| e-texts navigator |
| Wylie |
202b1 ཅད་སེལ་བར་འགྱུར། ། རིན་ཆེན་ཤེལ་ལས་ཚོགས་བདག་སྐུ།། མཐེ་བོང་གི་ན་ཚད་ཙམ་བྱ།། སེ་ན་པྲ་ཞེས་བྱ་བའི་སྔགས།། རིག་པ་འབུམ་དུ་བཟླས་བྱས་ཏེ།། ཤེལ་གྱི་སྐུ་དེ་ཁྲུས་བྱས་ནས།། སྐར་མ་རྒྱལ་གྱི་ཉིན་པར་ནི།། བདག་ཉིད
202b2 ཤར་དུ་ཁ་བལྟས་ནས། ། གོས་དཀར་གྱོན་ཏེ་ཁྲུས་བྱས་ལ།། ཐལ་སྦྱར་ཡིད་ཀྱིས་གསོལ་བ་གདབ།། བདག་ལ་གནོད་པའི་བགེགས་གང་ཡིན།། ཤེལ་གྱི་སྐུ་དེ་མེ་ལོང་སྟེང་།། མི་གཡོ་མི་འགུལ་རབ་ཏུ་བཞུགས།། བདག་ཉིད་ཁྲུས
202b3 བྱས་ཤར་དུ་བལྟ། ། ཛར་པ་དང་རྐུན་མ་ནི།། གང་ཡིན་མེ་ལོང་ནང་དུ་འབྱུང་།། དེ་ཚེད་དེ་ཡི་ངོས་ཟིན་འགྱུར།། ཚོགས་བདག་ཤེལ་གྱི་སྐུ་དེ་ནི།། མཆོད་པར་བ་གནས་གང་ལེགས་བྱས་ལ།། ནཱ་ག་ཀུ་རུ་ཞེས་བྱ་བའི།། རིག་པ་འབུམ་དུ་བཟླས།
202b4 བྱས་ན།། ནད་དང་སྡུག་བསྔལ་གྱིས་ཉེན་ལ།། སྐུ་དེ་བསྟན་པ་ཙམ་གྱིས་ནི།། ནད་རྣམས་ཐམས་ཅད་སོས་པར་འགྱུར།། སྡུག་བསྔལ་ལས་ཀྱང་ཐར་བར་འགྱུར།། ཞི་བ་ཆེན་པོའི་ཆོ་ག་ཡིན།། རིན་ཆེན་གསེར་ཞེས་བྱ་བ་ལ།། ཚོགས་བདག
202b5 ཆེན་པོའི་སྐུ་བྱས་ཏེ། ། རྒྱལ་གྱི་ཉིན་པར་མིག་ཕྱེ་ནས།། མཆོད་དང་རབ་ཏུ་གནས་པ་བྱ།། བར་ཞེས་བྱའི་གསང་སྔགས་ནི།། འབུམ་ཕྲག་གཅིག་ཏུ་བཟླས་པ་ཡིས།། སྐུ་གཟུགས་བཞུགས་པའི་ཁྱིམ་དེར་ནི།། ནོར་རྣམས་ཐམས་ཅད་འཕེལ
202b6 པར་འགྱུར། ། གསེར་གྱི་ཚོགས་བདག་མཐོང་བ་ཡིས།། བགེགས་རྣམས་ཐམས་ཅད་ནོར་འབུལ་འགྱུར།། བགེགས་ཀྱི་གནོད་པ་མི་ནུས་ཏེ།། རྒྱལ་པོ་བཞིན་དུ་མཆོད་པར་འགྱུར།། གསེར་གྱི་ཚོགས་བདག་གནས་པ་ཡི།། ས་ཕྱོགས་རིན
202b7 ཆེན་ཆར་པ་འབེབས། ། གསེར་གྱི་ཚོགས་ཀྱི་བདག་པོ་ལ།། བགེགས་ཀྱི་རྒྱལ་པོ་ཐམས་ཅད་ཀྱིས།། ནོར་རྣམས་ཐམས་ཅད་འབུལ་བ་ཡིན།། བདག་ཉིད་ཕུན་སུམ་ཚོགས་པར་འགྱུར།། ཚོགས་ཀྱི་བདག་པོའི་སྐུ་གཟུགས་མཆོག། བྱས
202b8 པའི་ཡོན་ཏན་རྣམས་ལ་ནི། ། གནོད་སྦྱིན་རྣམས་ཀྱིས་གཏེར་ཁ་འབྱེད།། སྐྱེ་བ་འདི་དང་ཕྱི་མ་ལ།། རྟག་ཏུ་ཡོ་བྱད་འཕེལ་བར་འགྱུར།། ནོར་གྱི་བདག་པོ་རྣམ་ཐོས་བུས།། རྒྱལ་པོ་བཞིན་དུ་བསྙེན་བཀུར་བྱེད།། དེ་ནས་དཔལ་ལྡན་ཚོགས
iiif viewer powered by OpenSeadragon
