| e-texts navigator |
| Wylie |
17a1 བཞུགས་པ། ། མཐུ་ཆེན་སྨན་ནི་འདི་རྣམས་ལས།། གང་ཡང་རུང་བ་གཅིག་བླངས་ཏེ།། ལོ་མ་རླུང་གིས་བཏབ་པར་སྦྱར།། དེ་བཞིན་བ་ལ་ཀ་ཏ་དང་།། གོས་སྐྲོད་ནག་པོ་ལྡོང་རོས་དག། འདི་དག་བཏགས
17a2 ཏེ་ཕྱེ་མར་བྱ། ། མི་ཡི་ཚིལ་གྱིས་སྨྲས་ནས་སུ།། རོ་ལངས་སྟོང་རྩ་བརྒྱད་དུ་བཟླས།། ནམ་ལངས་པར་གྱུར་པ་དང་།། གདྲུག་པ་འཁྲུག་པར་བྱེད་ཅེས་བྱ།། གང་གིས་བསྣམས་ཏེ་དེ་དག་ནི།། རང་གི་ཕྱོགས་རྣམས་པན
17a3 ཚུན་འཁྲུག། གཅིག་ལ་གཅིག་ཀྱང་འཐབ་པར་འགྱུར།། ཡུལ་འཁོར་དང་ནི་གྲོང་ཁྱེར་དང་།། དཔུང་ལ་གནོད་པ་བྱ་བའི་ཕྱིར།། ཕན་ཚུན་བསོད་པར་བྱ་བ་ལ།། གདུག་པ་འདི་ནི་སྦྱར་བར་བྱ།། ཕན་ཚུན་འཐབ་ཅིང་གསོད་པ་དག།
17a4 ཅི་རིགས་བསྟན་པ་འདི་ཡིན་ནོ།། དེ་ནས་གཞན་ཡང་མིག་འཕྲུལ་གྱི།། ཆོ་ག་ཚུལ་བཞིན་བཤད་པར་བྱ།། དུར་ཁྲོད་དག་གི་ཐལ་བ་ཡིས།། མིག་འཕྲུལ་དངོས་པོ་འགྲུབ་པར་འགྱུར།། མི་ཐོད་བཟང་པོར་ཐལ་བ་དང་།། རི་བོང་དག
17a5 གི་ཁྲག་བླགས་ཏེ། ། ཡི་དགས་ཕལ་ཆེན་དཀྱིལ་འཁོར་གྱི།། ཇི་སྐད་གསུངས་པ་བྲིས་པ་གཞག། དེ་ཡི་ནང་དུ་རོ་ལངས་ལ།། མཆོད་པ་ཆེན་པོ་བྱས་ནས་ནི།། དེར་ཡང་ལྷོ་ཕྱོགས་སྒོ་དག་ཏུ།། ཞུགས་ཐབ་ཏུ་ནི་མེ་བུས་ཏེ།། དེ་ནས
17a6 ཐལ་བ་དེ་ལ་ནི། ། མར་གྱིས་བདུགས་ཏེ་སྦྱིན་སྲེག་བྱ།། དེ་ནས་ཐལ་བ་དེ་ལ་ཡང་།། སྟོང་རྩ་བརྒྱད་དུ་བཟླས་བྱས་ཏེ།། སྟོང་རྩ་བརྒྱད་པོ་དེ་ཉིད་ཀྱི།། ནམ་ལངས་པར་ནི་ངེས་པར་ཡང་།། མཁས་པས་མིག་འཕྲུལ་རྩེད་མོ་རྣམས།།
17a7 ཐལ་བ་དེས་ནི་བྱེད་པར་འགྱུར།། མེ་ཏོག་དཀར་ལ་ཐལ་བ་དེས།། ལན་རེ་དག་ཏུ་བསླུས་ནས་ནི།། ནམ་མཁར་གཏོར་ན་ངེས་པར་ཡང་།། རྫོགས་པའི་སངས་རྒྱས་སྟོན་པར་འགྱུར།། ཐལ་བ་དེ་ཡིས་སྔ་མ་བཞིན།། མེ་ཏོག་སེར་པོ་ལ
17a8 བསྐུས་ཏེ། ། དེ་བཞིན་ནམ་མཁའ་ལ་གཏོར་ན།། འདོད་ཆགས་བྲལ་བ་སྟོང་དག་དང་།། ཉིད་ཀྱིས་གནས་བཅས་སངས་རྒྱས་ཀུན།། སྟོན་པར་བྱེད་དེ་གཞན་དུ་མིན།། མེ་ཏོག་དཀར་པོས་འཇིག་རྟེན་པའི།། ལྷ་རྣམས་ཀུན་ཀྱང་སྔ་མ
iiif viewer powered by OpenSeadragon
