| e-texts navigator |
| Wylie |
12a1 དྲག་བརྩོན་པའི། ། སྙིང་ནི་དགའ་བྱེད་གསང་བའོ།། སྔགས་པ་དག་གིས་གང་དག་ཏུ།། བཅིངས་པ་དེར་ནི་བྱིན་རློབ་པ།། རོ་ལངས་ཅེས་བྱའི་ཕྱག་རྒྱ་འདི།། ཁྲོ་བོས་གསུངས་པ་བཤད་པར་བྱ།། དུང
12a2 ཁྲོང་དག་གི་ཐམས་ཅད་ནི། ། གང་ལ་རྟག་ཏུ་རག་ལུས་པའོ།། དེ་ནས་ལག་པ་གཉིས་ཀ་ཡིས།། སོར་མོ་ཕན་ཚུན་བསྣོལ་བྱས་ཏེ།། སོར་མོ་གུང་མོ་བཤིབས་ཏེ་བསྒྲེང་།། མཛུབ་མོ་གཉིས་ཀྱིས་སྲིན་ལག་གཉིས།། མཐེ
12a3 བོང་གཉིས་ཀྱིས་སྲིན་ལག་གཉིས། ། ལེགས་པར་བཟུང་ནས་དགུག་པར་བྱ།། མཐེའུ་ཆུང་གཉིས་ཀྱང་ནང་དུ་དགུག། དེ་བཞིན་དུ་ནི་མཐེ་བོང་གཉིས།། ཕན་ཚུན་བསྣོལ་ཏེ་བརྐྱང་བར་བྱ།། ཤེས་རབ་ཅན་གྱི་ས་རོ་ལངས
12a4 འདི། རྟག་ཏུ་ཚུལ་བཞིན་ཁྲོ་བོས་བསྟན།། ཁྲོ་བོ་གཙོ་བོའི་གསང་སྔགས་གང་།། ཡི་གེ་བཅུ་བདུན་ལེགས་གསུངས་པ།། དེ་ཉིད་འདི་དང་སྦྱར་བར་བྱ།། རོ་ལངས་ཕྱག་རྒྱ་ལྡན་པ་སྟེ།། བདག་ཉིད་འདོད་པ་ཐམས་ཅད་སྟེ།། ཧ་ཧང
12a5 གྱུར་པའི་དཀྱིལ་འཁོར་དུ། ། ཆོ་ག་བཞིན་དུ་སྦྱར་བར་བྱ།། ཧ་ཧར་གྱུར་པའི་དཀྱིལ་འཁོར་ནི།། ཁྲོ་བོ་འབར་བྱེད་བཤད་པར་བྱ།། ཚིག་བཞིན་དུ་ནི་སྦྱར་བར་བྱ།། ཡི་དགས་ཕལ་ཆེན་བཤད་པ་བཞིན།། འདི་ཡང་གྲུ་བཞི་ལྷམ་པར་བྱ།། ཁྱད
12a6 པར་དག་ཏུ་ཕྱོགས་ཀུན་དུ། ། མཁས་པས་མོ་ནི་སྤར་བར་བྱ།། ཁྲུ་བརྒྱད་ལྷག་ཆད་མེད་པར་ནི།། ཆོ་ག་བཞིན་དུ་བྲི་བར་བྱ།། སྒོ་སྒོ་དག་ཏུ་གསལ་ཤིང་གིས།། ཕྲག་པའི་ཡི་དགས་ཁྲག་ཅན་བཞག། དབུས་སུ་མགོ་དང་བྲལ་བ་ཡི།། མི་རོར
12a7 སྨད་གསལ་བར་གཞག། ཡི་དགས་ཕལ་ཆེན་དཀྱིལ་འཁོར་བཞིན།། ཐ་མར་ཡི་དགས་ཕྲེང་བ་དགོད།། ཁྲོ་བོ་ཡི་ནི་གཙེ་བའི་སྔགས།། མཚོགས་མ་སྤྱི་གཙུག་ལ་སོགས་མེད།། ཡི་གེ་བཅུ་བདུན་བློ་ལྡན་གྱིས།། མགོ་མེད་རོ་ཡི
12a8 སྟེང་དུ་བཞག། ཞལ་དྲུག་པ་ལ་ཞབས་ཀྱང་དྲུག། དེ་བཞིན་ཕྱག་ནི་བཅུ་གཉིས་པ།། རབ་ཏུ་འབར་བ་དྲག་པོའི་གཟུགས།། སྔ་མ་བཞིན་དུ་གཞག་པར་བྱ།། ཡི་དགས་མང་པོ་སྦྱར་བ་ནི།། སྔ་མ་བཞིན་དུ་གཞག་ནས་ཀྱང་།། མེ་ཏོག
iiif viewer powered by OpenSeadragon
