| e-texts navigator |
| Wylie |
18a1 རྫོགས་སངས་རྒྱས་ཀྱིས་མཆོད་པ་བཟླས།། གལ་ཏེ་མཆོད་རྟེན་རིང་སྲེལ་ཅན།། ཡིན་ན་དེ་མ་ཐག་ཏུ་འགྱུར།། བསྒྲུབ་བྱའི་མིང་སྤོས་བཟླས་ན་ནི།། སྐྱེས་པ་བུད་མེད་རྒྱས་པར་འགྱུར།། དམ་ཆོས་མཆོད་རྟེན་མདུན་དུ་ནི།། ཆོ་ག
18a2 བཞིན་དུ་ཁྲི་བཟླས་ན། ། ཅི་སྲིད་རྒྱས་པར་འགྱུར་གྱི་བར།། དེ་སྲིད་རྒྱས་ཕྱིར་རིམ་གྱིས་བཟླས།། དེ་བཞིན་གཤེགས་པའི་མཆོད་པ་དག། མཁས་པས་མཆོད་རྟེན་ཀུན་ལ་བྱ།། རིང་སྲེལ་ཅན་ལ་ཆོ་ག་བཞིན།། ཁྱད་པར་དུ་ནི་བཤད་པར་བྱ།། ཐོག
18a3 མར་མཆོད་རྟེན་དྲུང་དུ་ནི། ། མཁས་པ་དག་གིས་དཀྱིལ་འཁོར་བྱ།། དེ་ནས་དེར་ནི་མེ་ཏོག་དག། ཤིན་དུ་ཡིད་འོང་དགྲམ་པར་བྱ།། མེ་མར་རབ་ཏུ་འབར་བ་བརྒྱད།། མཁས་པས་དེ་ལ་དབུལ་བར་བྱ།། ཤིན་དུ་ཡིད་འོང་ཆུ་དང་བཅས།། སྣ་ཚོགས་པ
18a4 ཡི་བཤོས་ཕུལ་ནས། ། གུ་གུལ་བདུག་པ་ཕུལ་ནས་ནི།། བྱང་ཆུབ་སེམས་དང་ལྡན་པ་ཡིས།། དེ་བཞིན་གཤེགས་པ་ཐམས་ཅད་ལ།། ཁྲེ་སར་བཅས་པས་ཕྱག་བྱས་ནས།། མཆོད་རྟེན་ལ་ནི་མངོན་ཕྱོགས་ཏེ།། ཞི་དང་རྒྱས་ཕྱིར་བཟླས་པར་བྱ།། དམ་པའི
18a5 ཆོས་ཀྱང་ཀླག་པ་དང་། ། དུས་དུས་སུ་ཡང་མཆོད་རྟེན་བྱ།། དེ་ལྟར་ཉིན་མཚན་བྱེད་བྱས་ན།། ཞི་བ་དག་དང་རྒྱས་པར་འགྱུར།། རྒྱས་པའི་ལས་ནི་བཤད་ཟིན་ཏོ།། གཞན་ཡང་སྒྲུབ་པ་པོ་ལ་ནི།། འཇིག་རྟེན་ཐམས་ཅད་ངེས་པར་ཡང་།། དགའ་བར
18a6 འགྱུར་བ་བཤད་པར་བྱ། ། ཇི་ལྟར་མ་ལ་བུ་སྡུག་པ།། དེ་འདིར་དེ་བཞིན་གཞན་དུ་མིན།། མཁས་པ་ཡིས་ནི་གིའུ་ཝང་དག། ངེས་པར་བདག་གི་ཁྲག་དང་སྦྱར།། ལན་གྲངས་མང་དུ་སྦྱར་ནས་ཀྱང་།། མཁས་པས་དེ་ནི་ཐོད་པར་བཞག། དེ་ནས་ཟླ་བ་གཟག
18a7 ཟིན་ཆེ། ། ཟླ་བ་ལ་ནི་མིག་བལྟས་ཤིང་།། བཏོང་གི་བར་དུ་ལེགས་པར་བཟླས།། ནང་པར་བདག་གི་དཔྲལ་བ་ལ།། ཐིག་ལེ་གཅིག་ནི་བྱས་ནས་ཀྱང་།། དེ་ནས་རྒྱལ་པོའི་འཁོར་དུ་འགྲོ།། འགྲོ་བ་དབང་བྱེད་སྦྱོར་བ་འདི།། མདོར་བསྡུས་ནས་ནི་བཤད་པ
18a8 སྟེ། ། རྒྱུ་དང་མི་རྒྱུ་འཇིག་རྟེན་དག། མཐོང་བ་ཡིས་ནི་དགའ་བར་འགྱུར།། འདི་ནི་འཇིག་རྟེན་པ་རྣམས་ཀུན།། དགའ་བར་བྱེད་པ་བསྟན་པ་ཡི།། དེ་ནས་དགུག་པའི་ཆོ་ག་ཡང་།། འཇམ་དབྱངས་མགོན་པོ་གཅིག་པུ་ཡིས།། ཁྲོ་བོ་ཞལ་ནས་གསུངས།
iiif viewer powered by OpenSeadragon
