| e-texts navigator |
| Wylie |
20b1 ཐམས་ཅད་ཀྱི་སྤྱོད་ཡུལ་དེ་བཞིན་གཤེགས་པའི་གནས་ན་དགེ་སློང་ཆེན་པོའི་དགེ་འདུན་ཁྲི་ཕྲག་དགུ་ཁྲི་བརྒྱད་སྟོང་དང་། ཐབས་གཅིག་ཏུ་བཞུགས་ཏེ། ཐམས་ཅད་ཀྱང་དགྲ་བཅོམ་པ་ཤ་སྟག
20b2 གླང་པོ་ཆེའི་རྒྱལ་པོ་ལྟར་ཤིན་ཏུ་རྣམ་པར་བྱང་བ་ཤ་སྟག། ཟག་པ་ཟད་པ་ཤ་སྟག། ཉོན་མོངས་པ་མེད་པ་ཤ་སྟག་སེམས་ཤིན་དུ་རྣམ་པར་གྲོལ་བ་ཤ་སྟག། ཤེས་རབ་ཤིན་དུ་རྣམ་པར་གྲོལ་བ་ཤ་སྟག། བྱ་བ
20b3 བྱས་པ་ཤ་སྟག། ཁུར་བོར་བ་ཤ་སྟག། བདག་གི་དོན་རབ་ཏུ་རྙེད་པ་ཤ་སྟག། སྲིད་པའི་སྦྱོར་བ་ཡོངས་སུ་ཟད་པ་ཤ་སྟག། དམ་པའི་དབང་མཆོག་ཐོབ་པ་ཤ་སྟག། ཚུལ་ཁྲིམས་རྣམ་པར་དག་པ་ལ་གནས་པ་ཤ
20b4 སྟག། ཐབས་དང་ཤེས་རབ་ཏུ་ལྡན་པར་མཁས་པའི་རྒྱན་གྱིས་བརྒྱན་པ་ཤ་སྟག། རྣམ་པར་ཐར་པ་བརྒྱད་དང་ལྡན་པ་ཤ་སྟག། ཕ་རོལ་དུ་ཡོངས་སུ་ཕྱིན་པ་ཤ་སྟག་སྟེ། དེ་དག་གི་མིང་ལ་འདི་ལྟ་སྟེ། ཚེ་དང
20b5 ལྡན་པ་ཀུན་ཤེས་ཀཽ་ཎྜི་ནྱ་དང་ཚེ་དང་ལྡན་པ་རྟ་ཐུལ་དང་། ཚེ་དང་ལྡན་པ་རླངས་པ་དང་། ཚེ་དང་ལྡན་པ་མིང་ཆེན་དང་། ཚེ་དང་ལྡན་པ་བཟང་པོ་དང་། ཚེ་དང་ལྡན་པ་འོད་སྲུངས་ཆེན་པོ་དང་། ཚེ་དང་ལྡན་པ་ལྟེང་རྒྱས་འོད་སྲུང
20b6 དང་། ཚེ་དང་ལྡན་པ་ག་ཡ་འོད་སྲུང་དང་། ཚེ་དང་ལྡན་པ་ཆུ་བོ་འོད་སྲུངས་དང་། ཚེ་དང་ལྡན་པ་ཤཱ་རིའི་བུ་དང་། ཚེ་དང་ལྡན་པ་མཽད་གལ་གྱི་བུ་ཆེན་པོ་དང་། དེ་ལ་གཅིག་མ་གཏོགས་པ་དེ་ནི་ཚེ་དང་ལྡན་པ་དགའ་བོ་སྟེ། དེ་ལ་སོགས་ཏེ་ཉན
20b7 ཟོས་ཀྱི་དགེ་འདུན་ཆེན་པོ་རྣམས་ཕྱི་དྲོའི་དུས་ན་སོ་སོའི་ཏིང་ངེ་འཛིན་ལས་ལངས་ནས་བཅོམ་ལྡན་འདས་གང་ན་བ་དེར་ལྷགས་ཏེ། བཅོམ་ལྡན་འདས་ཀྱི་ཞབས་གཉིས་ལ་སྤྱི་བོས་ཕྱག་བྱས་ནས། གཡས་ཕྱོགས་ནས
20b8 ལན་གསུམ་བསྐོར་བ་བྱས་ཏེ་ཕྱོགས་གཅིག་ཏུ་འཁོད་དོ། ། གཞན་ཡང་འདི་ལྟ་སྟེ། བྱང་ཆུབ་སེམས་དཔའ་སེམས་དཔའ་ཆེན་པོ་བྱེ་བ་ཁྲག་ཁྲིག་བརྒྱ་སྟོང་སྙེད་ཀྱང་དེང་འདུས་པར་གྱུར་ཏེ། ཐམས་ཅད་ཀྱང་ཀླུའི་རྒྱལ་པོ
iiif viewer powered by OpenSeadragon
