| e-texts navigator |
| Wylie |
17b1 བཞིན། ། གང་དང་གང་གི་འདོད་པ་དག། ཡིད་ལ་བསམས་པས་སྟོན་པར་བྱེད།། མེ་ཏོག་སྔོན་པོས་དེ་བཞིན་དུ།། གནོད་སྦྱིན་སྲིན་པོ་སྔ་མ་བཞིན།། ཡི་དགས་མཁའ་འགྲོ་གྲུལ་བུམ་དང་།། ཡང་ན་གང་དང་གང་འདོད་པའོ།།
17b2 ཆུ་ལས་ལན་བདུན་བཟླས་པ་ནི།། གྱེན་དུ་གཏོར་ནས་ངེས་པར་ཡང་།། མིག་འཕྲུལ་སླར་ཡང་བསྡུ་བར་བྱ།། ཡང་ན་ཁུ་ཚུར་བཅངས་པས་སོ།། ཁྭ་ཡི་སྒྲོ་བདུན་མི་རུས་ཀྱིས།། ཡུ་བ་དག་ལ་བཅིངས་ནས་སུ།། དེ་ལ་ཐལ་བ་དེ
17b3 བསྐུས་ཏེ། ། མིག་འཕྲུལ་བསམས་ལ་ཅི་འདོད་པར།། ཚོགས་ཀྱི་ནང་དུ་བསྐོར་ནས་ནི།། མཚོ་དང་རྒྱ་མཚོ་རྒལ་བ་དང་།། དེ་བཞིན་ཁང་པ་ལི་བ་དང་།། གཡུལ་དང་འཁྲུག་ཅིང་འཆི་བ་དང་།། བལྟད་མོ་ཆེན་པོ་མཆོག་རྣམས་ནི།། རབ་ཏུ།
17b4 སྦྱར་བ་སྟོན་པར་འགྱུར།། ཁུ་ཚུར་བཅས་པས་དེ་བཞིན་སྡུད།། ས་ཡི་འོག་ཀྱང་སྟོན་པ་དང་།། འགྲོ་བ་མང་པོ་འབུས་པ་དང་།། གྱེན་དུ་འགྲོ་དང་དེ་བཞིན་འཁྲུག། རང་གི་དཔུང་དང་རྒྱ་མཚོའང་འཁྲུག། མཇུག་མ་དེ་དང་ཐལ་བ་ཡིས།།
17b5 གཞན་ཡང་གང་དང་གང་འདོད་པ།། དེ་དག་ངེས་པར་བྱེད་པར་འགྱུར།། ཁུ་ཚུར་བཅངས་པས་དེ་བཞིན་སྡུད།། དེ་ལྟར་མིག་འཕྲུལ་མདོར་བསྡུས་པ།། ཇི་སྐད་བཤད་པ་དེ་བཞིན་བྱ། རོ་ལངས་དེ་ཡི་ངོ་བོ་ཉིད།། ཞི་བའི་ཕྱིར་ནི་ཚུལ་བཞིན
17b6 བཟླས། ། བདག་གམ་འོན་ཏེ་གཞན་ཡང་རུང་།། སྒྲུབ་བྱ་ཞི་བའི་ཚིག་སྨོས་ཏེ།། སྟོང་རྩ་བརྒྱད་དུ་བཟླས་བྱས་ནས།། མེ་ཏོག་དཀར་པོ་བཟང་པོ་ནི།། བསུང་ཞིམ་ཡིད་དུ་འོང་བ་དག། ཙན་དན་དཀར་པོ་ཆུས་བཏབ་ནས།། རྒྱ་མཚོར་འགྲོ
17b7 བའི་ཆུ་ནང་དུ། ། ཞུགས་ནས་རེ་རེ་ལ་བཟླས་ཤིང་།། བརྒྱ་རྩ་བརྒྱད་ནི་དོར་བར་བྱ།། འོན་ཀྱང་བདག་གམ་གཞན་ཡང་རུང་།། མཚུངས་པ་མེད་པ་ཞི་བར་འགྱུར།། རྒྱལ་པོའི་ཡུལ་ལམ་ལྗོངས་དགགམ།། གྲོང་ངམ་ཡང་ན་གྲོང་ཁྱེར་དག།
17b8 ཞི་བའི་ལས་དེ་བྱས་པ་ཡིས།། ཞི་བར་འགྱུར་བ་གདོན་མི་ཟ།། དེ་ནས་རྒྱས་པའི་ལས་རྣམས་ཀྱང་།། ཚུལ་བཞིན་དུ་ནི་བཤད་པར་བྱ།། མཆོད་རྟེན་ལ་མཆོད་སྣ་ཚོགས་པ།། བྱས་ནས་དེ་ཡི་མདུན་འདུག་སྟེ།། རོ་ལངས་ཕྱག་རྒྱ་ཆེན་པོ་ནི།།
iiif viewer powered by OpenSeadragon
