| e-texts navigator |
| Wylie |
13a1 པར་བྱེད། ། དེ་ནས་བདག་ཉིད་ཆེན་པོ་དེའི།། འཇིགས་སུ་རུང་བའི་གཟུགས་མཐོང་ནས།། གཤིན་རྗེ་གཤེད་པོ་དཔའ་བོ་ཡི།། རོ་ལངས་ཕྱག་རྒྱ་བསྟན་པར་བྱ།། དེ་ནས་གཤིན་རྗེ་གཤེད་པོ་ནི།། ཡི་དགས་ལུས་ལ་གནཱ།
13a2 པ་དེས།། རོ་ལངས་ཉིད་ཀྱི་རྒྱ་མཐོང་ནས།། རིག་པ་འཛིན་པ་དེ་ཡི་ནི།། སེམས་དྲོད་རིག་ནས་འདོད་པའི་མཆོག། སྦྱིན་པར་བྱེད་ལ་གདོན་མི་ཟ།། ཁྲོ་བོ་རྒྱལ་པོ་སླར་གཤེགས་ནས།། མི་རོ་ས་ལ་འགྱེལ་བར་འགྱུར།། དེ་ཡི་ལུས་ནི་དེ
13a3 ཉིད་ཀྱང་། ། གསེར་དུ་འགྱུར་བ་གདོན་མི་ཟ།། དེ་ཚེ་གྲོགས་པོ་རྣམས་དང་ཡང་།། སེམས་ཅན་རྣམས་ལ་ཅི་བདེར་སྦྱིན།། བདག་ཉིད་ཆེན་པོ་དཔའ་བོ་ཡི།། སྒྲུབ་པ་བཤད་པ་འདི་ཡིན་ཏེ།། སེམས་ནི་རབ་ཏུ་དཔའ་བོས་བྱའི།། ངན་སོང
13a4 གཞན་གྱིས་ཡོད་མི་བྱ། ། སེམས་གཞན་པ་ཡི་སྒྲུབ་པ་པོས།། ཁྲོ་བོའི་རྒྱལ་པོ་དེ་བསྒྲུབས་ན།། དེ་ནི་ལངས་ནས་མྱུར་བར་ནི།། གྲོགས་དང་བཅས་པ་གསོད་པར་འགྱུར།། རོ་ལངས་ཕྱག་རྒྱ་མི་ཤེས་ན།། དེས་ནི་ཅི་ལྟར་དྲག་འགྱུར་ཀྱང་།།
13a5 ཁྲོ་བོའི་རྒྱལ་པོ་དེ་ཡིས་ནི།། སྒྲུབ་པ་པོ་ནི་བསད་པར་འགྱུར།། རིག་འཛིན་མཆོག་གིས་གང་དག་ཏུ།། དེ་བཞིན་གཤེགས་པའི་དམ་ཚིག་གིས།། བརྒྱན་ཅིང་ཁྲོ་བོ་བསྐུལ་བ་ཡིས།། རོ་ལངས་ཕྱག་རྒྱ་བཅིངས་པ་དེར།། གདོན་མི་ཟ་བར
13a6 ཁྲོ་བོ་ནི། ། ལེགས་པར་བྱིན་གྱིས་རློབ་པར་འགྱུར།། མྱུར་དུ་མཆོག་ཀྱང་སྩོལ་བར་མཛད།། འགོ་བར་གྱུར་པ་གདོན་མི་ཟ།། ཨོཾ་ན་མོ་བུད་དྷ་དྷརྨ་ས~ཾ་གྷེ་བྷྱོཿ་ཀྲོ་དྷེ་ཀ་ཡ་མཱན་ཏ་ཀ་ཧ་ན་མ་ཐ་བྷཉྫ་ཧཱུ~ཾ་བེ་བཱ་བི་ར་ཥཱ་རཥཱ་མཱན་ཏ་ཐཱ་ག་ཏོ།།
13a7 ཨཱནྡྲ་པ་ཡ་ཏི་སྭཱ་ཧཱ།། དེ་བཞིན་གཤེགས་པའི་དམ་ཚིག་གི་བཀས་བརྒྱན་པ།། རོ་ལངས་ཀྱི་ཁྲོ་བོའི་ཕྱག་རྒྱའི་སྔགས་སོ།། ཧ་ཏར་གྱུར་པའི་དཀྱིལ་འཁོར་དུ།། རོ་ལངས་ཕྱག་རྒྱ་རང་སྔགས་དང་།། ལྡན་ན་མྱུར་དུ་ཁྲོ་བོ་ནི།།
13a8 བྱིནི་གྱིས་རློབ་པར་མཛད།། དཔའ་བོ་ངག་གི་སྦྱོར་བར་ནི།། སྔར་བསྙེན་ལ་སོགས་བྱེད་ན་ཡང་།། སྒྲུབ་པ་པོར་ནི་འདོད་པ་བཞིན།། ཁྲོ་བོ་ངེས་པར་མྱུར་དུ་འགྲུབ།། ཡང་ན་རོ་ལངས་ཕྱག་རྒྱ་འདི།། སྐྱེས་བུ་སེམས་ནི་མི་དཔའ་བས།། །
iiif viewer powered by OpenSeadragon
