| e-texts navigator |
| Wylie |
19a1 སྦྱིན་གདུག་པ་དག་གིས་བཀོར། ། རང་གི་གཞལ་ཡས་ཁང་བཟངས་ན།། འདུག་ཅིང་གང་དུ་འདོད་པར་འགྲོ།། གཞལ་མེད་ཁང་ནི་བཟང་པོ་དག། ལྷ་རྣམས་དེ་ལ་རབ་ཏུ་དབུལ།། བཅུད་ཀྱིས་ལེན་ན་དུ་མ་དང་།
19a2 དཔག་བསམ་ཤིང་གི་འབྲས་བུ་ཡང་།། ལྷ་ཡི་དབང་ཕྱུག་མཉམ་ལྡན་པ།། དོགས་པ་མེད་པར་ཐོབ་པར་འགྱུར།། བཀྲེས་བསྒོམ་ནད་ལས་ངེས་པར་ཐར།། རིག་པ་འཛིན་པ་ཀུན་གྱིས་མཆོད།། ཞགས་པ་འགུལ་ལམ།
19a3 གཡོན་ནི།། དངོས་གྲུབ་འདི་འདྲ་ཐོབ་པར་འགྱུར།། འགྲེལ་ལ་མགོ་ལས་སམ་གཞན་པ་དག། གལ་ཏེ་གྲུབ་པར་མ་གྱུར་ན།། མ་གྲུབ་པ་ཡི་ཞགས་པས་ཀྱང་།། འཇིག་རྟེན་པ་ཡི་ལས་རྣམས་བྱ།། སྐྱེས་པ་འམ་ཡང་ན་བུད་མེད་དག། ཡིད་ལ།
19a4 འདོད་པ་བསམས་ནས་ནི།། མཚན་མོ་ཞགས་པ་དེ་བརྐྱང་སྟེ།། དེ་ནི་དེ་ན་ཕྱོགས་སུ་བཟླས།། བསྒྲུབ་བྱ་མིང་ནི་ཚིག་དང་བཅས།། དེ་ནི་ཚིག་གི་མཇུག་དུ་སྦྱར།། ཞགས་པ་གང་ན་འདུག་པ་དེར།། ནམ་མཁའ་ལས་ནི་བྱ་བཞིན་དུ།། བདག་གི་དྲུང་དུ་སྐད
19a5 ཅིག་གིས། ། ཐེ་ཙོམ་མེད་པར་འོང་བར་འགྱུར།། མི་དབང་སླས་དང་བཅས་པའམ།། ཡང་ན་སྐྱེ་བོ་ཕལ་པ་འམ།། བ་ལང་རྟ་དང་ཤིང་རྟ་དང་།། འབྲས་བུའི་མེ་ཏོག་གང་ཡང་རུང་།། དེ་བཞིན་འདོད་པའི་རྫས་དག་ཀྱང་།། མཐོང་བའམ་ཡང་ན་ཐོས
19a6 པའང་རུང་། ། དེ་ཡི་མིང་ཚིག་བསྐུལ་བ་དག། དེ་ཚེ་དེས་ནི་འགུགས་པར་འགྱུར།། ཡུལ་གཞན་དག་ན་གནས་པ་ནི།། དཔག་ཚད་བརྒྱན་འདུག་པ་ཡང་།། དམ་ཚིག་དག་གིས་བསྐུལ་ན་ནི།། ཞགས་པ་འདིས་ནི་ངེས་པར་ཁུགས།། ཁྲོ་བོ་འཁྲུག་པ་རོ
19a7 ལངས་སམ། ། ཁྲོ་བོ་རྣམ་རྒྱལ་ཆོ་ག་འདིར།། ཞགས་པས་གྲུབ་པའི་ལས་རྣམས་དང་།། མ་གྲུབ་གྲུབ་པ་གང་ཡིན་དེའི།། ལྷ་དང་ལྷ་མིན་གཉི་ག་དག། དགུག་པའི་ཆོ་གར་གསུངས་པ་སྟེ།། རོ་ལངས་མ་ཡི་ཆོ་ག་འདི།། ཚུལ་བཞིན་རིམ་པ་བཞིན
19a8 དུ་བཤད། ། འཇམ་དཔལ་གྱི་རྩ་བའི་ཆོ་ག་ཞིབ་མོ་ཁྲོ་བོ་རྣམ་པར་རྒྱལ་བ་ལས་རོ་ལངས་མའི་ཆོ་ག་ཞིབ་མོ་རྣམ་པར་ཕྱེ་བ་སྟེ་དྲུག་པའོ།། །། འདི་ནི་རོལ་དས་ཆོ་ག་མཆོག། རིག་པ་འཛིན་པ་རྣམས་ལ་ནི།། དངོས་གྲུབ་ཆེན་པོ་མཆོག་སྟེར་བ།
iiif viewer powered by OpenSeadragon
