| e-texts navigator |
| Wylie |
152a1 ས། ། རིང་པོར་མི་ཐོགས་ཐོབ་པར་འགྱུར།། རྒྱུད་ཆེན་ལྡན་ཞིང་བློ་ཆེ་བ།། གང་ཞིག་མིང་མཆོག་འདོན་པ་ནི།། རྡོ་རྗེའི་དཀྱིལ་འཁོར་བསྟན་པ་ལ།། རིང་པོར་མི་ཐོགས་འཇུག་པར་འགྱུར།། བྱང་ཆུབ་སེམས་དཔའ་ཆེན་པོ་སྒྲིབ་པ
152a2 ཐམས་ཅད་རྣམ་པར་སེལ་བའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ་རྫོགས་སྷོ། ། །། འཕགས་པ་སའི་སྙིང་པོའི་མཚན་བརྒྱ་རྩ་བརྒྱད་པ་གཟུངས་སྔགས་དང་བཅས་པ། དཀྱིལ་འཁོར་གྱི་རྒྱལ་པོ་ཆེན་པོ་བྱང་ཆུབ
152a3 སེམས་དཔའ་སེམས་དཔའ་ཆེན་པོ་སའི་སྙིང་པོ་ལ་ཕྱག་འཚལ་ལོ། ། ཨོཾ་སུམ་བྷ་ནི་སུམ་བྷཿ། ཧ་ར་ཙ་ར། མ་ཧཱ་བཱ་ཤ་མ་རུ་ཏཱ། ཨ་མོ་གྷ་བཛྲ་སཏྭ་སྭཱ་ཧཱ།། དེ་ནས་ཡོན་ཏན་སྦྱིན་པ་ཡི།། གཟུངས་འདི་བཤད་མ་ཐག་དུ་ཡང་།། རྡོ་རྗེའི་དཀྱིལ
152a4 འཁོར་དམ་པ་ནི། ། ཏི་སེའི་གངས་བཅས་གཡོས་པར་གྱུར།། ས་ཡི་སྙིང་པོ་ཚོགས་དབང་ལ།། བཅོམ་ལྡན་རྡོ་རྗེ་ཅན་གྱིས་སྤྲས།། སྐལ་ལྡན་ཆེན་པོ་ལེགས་སོ་ལེགས།། ས་སྙེང་ཁྱོད་ཀྱིས་ཡངས་པར་བྱས།། ཁྱོད་ཀྱི་གཟུངས་ནི་རྣམ་གྲགས
152a5 ཤིང་། ། ཡོན་ཏན་དཔག་མེད་མཆོག་སྐྱེད་པ།། སེམས་ཅན་ཀུན་གྱི་སྡུག་བསྔལ་དང་།། ཉེས་པ་ཟློག་བྱེད་ཐོས་པ་ནི།། འཁོར་བར་རབ་ཏུ་རྒྱུ་བ་ན།། ཉེས་པ་ཀུན་གྱིས་མི་གོས་ཏེ།། ཇི་ལྟར་འདམ་གྱི་པད་མ་དག། འདམ་གྱི་ཉེས་པས་མི་གོས་བཞིན།།
152a6 ལུས་ཅན་དག་ལས་སུ་ཡང་རུང་།། ཁྱོད་ཀྱིས་གསང་སྔགས་འཆང་བྱེད་པ།། དེ་དག་ལས་ནི་གཅིག་ཙམ་ཡང་།། བྱང་ཆུབ་ལས་ནི་ལྡོག་མི་འགྱུར།། མཁས་པ་གང་ཞིག་གཟུངས་སྔགས་མཆོག། ཐོས་ནས་མོས་པར་བྱེད་པ་ནི།། ངེས་པར
152a7 ཡོན་ཏན་ཐམས་ཅད་ཀྱང་། ། ཐོབ་པར་འགྱུར་ཏེ་ཐེ་ཙོམ་མེད།། དེ་ནས་ཐམས་ཅད་ལྡན་པའི་འཁོར།། ལངས་ཏེ་ས་ཡི་དབང་ཕྱུག་པོ།། ས་ཡི་སྙིང་པོས་མཆོག་ལ།། མིང་བརྒྱ་རྩ་བརྒྱད་སྨྲས་པ་ནི།། ས་ཡི་སྙིང་པོ་གཙོ་བོ་ཆེ།། གློག་འགྲུལ
152a8 བུའི་སྤྱན་མངའ་བ། ། ཅོད་པན་ཅ་ས་བརྙེས་པ།། ཕུན་སུམ་ཚོགས་ལྡན་འབྱོར་པ་མཆོག། རིག་ལྡན་རིག་མཛད་མཆོད་པའི་གནས།། གཙོ་བོ་དགེ་སྦྱོང་སྟོན་པ་པོ།། གཞི་བཅས་ལྡན་པའི་རླུང་གི་ཚུལ།། སཱ་ཧཱའི་བློ་ལྡན་སྙིང་རྗེའི་ངག།། ཐམས
iiif viewer powered by OpenSeadragon
