་པ་དང་། མཆོད་ཡོན་སྦྱིན
218b3 ཞིང་གདུགས་དང་། རྒྱལ་མཚན་དང་། བ་དན་ལ་སོགས་པས་བཅོམ་ལྡན་འདས་མའི་ཐད་ཀའི་མཛོད་ཀྱི་ནང་དུ་གཞུག་པར་བྱའོ།། དེ་ནས་འོ་མའི་ཆུ་རྒྱུན་གཏོར་བཞིན་པའི་སྔགས་པས་འགྲོ་བར་བྱ་ཞིང་། དེའི་རྒྱབ་ནས་དེ
218b4 ནས་བྲི་བར་ཁྱིམ་དུ་གཞུག་པར་བྱའོ། ། དེའི་རྗེས་ལ་འབྲུའི་མཛོད་ཁང་དུ་ཕྱག་རྒྱ་གཞག་པར་བྱའོ།། དེ་ནས་མཛོད་ཀྱི་ཁང་པའི་སྒོ་རུ་དགེ་འདུན་གྱི་སྟོན་མོ་བྱས་ལ་དྲི་དང་། མེ་ཏོག་དང་། བདུག་པ་ལ་སྩོགས་པས་མཆོད
218b5 དོ། ། ནོར་རྒྱུན་མའི་གཟུངས་རྫོགས་པར་ཀླག་པར་བྱའོ།། གཏོར་མ་རྒྱ་ཆེན་པོ་བྱས་ལ་ཐང་ཀའི་མདུན་དུ་དེ་ནས་སྐྱེས་བུས་འབྲུ་ཕྱིར་འབྱིན་པར་བྱེད་དེ། བཅོམ་ལྡན་འདས་མ་དང་། འདྲ་བར་བསམས་ལ་གུར་གུམ
218b6 གྱིས་གྲོ་བ་ལ་སྔགས་བྲིས་སྤྱི་བོར་བཅིངས་ལ། བགོས་ཀྱིས་བཀབ་ལ་ཉི་མ་རེ་རེ་ཞིང་འབྲུ་ཕྱིར་དབྱུང་བར་བྱའོ།། མཛོད་ཁང་གི་སྒོ་རུ་ཉིན་རེ་ནོར་རྒྱུན་མ་ཞེས་བྱ་བའི་གཟུངས་ཀྱི་མདོ་ཀླག་པར་བྱའོ།།
218b7 སྔགས་པས་བསྒྲུབ་བྱའི་སྔགས་བལྟས་ལ་དུས་གསུམ་དུ་བརྒྱད་བརྒྱ་བཟླས་པ་བྱའོ།། ཇི་ལྟར་རྙེད་པའི་བཅོམ་ལྡན་འདས་མ་ནོར་རྒྱུན་མའི་གཟུངས་ཀྱི་རྟོག་པ། རྫོགས་སྷོ།། །། @།། རྒྱ་གར་སྐད་དུ།
218b8 ཤྲཱི་མ་ཧཱ་ཀཱ་ལ་ཏན་ཏྲ། བོད་སྐད་དུ། དཔལ་ནག་པོ་ཆེན་པོའི་རྒྱུད། དབང་གི་རྟ་མཆོག་སྐུ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་གཅིག་ན། ཤར་ལྷོའི་དུར་ཁྲོད་ཆེན་པོ་ཧ་ཧ་དྲག་ཏུ་རྒོད་པའི
iiif viewer powered by OpenSeadragon
