| e-texts navigator |
| Wylie |
21a1 ཆེན་པོ་ལྟར་གཟི་བརྗིད་ཀྱི་བྱིན་གྱི་མཐུ་ཆེ་བ་ཤིན་དུ་གྲགས་པ་དང་ལྡན་པ། ཅང་ཤེས་དང་ལྡན་པ། སྦྱིན་པ་དང་ཚུལ་ཁྲིམས་ཡོངས་སུ་དག་པ་མཆོད་པ་དང་། རིམ་གྲོ་བྱེད་པ་དང་། ཡོངས་སུ་དག
21a2 བསྐལ་པ་གྲངས་མེད་པ་ནས་བཟོད་པ་དང་། བརྩོན་འགྲུས་སུ་ལྡན་པ། བསམ་གཏན་ཐམས་ཅད་ལས་ཡོངས་སུ་འདས་པ། དྲན་པ་མངོན་པར་བཞག་པ། ཤེས་རབ་ཀྱི་སྒོ་ཡོངས་སུ་འབྱེད་པ། རྣལ་འབྱོར་དང་ཐབས་དང
21a3 དབང་གིས་རྣམ་པར་རོལ་པ། མངོན་པར་ཤེས་པ་དང་། གཟུངས་དང་ལྡན་པ། སྤོབས་པ་ཡོངས་སུ་མི་ཟད་པ། ཉོན་མོངས་པ་ཐམས་ཅད་ཡོངས་སུ་སྤངས་པ། ཉོན་མོངས་པའི་བཤལ་ཐག་ཡོངས་སུ་གཅོད་པ། རིང་པོ་མ
21a4 ཐོགས་པར་ཐམས་ཅད་མཁྱེན་པའི་ཡེ་ཤེས་དང་ལྡན་པར་འགྱུར་བ། བདུད་དང་བདུད་ཀྱི་དམག་ཡོངས་སུ་འཇོམ་པ། ཆོས་ཀྱི་རྔ་རབ་ཏུ་སྒྲོགས་པ་མུ་སྟེགས་ཐམས་ཅད་ཡོངས་སུ་ཟློག་པས་བསམ་པ་རྣམ་པར་དག་པར་སྦྱོར་བ
21a5 དམ་པའི་ཆོས་ཀྱི་འཁོར་ལོ་བསྐོར་བ། ལྷ་དང་མི་ཐམས་ཅད་ཡོངས་སུ་སྒྲོལ་བ་ཕྱོགས་བཅུའི་སངས་རྒྱས་ཀྱི་ཞིང་གི་རྒྱན་ཡོངས་སུ་སྒྲུབ་པ། རྒྱུད་དྲུག་གི་སྐྱེ་བོ་ཡོངས་ལ་ཕན་འདོགས་པ་ཡེ་ཤེས་ཆེན་པོ་ཕུན་སུམ་ཚོགས
21a6 པ། བཟོད་པ་ཆེན་པོ་དང་ཡོངས་སུ་ལྡན་པ། བྱམས་པ་ཆེན་པོ་དང་། སྙིང་རྗེ་ཆེན་པོ་དང་ལྡན་པའི་སེམས་ལ་གནས་པ། གཞན་གྱིས་མི་ཐུབ་པའི་སྟོབས་ཆེན་པོ་དང་ལྡན་པ་སངས་རྒྱས་ཀྱི་ཞིང་ཐམས་ཅད་དུ་རྒྱུ་ཞིང་མཆོད་པ
21a7 བྱེད་པ། ཡོངས་སུ་མྱ་ངན་ལས་འདའ་བར་མི་འཇུག་པ། མ་འོངས་པའི་བསྐལ་པའི་མཐར་ཡོངས་སུ་མི་ཟད་པའི་ཡིད་དམ་གྱི་སྨོན་ལམ་ཆེན་པོ་བསྐྱེད་པ། སངས་རྒྱས་མང་པོ་ལས་ཤིན་ཏུ་ཟབ་མོའི་རྒྱུ་རྣམ་པར་དག་པ
21a8 བསྐྱེད་པ། དུས་གསུམ་གྱི་ཆོས་མ་སྐྱེས་པའི་བཟོད་པ་ཐོབ་པ།། ཉན་ཐོས་དང་། རང་སངས་རྒྱས་ཀྱི་སྤྱོད་ཡུལ་ལས་ཡོངས་སུ་འདས་པ། འཇིག་རྟེན་གྱི་དོན་སྦྱོར་བ་ལ་མཁས་པ། སྟོན་པ་ཆེན་པོས་དགོངས་ཏེ་གསུངས་པའི
iiif viewer powered by OpenSeadragon
