| e-texts navigator |
| Wylie |
207b1 བགྱིད། དེ་ལྟར་སེམས་ཅན་རྣམས་ལ་གནོད་པས་འཚེ་བར་བགྱིད་པས་ན། དེའི་ཕྱིར་བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་གང་གིས་སེམས་ཅན་རྣམས་ལ་སྲུང་བར་འགྱུར་བ་བཤད་དུ་གསོལ། བཅོམ་ལྡན་འདས་ཀྱིས
207b2 བཀའ་སྩལ་པ། ལག་ན་རྡོ་རྗེ་གང་ཁྱོད་ཀྱིས་སེམས་ཅན་རྣམས་ལ་ཕན་པར་བྱ་བའི་དོན་དུ་སྙིང་རྗེ་བསྐྱེད་ནས། གསང་བ་ཆེན་པོ་ཤིན་དུ་གསང་བ་དེ་བཞིན་གཤེགས་པ་ལ་ཞུ་བར་བྱེད་པ་ལེགས་སོ་ལེགས་སོ།། དེ་དག་ངས
207b3 བཤད་ཀྱིས་ཉེན་ལ་ལེགས་པར་རབ་ཏུ་བཟུང་ལ་ཡིད་ལ་གྱིས་ཤིག། གཟའ་རྣམས་གཏུམ་པའི་གཟུགས་ལ་ཤིན་དུ་ཁྲོ་ཞིང་འཇིགས་པ་རྣམས་ལ་མཆོད་པ་བཟང་པོ་མཆོད་ཡོན་དང་བཟླས་བརྗོད་བཟང་པོ་གསང་བ་ལས
207b4 ཆེས་གསང་བ་ངས་བཤད་པར་བྱའོ། ། དེ་དག་མཆོད་པས་མཆོད་འགྱུར་ཞིང་།། གནོད་པ་བྱས་ན་གནོད་བྱེད་པ།། གཟའ་དེ་ཀུན་གྱི་ཁ་དོག་དང་། ཇི་ལྟར་དགའ་བར་འགྱུར་བ་དང་། ལྷ་རྣམས་དང་ནི་ལྷ་མིན་དང་། མི་འམ
207b5 ཅི་དང་ཀླུ་དག་དང་། ། གནོད་སྦྱིན་རྣམས་དང་སྲིན་པོ་དང་། སྲུལ་པོ་དང་ནི་མི་རྣམས་དང་།། དྲག་པོ་གཟི་བརྗིད་ཆེན་པོ་དག། ཁྲོས་བཞི་བར་བྱེད་པ་ཡིས།། གསང་སྔགས་རྣམས་དང་མཆོད་པ་དག། རིམ་པ་བཞིན་དུ་བཤད་པར་བྱ།།
207b6 དེ་ནས་བཅོམ་ལྡན་འདས་ཤཱཀྱ་ཐུབ་པ་ཉིད་ཀྱི་ཐུགས་ཀནས་སྙིང་རྗེ་རྣམ་པར་རོལ་པ་ཞེས་བྱ་བའི་འོད་ཟེར་འབར་བ་བྱུང་ནས།། གཟའ་རྣམས་ཀྱི་སྤྱི་བོར་ཞུགས་པར་གྱུར་ཏོ།། དེ་ནས་དེ་ཉིད་ཀྱི་སྐད་ཅིག་ཉིད་ལ་ཉི་མ་ལ་སོགས་པའི
207b7 གཟའ་རྣམས་ལངས་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་བདག་ཅག་རྣམས་ལ་སྨན་ཡོན་བཏགས་པར་འགྱུར།
207b8 ཏོ།། བཅོམ་ལྡན་འདས་ཀྱིས་ཆོས་ཀྱི་རྣམ་གྲངས་བསྟན་དུ་གསོལ། བཅོམ་ལྡན་འདས་གང་གིས་བདག་ཅག་རྣམས་ལ་ཚོགས་ནས་ཡོ་བྱད་དུ་གྱུར་པར་བྱེད་པའི་ཆོས་སྨྲ་བ་རྣམས་ལ་སྲུང་བ་དང་། ཡོངས་སུ་བསྐྱབ་པ་དང་། ཞི་བ
iiif viewer powered by OpenSeadragon
