| e-texts navigator |
| Wylie |
16a1 སྦྱོར་བ་ཤེས་པ་ཡིས། ། དེ་ལས་རི་ལུ་གཅིག་བླངས་ནས།། གང་དག་དབྱེ་བར་བྱ་བ་ནི།། དེ་དག་གཅིག་གི་སྤྱི་བོ་ལ།། རི་ལུའམ་ཡང་ན་ཕྱེ་མ་དག། དབྱེ་བར་བྱ་བའི་ཕྱིར་གདབ་བོ།། དབྱེ་བར་བྱེད་པའི་མཆོག
16a2 འདི་ནི། ། ཁྲོ་བོ་ཉིད་ཀྱིས་གསུངས་པའོ།། དེ་ནས་འདི་ནི་གསད་བྱ་བ།། སྦྱོར་བའི་ཚུལ་བཞིན་ལེགས་སྦྱར་ན།། དོགས་པ་མེད་པར་འགྲུབ་འགྱུར་བ།། གསོད་བྱེད་མཆོག་ནི་བཤད་པར་བྱ།། མི་དབང་རྣམ་པ་དུ་མ་ཡིས།། དཀོན་མཆོག་གསུམ
16a3 ལ་གནོད་བྱེད་པ། ། དེ་ལ་སྦྱོར་བ་འདི་སྦྱར་གྱི།། ངན་སོང་གཞན་ལ་མ་ཡིན་ནོ།། འདི་ནི་བྱང་ཆུབ་སེམས་ལྡན་ལ།། གྲུབ་པར་འགྱུར་གྱི་གཞན་དུ་མིན།། དེ་བཞིན་གཤེགས་པའི་དམ་ཚིག་འདི།། དངོས་གྲུབ་ཐམས་ཅད་སྟེར་བ
16a4 ག་བཞིན་དུ་ལེགས་པར་གསུང་། ། གཞན་དུ་བྱས་ན་འགྲུབ་མི་འགྱུར།། དེ་བཞིན་གཤེགས་པའི་དངོས་གྲུབ་ཀུན།། འདོད་ན་སྲོག་ཆགས་ཕན་འདོད་པས།། འོག་དང་འཕུར་བའི་དངོས་གྲུབ་ཀྱང་།། བཤོལ་བ་མེད་པར་བསྒྲུབ་པར
16a5 བྱ། ། ཁྲོ་དང་གཏུམ་པའི་སྤྱོད་པ་ཅན།། འདོད་ཕྱིར་གསོད་པར་འདོད་དེ་ལ།། དེ་བཞིན་གཤེགས་པའི་དངོས་གྲུབ་དག། རྨི་ལམ་དུ་ཡང་ག་ལ་འབྱུང་།། སྙིང་རྩེ་བཟོད་དང་དེ་བཞིན་བྱམས།། རང་བཞིན་གྱིས་ནི་སྙིང་རྗེ་ཅན།། ཇི
16a6 སྐད་བསྟན་པའི་སྔགས་པ་ནི། ། བྱང་ཆུབ་སེམས་ཉིད་སེམས་བྱེད་ལ།། དེ་བཞིན་གཤེགས་པའི་དངོས་གྲུབ་ཀུན།། གདོན་མི་ཟ་བར་དེ་ལ་འགྲུབ།། གདུག་པ་རྣམས་ནི་འདུལ་བའི་ཕྱིར།། སྦྱོར་བ་འདི་ནི་ཀུན་དུ་གསུངས།། དཀོན
16a7 མཆོག་གསུམ་ལ་ཆེར་གནོད་ལ། ། བྱ་བར་བཤད་ཀྱིས་གཞན་དུ་མིན།། སེམས་གདུག་བསྒྲུབ་པར་བྱ་བ་ཡི།། རྐང་པའི་རྗེས་ཀྱིས་བླངས་ལ།། དེ་ནས་གཙང་མའི་མ་ཧེ་ཡི།། བཅིན་གྱིས་དེ་ནི་སྦྲུས་ནས་ཀྱང་།། དེ་ཡི་གཟུགས
16a8 བརྙན་བྱས་ནས་ནི། ། དུར་ཁྲོད་ཐལ་བས་འཕྲུལ་བ་ག། སོལ་བ་ཆེར་མ་རྣོན་པོ་དང་།། དེ་བཞིན་རུས་པ་ཕུབ་མ་དག། དེ་ཡི་སྙིང་ཀར་གདབ་པར་བྱ།། དེ་བཞིན་གཞན་ཡང་ལྟོ་བ་དང་།། རྣ་བ་སྣ་དང་མིག་དང་ཁ།། རབ་ཏུ་བཀང་ནས་གཡང
iiif viewer powered by OpenSeadragon
