| e-texts navigator |
| Wylie |
15a1 ཀ་ན་ཀ་ཡི་རྩ་བ་དང་།། ཨ་ཤྭ་མ་ར་རུ་རྟ་དང་།། མོ་ཧ་ནི་ཡི་རྩ་བ་དང་།། མ་ཧཱ་ན་ལའི་རྩ་བ་དང་།། ཤ་ར་བུ་ཀ་ར་ལྡན་བྱས་ཤིང་།། ཡི་དགས་མེ་ཏོག་རྙིང་པར་ལྡན།། མདུན་སོ་དག་དང་ལྡན་བྱས་ཏེ།། སྐྱེས་པ་དག་གམ་བུད་མེད
15a2 ཀྱི། ། གསང་བའི་ལྤགས་པ་དང་ལྡན་པ།། བུ་མོ་འདོད་པ་མ་སྤྱད་པས།། མར་གྱི་བརྒྱད་ལ་ལེགས་པར་བརྟག། ཕྱིས་ནི་བུད་མེད་ཁྲག་དག་དང་།། བུང་བུའི་ཁུ་བས་སྡུ་བར་བྱ།། དུར་ཁྲོད་ཐལ་བ་དང་སྦྱར་ཏེ།། དེ་ནས་མར་གྱི་ཚེས་བརྒྱད་ལ།། ཐོག་མར
15a3 ཡི་དགས་མང་བྲིས་ནས། ། རིག་པ་འཛིན་པས་མཚན་མོ་བཟླས།། སྟོང་རྩ་བརྒྱད་ནི་ལེགས་བཟླས་ནས།། དེ་ནས་རྫས་ནི་གྲུབ་པར་འགྱུར།། རྨོངས་པར་བྱེད་པའི་ཕྱེ་བ་འདི། སེམས་ཅན་ཀུན་ལ་སྦྱར་ན་ནི།། དེ་ནས་རྨོངས་པ་བྱེད་པར་འགྱུར།། འདི་ལ་ཐེ
15a4 ཚེཆོམ་མི་བྱའོ། ། འཐབ་མོ་དང་ནི་རྩོད་པ་དང་།། རྒྱལ་པོ་གཡུལ་ངོ་ཆེན་པོ་ལ།། བདག་གི་ཕྱོགས་ནི་བསྲུང་བའི་ཕྱིར།། སྦྱོར་བ་ཤེས་པས་འདི་བསྐུལ་བའི།། བ་དན་དག་ཀྱང་སྦེང་ན་ནི།། དགྲ་རྣམས་ཀུན་དུ་རྨོངས་པར་འགྱུར།། བྱ་མ་འདི་ཡིས་རེག་ན་ནི།།
15a5 དེམ་ཐག་ཏུ་མི་རྣམས་ཆོངས།། ཆུང་ཞུགས་ན་ནི་ཐར་བར་འགྱུར།། ངེས་པར་གཞན་དུ་མ་ཡིན་ནོ།། དེ་ནས་གཞན་ཡང་དབབ་པ་ཡི།། ཆོ་གའི་མཆོག་ནི་བཤད་པར་བྱ།། ཅི་ནས་འཐུང་པོ་ཐམས་ཅད་ནི།། མོང་ལ་འབབ་པར་འགྱུར་བའོ།། སྟག་གི་ལྤགས།།
15a6 པ་དང་ལྡན་པར།། སྦྲུལ་གྱི་ཤུན་པ་བཏགས་ན་ནི།། དུག་དང་ཡུང་གི་རྩ་བ་དང་།། མོ་ཧ་ན་དང་མ་ལ་ཏི།། ར་ཡི་གཅིན་ལས་བརྟགས་ནས་ནི།། དེ་ནས་དེ་དག་རི་ལུར་བྱ།། ཙ་ན་ག་ཡི་འབྲུ་ཚད་ལ།། བདུན་ནམ་བརྒྱད་དམ་དགུའམ་ཡང་།། གཞན་ཡང་རི
15a7 བོང་ཁྲག་དག་དང་། ། གུང་གུམ་ལས་སུ་བརྟགས་ནས་སུ།། བདུན་ནམ་བརྒྱད་དམ་དགུ་དག་ཏུ།། རི་ལུ་སྔ་མ་བཞིན་དུ་བྱ།། དེ་ནས་སྔ་མའི་རི་ལུ་ལ།། སྔགས་པས་ཐོད་པའི་སྣོད་ཏུ་གཞག། མར་གྱི་ཚེས་བརྒྱད་མཚན་མོ་ནི།། བརྒྱ་རྩ་བརྒྱད་དུ་བཟླས
15a8 བར་བྱ། ། གུར་གུམ་ཅན་ནི་ཨ་རི་སྟའི།། སྣོད་ནི་གཙང་མར་བཞག་པར་བྱ།། དེ་བཞིན་སྟོང་རྩ་བརྒྱད་བཟླས་ཏེ།། རྩེ་མོ་རབ་ཏུ་སྦྱར་བར་བྱ།། སྔར་ནི་ལེགས་པར་བྱར་བྱས་པའི།། རི་ལུ་ཐ་མལ་བརྟག་པ་ལ།། བཏབ་ན་མྱུར་དུ་འབབ་པ་ནི།། རིང་སྔོ
iiif viewer powered by OpenSeadragon
