| e-texts navigator |
| Wylie |
160a1 མི་མཆི་ཞིང་། ། མི་ལུས་སྤངས་པར་གྱུར་ནས་ཀྱང་།། ལྷའི་ལུས་ནི་ཐོབ་པར་འགྱུར།། ཚངས་རིས་ཀྱི་ལྷ་བཞི་པོ་དག་གིས་དེ་སྐད་ཅེས་གསོལ་ནས་དེ་ཉིད་ན་ཟག་བཅུ་མེསྟེ་འཁོད་དོ།། དེ་ནས་བཅོམ་ལྡན་འདས་ཀྱིས་ལྷའི
160a2 འཁོར་ཐམས་ཅད་ལ་རྣམ་པར་གཟིགས་ནས། ། དགེ་སློང་རྣམས་ལ་བཀའ་སྩལ་པ།། དགེ་སློང་དག་ཀྱེ་མ་ལྷ་རྣམས་ཀྱི་འདུས་པ་འདི་ནི་ཤིན་ཏུ་ཆེ་བ་ཡིན་ནོ།། དགེ་སློང་དག་ཀྱེ་མ་ལྷ་རྣམས་ཀྱི་འདུས་པ་འདི་ནི་ཤིན་ཏུ་ཆེ་བ་ཡིན།
160a3 ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་འདས་པའི་དུས་ན་བྱུང་བར་གྱུར་པའི་སངས་རྒྱས་བཅོམ་ལྡན་འདས་དེ་དག་ལ་ཡང་འདི་ལྟ་སྟེ།། དཔེར་ན་ད་ལྟར་ངའི་ལྷ་རྣམས་ཀྱི་འདུས་པ་ཆེན་པོ
160a4 འདི་ཁོ་ན་ལྟ་བུ་དག་འདུས་པར་གྱུར་ཏོ། ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་མ་འོངས་པའི་དུས་ན་འབྱུང་བར་འགྱུར་བའི་སངས་རྒྱས་བཅོམ་ལྡན་འདས་དེ་དག་ལ་ཡང་འདི་ལྟ་སྟེ། དཔེར་ན
160a5 ད་ལྟར་ངའི་ལྷ་རྣམས་ཀྱི་འདུས་པ་ཆེན་པོ་འདི་ཁོ་ན་ལྟ་བུ་དག་འདྲ་བར་འགྱུར་རོ། ། དགེ་སློང་དག་ལྷ་རྣམས་ཀྱི་མིང་དག་བརྗོད་པར་བྱས།། ལྷ་རྣམས་ཀྱི་མིང་དག་ཟུང་ཤིག། གང་དགས་ལ་གནས་པ་དང་།། གང་དག་རི་ཁྲོད་གནས་པ་རྣམས
160a6 སེང་གེ་བཞིན་དུ་ཐ་དད་ལ། ། སེམས་བསྡུས་མཉམ་པར་བཞག་བྱས་ཤིང་།། ཀུན་ནས་འདུས་པར་གྱུར་པ་ནི།། སྤུ་དག་ཟིང་ཞེས་བྱེད་པ་ཡིན།། གང་དག་ས་ལ་གནས་པ་དང་།། གང་དག་རི་ཁྲོད་གནས་པ་རྣམས།། སེང་གེ་བཞིན་དུ་ཐ་དད
160a7 ལ། ། སེམས་བསྡུས་མཉམ་པར་བཞག་བྱས་ཤིང་།། ཀུན་ནས་འདུས་གྱུར་སྤུ་ཟིང་ཞེས།། བྱེད་པདག་གིས་བརྗོད་པར་བྱ།། ཡིད་བྱང་དག་ཅིང་རབ་དང་ལ།། རྙོག་མེད་འཆི་བདག་སྤངས་པ་རྣམས།། ཚངས་པའི་འཇིག་རྟེན་མཐར་ཐུག་ཅི།
160a8 ལྷ་དང་མི་ཡི་བར་ན་འཁོད།། སློབ་མ་ལྔ་བརྒྱ་ཕྲག་གཉིས་དང་།། གཞན་ཡང་བརྒྱ་དང་བཅུ་དག་དང་།། སྟོང་ཕྲག་དུ་མ་རྣམས་དག་གི། ལྷ་རྣམས་འདུས་པར་གྱུར་པ་དག། མཐའ་ནས་མཐའ་མ་མི་མཐོང་ཞིང་།། ཕྱོགས་རྣམས
iiif viewer powered by OpenSeadragon
