| e-texts navigator |
| Wylie |
155b1 དུས་ཀྱི་ཚེ་འཇིག་རྟེན་གྱི་ཁམས་བདེ་བ་ཅན་དུ་སྐྱེ་བར་འགྱུར་རོ། ། ཚེ་རབས་སོ་ཅོག་ཏུ་འཕགས་པ་སྤྱན་རས་གཟིགས་དབང་ཕྱུག་དང་མི་འབྲལ་བར་འགྱུར་རོ།། རྟག་ཏུ་བཟླས་བརྗོད་བྱས་ན་ཡིད་གཞུངས་པར་འགྱུར། དཔའ་བར
155b2 འགྱུར། སྐད་སྙན་པར་འགྱུར། སྐལ་བ་བཟང་པོར་འགྱུར་རོ།། སྟན་བཅོས་ཐམས་ཅད་ལ་འཇིགས་པ་མེད་པར་འགྱུར། ཚིག་བཙུན་པར་འགྱུར་རོ།། བསྟོད་པ་བསྒྲུབ་པ་འདིས་སྟོད་པ་བྱས་ན།། སངས་རྒྱས་བཅོམ་ལྡན་འདས་གང་གཱའི
155b3 ཀླུང་དྲུག་བཅུ་རྩ་གཉིས་སྙེད་ཀྱི་བྱེ་མ་སྙེད་དག་ལ་མཆོད་པ་བྱས་པར་འགྱུར་ཏེ། ། རྣམ་པར་སྨིན་པ་མཚུངས་ཤིང་བྱེ་བྲག་མེད་པར་འགྱུར་རོ།། འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པ་རྒྱལ་བ་ཐམས་ཅད་ཀྱི་རིང་བསྲེལ
155b4 གྱི་ཟ་མ་ཏོག་ཅེས་བྱ་བ་རྫོགས་སྷོ། ། །། རྒྱ་གར་སྐད་དུ། ཨཱརྱ་མཉྫུ་ཤཱི་ནཱ་མ་ཨཥྚ་ཤ་ཏ་ཀན། བོད་སྐད་དུ། འཕགས་པ་འཇམ་དཔལ་གྱི་མཚན་བརྒྱརྒྱ་བརྒྱད་པ་ཞེས་ཕྱག་འཇམ་དཔལ་གཞོན་ནུར་པ་ལ་ཕྱག་འཚལ་ལོ།། ཤིན་ཏུ
155b5 དང་བའི་སེམས་ཀྱིས་སུ། ཐུབ་པ་མགོ་བོས་ཕྱག་འཚལ་ཏེ། སངས་རྒྱས་རྣམས་ཀྱིས་བསྔགས་པ་ཡི།། མཚན་རྣམས་འདིར་ནི་བརྗོད་པར་བགྱི།། གཟུགས་མཛེས་གཟུགས་དང་ལྡན་པ་སྟེ།། གཟུགས་རྣམས་ཀུན་གྱི་བླ་ན་མེད།། མཚན
155b6 རྣམས་ཐམས་ཅད་ཀུན་ཏུ་རྫོགས། ། འཇམ་དཔལ་དཔལ་གྱི་དམ་པ་ལགས།། བསམ་གྱིས་མི་ཁྱབ་བསམ་དང་བྲལ།། མཐུ་རྩལ་བསམ་ཡས་རྨད་དུ་བྱུང་། སྐུ་གསུམ་ཕྲིན་ལས་བསམ་མི་ཁྱབ། དེ་བཞིན་ཐུགས་ཀྱང་བསམ་མི་ཁྱབ།
155b7 སྟོང་ཉིད་བསྒོམས་པའི་བདག་ཉིད་ཅན།། སྟོང་པའི་ཆོས་དང་ཡང་དག་ལྡན།། སྟོང་པ་ཉིད་ལ་ལྷག་པར་མོས།། སྲིད་པ་གསུམ་པོ་སྟོང་པར་སྟོན།། ཐམས་ཅད་མཁྱེན་ཅིང་ཐམས་ཅད་གཟིགས།། ས་རྣམས་ཀུན་གྱི་བདག་དང་ལྡན། སེམས
155b8 ཅན་ཀུན་གྱི་མཆོག་དུ་གྱུར། སེམས་ཅན་ཀུན་གྱིས་ཕྱག་བགྱིས་པ། ངན་འགྲོ་ཀུན་དང་དེ་བཞིན་དུ།། མུ་སྟེགས་ཅན་རྣམས་ཐམས་ཅད་འཇོམས།། ཕས་ཀྱི་རྒོལ་བ་ཚར་གཅོད་པ།། སྨྲ་བའི་སེང་གེའི་མི་ཡི་མཆོག། ངལ་ཞིང
iiif viewer powered by OpenSeadragon
