| e-texts navigator |
| Wylie |
190b1 བགྱིད་པ་དང་། དེལ་བུའི་གཟུངས་ཀྱི་གསང་སྔགས་ཀྱི་གཞི་ནམས་བཤད་པར་གསོལ།། སངས་རྒྱས་ཀྱི་བྱིན་གྱིས་བརླབས་ཀྱིས་བྱིན་གྱིས་བརླབ་པར་གསོལ།། གང་དག་ཀླུ་ཐམས་ཅད་ལ་སྐུལ་མ་འབས་པར་འགྱུར་བ་དང་། ལྷ་ཐམས་ཅད
190b2 རབ་ཏུ་དགའ་བར་འགྱུར་བ་དང་། བདུད་ཐམས་ཅད་རྣམ་པར་འདོམས་པར་འགྱུར་བ་དང་། སེམས་ཅན་ཐམས་ཅད་ཀྱི་འཇིགས་པ་ཐམས་ཅད་འཇིག་པར་འགྱུར་བ་དང་། གནོད
190b3 པ་ཐམས་ཅད་ཟློག་པར་འགྱུར་བ་དང་། ཞི་བ་དང་། བདེ་ལེགས་སུ་འགྱུར་བར་བགྱིད་པ་དང་། རྒྱུ་སྐར་མ་རུངས་པར་བགྱིས་པ་རབ་ཏུ་ཞི་བར་འགྱུར་བ་དང་། བཅོམ་ལྡན་འདས་ཀྱིས་ཆར་བའི་བར་ཆད་ལྔ་གསུངས་པ་གང་ལགས་པ་དེ
190b4 དག་ཐམས་ཅད་སེལ་བར་འགྱུར་བ་དང་། འཛམ་བུའི་གླིང་འདིར་ཆར་བའི་རྒྱུན་ལེགས་པར་འབབ་པར་འགྱུར་བ་དེ་ལྟ་བུའི་གཟུངས་ཀྱི་གསང་སྔགས་ཀྱི་གཞི་རྣམས་བཅོམ་ལྡན་འདས་མཆོག་ཏུ་ཐུགས་རྗེ་དང་ལྡན་པ། སེམས་ཅན
190b5 ཐམས་ཅད་ལ་ཕན་པར་ཐུགས་བརྩེ་བ་དང་ལྡན་པས་བཤད་དུ་གསོལ། བཅོམ་ལྡན་འདས་དེ་བཞིན་གཤེགས་པ་ལ་གསོལ་བ་འཚལ་ལོ།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཀླུའི་རྒྱལ་པོ་གཡོག་མཐའ
190b6 ཡས་རྒྱ་མཚོ་སྤྲིན་བཀོད་པའི་གཟི་བརྗིད་ཀྱི་དཀྱིལ་འཁོར་གདུགས་ལྟ་བུའི་རྒྱལ་པོ་ལ་འདི་སྐད་ཅེས་བཀའ་སྩལ་ཏོ། ། ཀླུའི་བདག་པོ་ཁྱོད་སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བའི་ཕྱིར་དེ་བཞིན་གཤེགས་པ
190b7 ལ་གསོལ་བ་འདེབས་པ་ལེགས་སོ་ལགས་སོ། ། ཀླུའི་བདག་པོ་དེའི་ཕྱིར་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག་དང་། སྙིང་རྗེ་ཆེན་པོ་ལས་བྱུང་བ་འབྲུག་ཆེན་པོའི་སྒྲ་ཅན་བགྱིངས་པ་དཔའ་བོའི་ཏོག་ཅེས་བྱ་བའི་གཟུངས
190b8 སེམས་ཅན་ཐམས་ཅད་ཀྱི་དོན་དང་། ཕན་པ་དང་། བདེ་བའི་ཕྱིར་སངས་རྒྱས་ཐམས་ཅད་ཀྱིས་གསུངས་པ། བྱིན་གྱིས་བརླབས་པ། རྗེས་སུ་ཡིད་རང་བ་བཤད་པར་བྱ་སྟེ། དེ་ནི་ཆར་མེད་པའི་ཚེ་ཆར་འབབ་པར་བྱེད།
iiif viewer powered by OpenSeadragon
