| e-texts navigator |
| Wylie |
201a1 རྒྱན་གྱིས་སྤང་པའོ།། དངོས་གྲུབ་སྒྲུབ་པའི་རྒྱུད་ལས། ཚོགས་ཀྱི་བདག་པོ་བསྟན་པའི་ལེའུ་སྟེ་གསུམ་པའོ།། ། དེ་ནས་སྐར་མ་རྒྱལ་གྱི་ཉིན་པར་མེ་ཏོག་དཀར་པོ་བླངས་ཏེ། ཚོགས་ཀྱི་བདག་པོའི་སྐུ་གཟུགས་བྲིས་ཏེ།
201a2 དོག་དཀར་པོ་གླང་པོ་ཆེའི་དབུ་ཅན། ཕྱག་གཡས་ན་ལ་ཕུག་བསྣམས་པ།། གཡོན་ན་རིན་པོ་ཆེའི་ནོར་བུ་བསྡམས་པ། གསུམ་པ་ཆེ་བ། རྒྱན་ཐམས་ཅད་ཀྱིས་བརྒྱན་པ། ཟླ་བ་དང་བྱི་ལའི་ཁྲི་ལ་བཞུགས་པ་མཁས་པས་བྱའོ།། དེ་ལ
201a3 དཀྱིལ་འཁོར་གྱི་དབུས་སུ་བདག་ལ་ཞལ་ཕྱོགས་པར་བཞག་ལ། བདག་ཉིད་ལོག་འདྲེན་གྱི་གཟུགས་ཀྱིས་ཡང་དག་པར་མཆོད་དོ།། ཚོགས་ཀྱི་བདག་པོ་ཞལ་ཅིག་ཕྱག་བཞི་པ་སྒྲུབ་པའི་ལེའུ་སྟེ་བཞི་པའོ།། །། དེ་ནས་དབང་ལྡན་གྱི་མཚམས
201a4 སུ་ཚོགས་ཀྱི་བདག་པོ་དཀར་པོ་གླང་པོ་ཆེའི་མགོ་ཅན། བྱི་ལ་ལ་ཞོན་པ། མིག་གསུམ་པ། ཟླ་བ་ཕྱེད་པ་འཛིན་པ། གཡས་ན་ལ་ཕུག་དང་དགྲ་འཛིན་པ། གཡོན་པ་ཏྲི་ཤུ་ལ་དང་ཐོད་པ་འཛིན་པའོ།། ལག་པ་གཡོན་པ་ཁུ་ཚུར
201a5 བཅངས་པའི་འཛུབ་མོ་དང་གུང་མོ་རྐྱང་ལ་འཛུབ་མོ་བཀུག་ལ་གུང་མོའི་ཚིགས་སུ་བཟུང་བར་བྱ་བ་ནི་ཚོགས་ཀྱི་བདག་པོའི་ཕྱག་རྒྱའོ། ། ཚོགས་ཀྱི་བདག་པོའི་ཕྱག་རྒྱ་བསྟན་པའི་ལེའུ་སྟེ་ལྔ་པའོ།། དེ་ནས་གསང་སྔགས་བསྟན་པ་ནི་ཨོཾ
201a6 ནི་དཔལ་ལྡན་མགོ་ལ་བཞག། དེ་ནས་ཡིད་བཞིན་ནོར་བུ་ནི།། རིན་པོ་ཆེ་ཡི་ཡི་གེ་བྲི།། སྡེ་ཚན་གསལ་བྱེད་དང་པོ་ཡང་།། དེ་ཡི་རྗེས་སུ་བྲི་བར་བྱ།། དེ་བཞིན་གཤེགས་པའི་མཚན་དང་པོ།། དབྱངས་ཡིག་བརྒྱད་པས་མཛེས་པར་བྱ། གསལ་བྱེད
201a7 དང་པོ་ཡི་གེ་ཡང་། བློ་ཡིས་བླངས་ཏེ་ཡིད་ཀྱིས་བྲི། སྡེ་ཚན་གསུམ་པའི་གསུམ་པ་ལ། དང་པོའི་བཞི་པ་སྦྱར་བར་བྱ། སྡེ་ཚན་བདུན་པའི་གསུམ་པ་ལ། གསུམ་པའི་དང་པོས་འོག་ཏུ་སྦྱར། ཡིད་བཞིན་ནོར་བུའི་ཡི་གེ་ལ། བཞི་པའི་ལྔ་པ་ཟླ་ལ་བཞན
201a8 དབྱངས་ཡིག་གསུམ་པས་བརྒྱན་པར་བྱ། བཞི་པའི་གསུམ་པས་དེ་ནས་བརྗོད། དངོས་གྲུབ་བསྒྲུབ་པའི་ཡི་གེ་ནི། དེ་ཡི་རྗེས་ལ་བྲི་བར་བྱ།། གསང་སྔགས་དྲག་པོའི་ཡི་གེ་ཡང་། ཀུན་གྱི་མཐར་ནི་བརྗོད་པར་བྱ། གསང་སྔགས་འདི་ཡི
iiif viewer powered by OpenSeadragon
