| e-texts navigator |
| Wylie |
13b1 ཧ་ཧར་གྱུར་པའི་དཀྱིལ་འཁོར་དུ།། བདག་ཉིད་ཀྱིས་ནི་དམ་ཚིག་གིས།། མཁས་པས་བཟུང་ནས་བཟླས་པར་བྱ།། འདི་ཉིད་ཀྱིས་ཀྱང་དབང་བསྐུར་ནས།། ཅི་ལྟར་ནུས་པས་གང་རུའང་རུང་།། ཁྲོ་བོ་མཆོག་གིས་རི་མོ་འམ།། དཀྱིལ་འཁོར་ཆོ་ག
13b2 བཞིན་བྱས་པ་འམ། ། དེ་བཞིན་སྐུ་གཟུགས་གཞན་ཡང་རུང་།། ཡིད་དང་དབང་པོ་བསྡམས་བྱས་ནི།། ཐོག་མར་ཅིག་འབུམ་བཟླས་པར་བྱ།། དེ་ལྟར་སྔོན་དུ་བསྙེན་པ་ནི།། ཅི་ལྟར་འདོད་པར་བྱས་ནས་གདོང་།། ཕྱིས་ནས་སྨྱུང་བ་བྱས་པ་དེ།། རོ་ལངས
13b3 ཕྱག་རྒྱ་བསྒྲུབ་ལ་འཇུག། ཧ་ཧར་གྱུར་པའི་དཀྱིལ་འཁོར་ནི།། ཆོ་ག་བཞིན་དུ་དུར་ཁྲོད་བྲི།། ཡང་ན་སེམས་ནི་མི་དཔའ་བས།། དུར་ཁྲོད་ཐལ་བས་ཁྱིམ་དུ་བྲི།། ཁྱིམ་དེ་སྟོང་པ་ཡིན་ཡང་རུང་།། གལ་ཏེ་ཁྱིམ་དེ་མི་སྟོང་ན།། ཧ་ཧར་གྱུར་པ་མཐོང་བ་དང་།།
13b4 ཞག་བདུན་ལོན་མ་ཐག་ཏུ་འཇིག། དེ་ནས་ཡི་དགས་མང་པོ་ལས།། གསུངས་པའི་མཆོད་པ་ཅི་རིགས་བྱས།། དེ་ནས་ལྷོ་ཕྱོགས་སྒོར་འདུག་སྟེ།། བྱང་གི་ཕྱོགས་སུ་ཁ་བལྟས་ལ།། རང་གི་དམ་ཚིག་ལས་གསུངས་པའི།། རོ་ལངས་ཕྱག་རྒྱ་བཅིངས།
13b5 ཏེ་བཟླས།། ཟླ་བ་མར་གྱི་ཚེས་བརྒྱད་ལ།། བློ་ལྡན་ཆོ་ག་ཤེས་པ་ཡིད།། མཚན་མ་བསྟན་ཅིང་འདུག་ནས་ནི།། ཉི་མ་ཤར་གྱི་བར་དུ་བཟླས།། དེ་ནས་ཁྲོ་བོས་དགོངས་པ་ཡིས།། རོ་ལངས་ལྷ་མོ་འགྲུབ་པར་འགྱུར།། ཁྲོ་བོ་ལྷ་ཡི་སྔགས་དག་དང་།།
13b6 བསྐུལ་བའི་ཚིག་ནི་མཆོག་རྣམས་ཀྱིས།། ཇི་སྐད་གསུངས་པའི་ལས་རྣམས་ནི།། ཐམས་ཅད་དེ་ནས་བྱེད་པར་འགྱུར།། བེ་ཅོན་ཞེས་བྱ་ཕྱག་རྒྱ་ལའང་།། དེ་དག་ཉིད་ལ་མྱུར་དུ་སྦྱར།། སྦྱར་ན་དོགས་པ་མེད་པར་ཡང་།། འདི་ནི་དེ་དག་བྱེད་པར
13b7 འགྱུར། ། རོ་ལངས་ཕྱག་རྒྱ་སྒྲུབ་པ་བྲི།། སྔགས་པ་རྣམས་ལ་འདིར་གསུངས་སོ།། དེ་ནི་ཞན་པའི་སེམས་རྣམས་ཀྱིས།། སྒྲུབ་པ་དག་ནི་གསུམ་པ་འབྱུང་།། ཆོ་ག་བཞིན་དུ་སྔར་བཤད་པའི།། ཡི་དགས་མང་པོ་དེ་ཚེ་བྲི།། གང་ཡང་རུང་བར་ཨུ0f7f
13b8 རིགས་པར། ། སྔགས་དེ་རྣམས་ཀྱིས་སྦྱར་བར་བྱ།། དེ་ནས་ཡི་དགས་མང་པོ་ཡིས།། དཀྱིལ་འཁོར་བསྟན་སྡུག་པ་འདི།། ཁྱིམའམ་ཡང་ན་གཞན་ཡང་རུང་།། དེར་ནི་དཀྱིལ་འཁོར་བྲིས་ནས་ནི།། དེ་དབུས་ཡི་དགས་སྤྱི་བོ་ལ།། རོ་ལངས་མ
iiif viewer powered by OpenSeadragon
