| e-texts navigator |
| Wylie |
26b1 ཡོད་ཤེས་རུང་ཡང་། ། ཤཱཀྱ་ཐུབ་པའི་སྐུ་ཚེའི་ཚད།། གང་གིས་ཀྱང་ནི་བགྲང་མི་ནུས།། གལ་ཏེ་ནམ་མཁའི་ཚད་བཙལ་ཏེ།། མཐའ་ཀུན་དཔག་པར་རུང་སྲིད་ཀྱང་།། ཤཱཀྱ་ཐུབ་པའི་སྐུ་ཚེའི་ཚད།། གང་གིས་ཀྱང་ནི་དཔག་མི་ནུས།། མེ།
26b2 ཞིག་བསྐལ་པ་བྱེ་བར་གནས།། མཐའ་གཏུགས་རྟག་པར་བརྩིས་བགྲངས་ཀྱང་།། བཅོམ་ལྡན་འདས་ཀྱི་སྐུ་ཚེའི་ཚད།། ཡོངས་སུ་ཤེས་པར་མི་འགྱུར་རོ།། སེམས་ཅན་སྲོག་ནི་མི་བཅད་ཅིང་། བཟའ་བཏུད་སྦྱིན་པ་བཏང་བ་ཡི།། རྒྱུ་ནི
26b3 རྣམ་པ་འདི་གཉིས་ཀྱིས། ། སྐུ་ཚེ་རིང་པོ་བརྙེས་པ་ཡིན།། དེ་བས་ཐུབ་པ་ཆེན་པོ་ཡི།། སྐུ་ཚེའི་ཚད་ནི་ཤེས་པར་དཀའ།། བསྐུལ་བའི་མཐའ་ནི་མེད་པ་ལྟར།། སྐུ་ཚེའི་ཚད་ཀྱང་དེ་བཞིན་ནོ།། མཛེས་པའི་ཏོག་ཁྱོད་ཤེས་བྱོས་ལ།། ཐེཙོམ
26b4 སོམ་ཉི་མ་སྐྱེད་ཅིག། རྒྱལ་བའི་སྐུ་ཚེའི་ཚད་མེད་པས།། དེ་ཡི་གྲངས་ནི་ཤེས་མི་ནུས།། དེ་ནས་བྱང་ཆུབ་སེམས་དཔའ་མཛེས་པའི་ཏོག་གིས་དེ་བཞིན་གཤེགས་པ་བཞི་པོ་དེ་དག་གིས་བཅོམ་ལྡན་འདས་ཤཱཀྱ་ཐུབ་པའི་སྐུ་ཚེའི་ཚད
26b5 དཔག་ཏུ་མེད་པར་བཀའ་སྩལ་པ་ཐོས་པ་དང་། བཅོམ་ལྡན་འདས་དེ་དག་ལ་འདི་སྐད་ཅེས་གསོལ་ཏོ།། ཅིའི་སླད་དུ་དེ་བཞིན་གཤེགས་པ་དེ་ལྟ་བུའི་སྐུ་ཚེ་ཐུང་བར་བསྟན་པར་མཛད་ལགས། དེ་ནས་བཅོམ་ལྡན་འདས་བཞི་པོ
26b6 དེ་དག་གིས་བྱང་ཆུབ་སེམས་དཔའ་མཛེས་པའི་ཏོག་ལ་བཀའ་སྩལ་པ། རིགས་ཀྱི་བུ་བཅོམ་ལྡན་འདས་ཤཱཀྱ་ཐུབ་པ་དེ་སྙིགས་མ་ལྔའི་དུས་འཇིག་རྟེན་དུ་བྱུང་བ་ན་མི་རྣམས་ཚེ་ལོ་བརྒྱ་ཐུབ་པར་འགྱུར་ཅིང་རང་བཞིན་དམན་པ་དང་།
26b7 དགེ་བའི་རྩ་བ་གྲ་ཞིང་ཆུང་བ་དང་། མོས་པ་མེད་པར་གྱུར་པས་སེམས་ཅན་དེ་དག་ལས་ཕལ་ཆེར་བདག་ཏུ་ལྟ་བ་དང་། གང་ཟག་ཏུ་ལྟ་བ་དང་། སེམས་ཅན་དང་སྲོག་དང་། གསོ་བ་པོ་དང་ལོག་པར་ལྟ་བ་དང་། བདག་དང་བདག་གིར་ལྟ་བ
26b8 དང་། ། རྟག་པ་དང་ཆད་པར་ལྟ་བ་ལ་སོགས་པ་དང་། ལྡན་པས་སེམས་ཅན་མང་པོ་དེ་དག་དང་། མུ་སྟེགས་ཅན་མང་པོ་དེ་དག་ལ་ཕན་གདགས་ཤིང་ཡང་དག་པའི་ཤེས་པ་བསྐྱེད་ནས་མྱུར་དུ་བླ་ན་མེད་པའི་བྱང་ཆུབ་ཡོངས་སུ་རྫོགས་པ
iiif viewer powered by OpenSeadragon
