| e-texts navigator |
| Wylie |
155a1 གཙང་བ་སྲུངས་པ།། གསོར་པོར་གསུང་བ་བདུད་རྩི་འབྲི་དང་བེབས་པ། ཡིད་བཞིན་གྱི་ནོར་བུ་ལྟ་བུ། བལྟ་ན་སྡུག་པའི་ཤིང་འདྲ་བ་སེམས་ཅན་ཐམས་ཅད་མོས་པར་མཛད་པ། དགའ་བར་མཛད་པ་སེམས་ཅན་ཐམས
155a2 ཅད་ཉེ་བར་འཚོ་བ། སངས་རྒྱས་ཀྱི་སྤྲུལ་པ་བདེ་བར་གཤེགས་པའི་ཆ་བྱད་མངའ་བ། བདེ་བར་གཤེགས་པའི་རིང་སྲེལ་འཛིན་པ་སྤུ་རེ་རེ་སྐྱེས་པ་སེམས་ཅན་གྱི་སྙིང་པོ་བསོད་ནམས་མཛད་པ། དགེ་བ་མཛད་པ་ངེས་པར་མཛད་པ།
155a3 བརྩོན་འགྲུས་འབར་བ་འཁོར་བ་ལས་ཤིན་ཏུ་གནས་པ། དམ་པའི་ཆོས་ལ་རྒྱལ་ཚབ་དུ་དབང་བསྐུར་བ། སྒྲོལ་མ་ཞབས་དྲུང་ན་གནས་པ། ཁྲོ་གཉེར་ཅན་བཀའ་བཞིན་བགྱིད་པ། རྒྱལ་བ་དང་ལྡན་པ་ཚུལ་དང་ལྡན་པ་དྲན་བ་དང་ལྡན་པ། མཐུ
155a4 རྩལ་ཆེ་བ་ཡོན་ཏན་དང་ལྡན་པ། བྱམས་པ་དང་ལྡན་པ། ཞི་བ་དང་ལྡན་པ་ཚུལ་ཁྲིམས་དང་ལྡན་པ་སྐལ་པ་དང་ལྡན་པ། དོན་དང་ལྡན་པ། དོན་རྣམས་ཐུགས་སུ་ཆུད་པ་ཐེ་ཙོམ་རྣམས་གཅོད་པ་ཆོས་རྣམས་གསུང་བ་འཇིག
155a5 རྟེན་རྣམས་ཀྱི་སྟོན་པ་ཞལ་གྱི་དཀྱིལ་འཁོར་ཡོངས་སུ་རྒྱས་པ་སྐུ་རྐེད་པའི་ཕྱོགས་རིན་པོ་ཆེ་ཐམས་ཅད་ཀྱིས་སྤྲས་པ། གསེར་གྱི་མཆོད་སྡོང་ལྟ་བུ། སྐུ་ཉི་མ་སྟོང་པས་ལྷག་པར་མཛེས་པ་ཚངས་པའི་དབང་པོ་ལ་སོགས་པས་ཕྱག་བགྱིས
155a6 པ་ལགས་སོ། ། གང་ལ་ལ་ཞིག་འཕགས་པ་སྤྱན་རས་གཟིགས་དབང་ཕྱུག་གི་མཚན་བརྒྱ་རྩ་བརྒྱད་པས་བསྟོད་པ་སྒྲུབ་པ་བྱེད་པ་དེའི་མཚམས་མེད་པ་ལྔའི་ལས་ཀྱི་སྒྲིབ་པ་རྣམ་པར་བྱང་བར་འགྱུར་རོ།། དཀྱིལ་འཁོར་ཐམས་ཅད་དུ
155a7 ཞུགས་པར་འགྱུར་རོ། ། དེ་ལ་གསང་སྔགས་ཐམས་ཅད་གྲུབ་པར་འགྱུར་རོ།། བསྐལ་པ་བྱེ་བ་འབུམ་ཕྲག་དུ་མར་ངན་འགྲོར་འགྲོ་བར་མི་འགྱུར་རོ།། མཚམས་མེད་པར་འཇུག་པར་མི་འགྱུར་རོ།། སུ་ཞིག་ནང་པར་ལངས་ནས་འདོན་དམ
155a8 ཀློག་གམ། ། ཁ་ཏོན་བྱེད་ན་དེའི་ལུས་ལ་མཛེ་དང་། རྐང་ཤུ་དང་ལུད་པ་དང་། མི་བདེ་བ་མི་འབྱུང་ཞིང་ནད་ཐམས་ཅད་ལས་ཐར་བར་འགྱུར་རོ།། ཚེ་རབས་སོ་ཅོག་ཏུ་ཚེ་རབས་དྲན་པར་འགྱུར་རོ།། ལྷའི་བུ་དང་འདྲ་བར་འགྱུར་རོ།། འཆི་བའི
iiif viewer powered by OpenSeadragon
