| e-texts navigator |
| Wylie |
203a1 བདག་གི། ། སྐུ་གཟུགས་དཀྱིལ་འཁོར་གྲུ་བཞིར་བཞག། བྷ་ག་ཞེས་བྱའི་གསང་སྔགས་ནི།། བཟླས་པ་འབུམ་དུ་བྱས་པ་ཡིས།། ཚེ་དེ་ཉིད་ལ་དངོས་གྲུབ་ནི།། ཅི་འདོད་པ་ནི་སྦྱིན་པར་མཛད།། ལྷའི་རྒྱལ་པོའི་མངའ་ཐད་ནི།
203a2 སྒྲུབ་པ་པོ་ལ་སྩོལ་བར་མཛད།། ཤིན་དུ་ཐུགས་རྗེའི་བདག་ཉིད་པས།། དཔལ་ལྡན་ཚོགས་བདག་ཐུགས་རྗེ་ཅན།། ཐུགས་རྗེའི་ཕུང་པོས་དབུལ་བ་སྐྱོབ།། ནོར་ལྷ་ཆེན་པོའི་བདག་ཉིད་འདི།། དར་རམ་རས་ལ་ལེགས་བྲིས་ཏེ།། རྒྱལ་གྱི་ཉིན་པར
203a3 སྤྱན་ཕྱེ་ནས། ། གང་གི་ཁྱིམ་དུ་བཞུགས་པ་དེའི།། ས་ཕྱོགས་དེ་ནི་བཀྲ་ཤིས་འགྱུར།། ཟངས་ལ་ཚོགས་བདག་ཆེན་པོའི་སྐུ།། མཁས་པས་ལེགས་པར་བཟོས་བྱས་ཏེ།། ཙན་དན་དམར་པོས་བྱུག་པའི་སར།། མན་ཌ་ལ་སྟེང་དུ་ལེགས་པར་བཞག། བན་དུ
203a4 ཀའི་མེ་ཏོག་དང་། ། པད་མ་རཱ་ག་རིན་ཆེན་དང་།། མེ་ཏོག་དམར་པོ་ཀུན་གྱིས་མཆོད།། བྲུ~ཾ་ཞེས་བྱ་བའི་རིག་སྔགས་བཟླས།། རྒྱལ་པོའི་བུ་མོ་དབང་དུ་འགྱུར།། ལྷའི་བུ་མོ་ཀླུ་མོ་དང་།། མི་འམ་ཅི་ཡི་བུ་མོ་དང་། བྲམ་ཟེའི་བུ་མོ་མཚན་ལྡན་མོ།། མཆོག་དུ
203a5 གཟུགས་བཟང་གུས་པར་འགྱུར། ། བྲན་མོ་བཞིན་དུ་བགོ་བ་ཉན།། དེ་ལ་སོགས་པ་མཐའ་ཡས་མཆོག། སུ་གཟུགས་དགལ་བརྟེན་ཏེ་འགྲུབ།། མཆོད་པ་ཙམ་གྱིས་འབྱུང་བ་ཡིན།། གཞན་ཡང་ཚོགས་བདག་ཆེན་པོའི་སུ།། རིན་པོ་ཆེ་ཡི་རྒྱུ་ལས་བྱས
203a6 དཀྱིལ་འཁོར་སྟེད་དུ་བཞུགས་བྱས་ཏེ། ། དད་ན་སིད་དྷི་ཞེས་བྱ་བའི།། རིག་པ་འབུམ་དུ་བཟླས་པར་བྱ།། ས་འོག་གཏེར་རྣམས་སྟོན་པར་འགྱུར།། ཅི་དགའ་བར་ཡང་སྤྱོད་པར་འགྱུར།། ཚོགས་བདག་ཆེན་པོའི་རྒྱུད་ལས་རྒྱལ་པོ་ལ་སོགས
203a7 བསྒྲུབ་པའི་ལེའུ་སྟེ་བཅུ་པའོ། ། ། དེ་ནས་དཔལ་ལྡན་ཚོགས་བདག་ཆེ།། དྲག་པོ་ཆེན་པོ་དྲག་ཤུལ་ཅན།། སངས་རྒྱས་ཐུགས་ལ་བྱོལ་སོང་དབུ།། གླར་ཆེན་གཞོན་ནུས་ཞལ་བརྒྱན་པ།། སྤྱན་གསུམ་མཆེ་བ་བཞི་དང་ལྡན།། ཕྱག་བཞི་ཞབས
203a8 བཞི་ཀླུ་ཆེན་གདན། ། དང་པོ་མཆེ་བ་དཀར་པོ་འཛིན།། དེ་འོག་ཞགས་པ་གཡོན་པ་ན།། དགྲ་སྟ་ཁ་དྷི་རྩེ་གསུམ་འཛིན།། འཐིང་ཀ་གསུམ་པ་མཆེ་བའོ།། དེ་ལྟ་བུ་ཡི་ཚོགས་བདག་སྐུ་ཁར་བ་ཁྲོ་ཆུ་དག་ལ་བྱ།། རྒྱལ་གྱི་ཉིན་པར་རབ་ཏུ་གནས།།
iiif viewer powered by OpenSeadragon
