| e-texts navigator |
| Wylie |
276a1 འདི་དག་ནི་ཟས་མ་ཞུ་བ་དང་སྤོས་པ་དང་། ཁྲག་དང་མཁྲིས་པ་འདྲེས་པ་དང་། གཞང་འབྲུམ་གྱིས་བཏབ་པ་དང་། གཞང་ནད་ཅན་དང་། ཟ་ཁུ་དང་ལུད་པ་ཅན་དང་རིམས་ནད་ཅན་དང་གླད་པ་ན་བ་དང་གཞོགས་ཕྱེད་ན
276a2 བ་དང་ཡི་དགས་ཀྱིས་ཟིན་པའི་གསང་སྔགས་གཞི་ཡིན་ཏེ། ཀུན་དགའ་བོ་གང་གསང་སྔགས་གཞི་འདི་དག་ལས་འགལ་བར་བྱེད་པ་དེ་ནི་ངས་ལྷ་དང་བཅས་པའི་འཇིག་རྟེན་ནམ་མཐོང་ངོ་།། ཆ་ཟད་པ་ནི་མ་གཏོགས་སོ།། གསང
276a3 སྔགས་གཞི་འདི་དག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་གསུངས་པ་སྟེ། འདི་ལ་སངས་རྒྱས་ནི་སེམས་ཅན་ཐམས་ཅད་ཀྱི་མཆོག་གོ། འདོད་ཆགས་དང་བྲལ་བ་ནི་ཆོས་ཐམས
276a4 ཅད་ཀྱི་མཆོག་གོ། ། ། དགེ་འདུན་ནི་ཚོགས་ཐམས་ཅད་ཀྱི་མཆོག་གོ།། བདེན་པའི་ཚིག་དང་བདེན་པའི་ངག་འདིས་བདག་གིས་ཟོས་པ་དང་། འཐུངས་པ་དང་འཆོས་པ་དང་། མྱངས་པ་རྣམས
276a5 ལེགས་པར་བདེ་བར་ཞུ་བར་གྱུར་ཅིག་སྭཱ་ཧཱ། ། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་ནད་ཐམས
276a6 ཅད་རབ་ཏུ་ཞི་བར་བྱེད་པའི་གཟུངས། རྫོགས་སྷོ།། དཀོན་མཆོག་གསུམ་ལ་ཕྱག་འཚལ་ལོ།། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེ་བླ་མའི་རྒྱལ་པོ་ལ་ཕྱག
276a7 འཚལོ། ། ཏད་ཡ་ཐཱ། བཛྲ་བཛྲ། མ་ཧཱ་བཛྲ། སརྦ་བྷུ་དྷི་ཧ་ན་ཧ་ན་བཛྲ་ན་སྭཱ་ཧཱ། ལན་ལས་ནན་རབ་ཏུ་ཞི་བར་བྱེད་པའི་གཟུངས་རྫོགས་སྷོ།། རྒྱ་གར་སྐད་དུ། ཨཱརྱ་ཛྭ་ར་པྲ་ཤ་མ་ནི་ནཱ་མ་དྷཱ་རཎཱི། བོད་སྐད་དུ། འཕགས་པ་རིམས
276a8 ནད་རབ་ཏུ་ཞི་བར་བྱེད་པའི་གཟུངས། སངས་རྒྱས་དང་། བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་ཅིག་ན། བཅོམ་ལྡན་འདས་རྒྱལ་པོའི་ཁབ་ན་དུར་ཁྲོད་ཆེན་པོ་བསིལ་བའི
iiif viewer powered by OpenSeadragon
