| e-texts navigator |
| Wylie |
161a1 དགེ་སློང་རྣམས་ལ་ཕྱག་འཚལ་ཞིང་།། འདུས་པའི་ཚལ་དུ་མངོན་པར་ཞུགས།། གནོད་སྦྱིན་ཆུ་སྲིན་རྒྱལ་པོའི་ཁབ།། ཡངས་པ་ལ་ནི་རྟག་གནས་ཤིང་།། བརྒྱ་སྟོང་ཕྲག་ནི་མང་པོ་ཡི།། གནོད་སྦྱིན་བསྙེན་བཀུར་བྱེད་པ་དང་།
161a2 གང་དག་དེ་ཡི་འཁོར་རྣམས་དང་།། དེ་ཡང་འདུས་པའི་ནང་དུ་འོངས།། རྫུ་འཕྲུལ་ལྡན་ཞིང་འོད་དང་ལྡན།། ཁ་དོག་ལྡན་ཞིང་གྲགས་ལྡན་རྣམས།། དགེ་སློང་རྣམས་ལ་ཕྱག་འཚལ་ཞིང་།། འདུས་པའི་ཚལ་དུ་མངོན་པར་ཞུགས།།
161a3 ཀུན་གྱི་བཤེས་གཉེན་ལྔ་བརྒྱ་དང་།། རྫུ་འཕྲུལ་ཆེན་པོ་ཀུན་གྱི་ལྷ།། གང་དག་དེ་ཡི་འཁོར་རྣམས་དང་།། དེ་གཉིས་ཀྱང་ནི་འདུས་པར་ལྷགས།། རྫུ་འཕྲུལ་ལྡན་ཞིང་འོད་དང་ལྡན།། ཁ་དོག་ལྡན་ཞིང་གྲགས་ལྡན་རྣམས།།
161a4 དགེ་སློང་རྣམས་ལ་ཕྱག་འཚལ་ཞིང་།། འདུས་པའི་ཚལ་དུ་མངོན་པར་ཞུགས།། ཤར་ཕྱོགས་མངོན་པར་སྐྱོང་བྱེད་པ།། རྒྱལ་ཆེན་གྲགས་དང་ལྡན་པ་ནི།། དྲི་ཟའི་བདག་པོ་རྒྱལ་པོ་སྟེ།། མིང་ནི་ཡུལ་འཁོར་སྲུང་ཞེས་བྱ། དེ་ནི
161a5 ཉེ་དུ་ལྷན་ཅིག་དུ། ། གླུ་དང་གར་གྱིས་རྟག་ཏུ་རྩེ།། གང་དག་དེ་ཡི་འཁོར་རྣམས་དང་།། དེ་ཡང་འདུས་པའི་ནང་དུ་འོངས།། རྫུ་འཕྲུལ་ལྡན་ཞིང་འོད་དང་ལྡན།། ཁ་དོག་ལྡན་ཞིང་གྲགས་ལྡན་རྣམས།། དགེ་སློང་རྣམས་ལ
161a6 ཕྱག་འཚལ་ཞིང་། ། འདུས་པའི་ཚལ་དུ་མངོན་པར་ཞུགས།། དེ་ལ་བུ་ནི་མང་ཡོད་དེ།། བརྒྱད་ཅུ་དང་ནི་བཅུ་དང་གཅིག། དེ་དག་མིང་འཐུན་གྲགས་པ་ནི།། དབང་པོ་ཞེས་བྱ་སྟོབས་པོ་ཆེ།། ལྷ་དང་ལྷ་མིན་གཡུལ་འགྱེད་པར
161a7 ཀུན་དུ་གཞན་གྱིས་མི་ཐུབ་པར། ། གང་དག་དེ་ཡི་འཁོར་རྣམས་དང་།། དེ་དག་ཀྱང་ནི་འདུས་པར་ལྷགས།། རྫུ་འཕྲུལ་ལྡན་ཞིང་འོད་དང་ལྡན།། ཁ་དོག་ལྡན་ཞིང་གྲགས་ལྡན་རྣམས།། དགེ་སློང་རྣམས་ལ་ཕྱག་འཚལ་ཞིང་།། འདུས་པའི
161a8 ཚལ་དུ་མངོན་པར་ཞུགས། ། ལྷོ་ཕྱོགས་མངོན་པར་སྐྱོང་བྱེད་པ།། རྒྱལ་ཆེན་གྲགས་དང་ལྡན་པ་ནི།། གྲུལ་བུམ་བདག་པོ་རྒྱལ་པོ་སྟེ།། མིང་ནི་འཕགས་སྐྱེས་པོ་ཞེས་བགྱི།། དེ་ནི་ཉེ་དུ་ལྷན་ཅིག་ཏུ། ཀླུ་དང་གར་གྱི་རྟག་ཏུ་རྩེ།། གང་དག
iiif viewer powered by OpenSeadragon
