| e-texts navigator |
| Wylie |
110a1 བར་འགྱུར་རོ། ། ཡིད་གཞུངས་ཤིང་ཐོས་པ་འཛིན་པ་དང་། ཉོན་མོངས་པའི་བག་ཆགས་སྤང་བ་ལ་གཞོལ་བར་འགྱུར་རོ།། འཕགས་པའི་སྐུ་ཐམས་ཅད་ཐོགས་པ་མེད་པའི་སྤྱན་གྱིས་མཐོང་བར
110a2 འགྱུར་རོ། ། རིགས་ཀྱི་བུ་དང་བུ་མོ་དག་གིས་འདི་ལན་ཅིག་གམ། ལན་གསུམ་འམ། བདུན་ནམ་ཉི་ཤུ་རྩ་གཅིག་གམ། བརྒྱ་རྩ་བརྒྱད་དུ་བརྗོད་པར་བྱེད་ན་དེའི་ལུས་ལ་མཛེ་དང་། ཕོལ་མིག་དང་། འབྲས་དང་། ཤུ་བ་དང་། གཡན
110a3 བ་དང་། རྐོག་མའི་ལྷ་གོར་ན་བ་དང་། མག་དང་། རྣ་བ་དང་། སོན་པ་ལ་སོགས་པ་དག་མི་འབྱུང་ངོ་ཞེས་གསུངས་སོ།། དེ་ནས་བཅོམ་ལྡན་འདས་ཀྱིས་ཞལ་འཛུམ་པ་མཛད་དེ། རྣམ་པར་ཐར་པའི་སྒོ་ཀུན་ནས་འཇུག་པའི་འོད་ཅེས
110a4 བྱ་བའི་ཏིང་ངེ་འཛིན་ལ་མཉམ་པར་བཞག་སྟེ། སེམས་ཅན་དམྱལ་བ་དང་། ཡི་དགས་དང་། དུད་འགྲོ་དང་། གླིང་བཞིའི་མིའི་འཇིག་རྟེན་དུ་འོད་ཀྱིས་ཁྱབ་པར་མཛད་དོ།། དེ་ནས་རྒྱལ་པོ་ཆེན་པོ་བཞི་དང་། སུམ་བཅུ་རྩ་གསུམ
110a5 དང་། འཐབ་བྲལ་དང་། དགའ་ལྡན་དང་། འཕེལ་དགའ་དང་། གཞན་འཕྲུལ་དབང་བྱེད་ཀྱི་གནས་མན་ཆད་ཁྱབ་པར་མཛད་དོ།། བསམ་གཏན་དང་པོའི་ཏིང་ངེ་འཛིན་ལ་མཉམ་པར་གཞག་གོ། བསམ་གཏན་དང་པོ་ནས་ལངས
110a6 ཏེ་བསམ་གཏན་གཉིས་པ་ལ་མཉམ་པར་བཞག་གོ། གཉིས་པ་ལས་ལངས་ཏེ་བསམ་གཏན་གསུམ་པ་ལ་མཉམ་པར་བཞག་གོ།། གསུམ་པ་ནས་ལངས་ནས་བསམ་གཏན་བཞི་པ་ལ་མཉམ་པར་གཞག་གོ།། བསཔ
110a7 གཏན་བཞི་པ་ལས་ལངས་ནས་ནམ་མཁའ་མཐའ་ཡས་སྐྱེ་མཆེད་ལ་མཉམ་པར་བཞག་གོ། ། ནམ་མཁའ་མཐའ་ཡས་སྐྱེ་མཆེད་ལས་ལངས་ནས་རྣམ་ཤེས་མཐའ་ཡས་སྐྱེ་མཆེད་ལ་མཉམ་པར་བཞག་གོ།། རྣམ་ཤེས་མཐའ།
110a8 ལས་སུ་མཆེད་ལ་ལངས་ནས་ཅི་ཡང་མེད་པའི་སྐྱེ་མཆེད་ལ་མཉམ་པར་བཞག་གོ། ཅི་ཡང་མེད་པའི་སྐྱེ་མཆེད་ལ་ལངས་ནས་ཡོད་མིན་མེད་མིན་སྐྱེ་མཆེད་ལ་མཉམ་པར་བཞག་གོ། དེ་ལས་ལངས་ནས་དེ་བཞིན་ཉིད་ཀྱི
iiif viewer powered by OpenSeadragon
